დღე: ივნისი 26, 2024

ქობულეთში ოჯახში ძალადობის შემთხვევაზე გამოძახებული პოლიციელი დაჭრეს. ინფორმაციას რეგიონული გამოცემა ,,ბათუმელები” ავრცელებს. ერთ-ერთი ადგილობრივის თქმით, პოლიციელი სამსახურეობრივი უფლებამოსილების შესრულების დროს დაჭრეს, როცა განქორწინებული კაცი ყოფილ ცოლთან მივიდა და პოლიცია გამოიძახეს. გამოცემა წერს, რომ პოლიციელი მძიმედ დაჭრილი არ არის, ის კლინიკაში გადაიყვანეს. მომხდარს ადასტურებენ შსს-ში და ამბობენ, რომ თავდამსხმელი უკვე დაკავებულია. გამოძიება სისხლის სამართლის კოდექსის 353-ე პრიმა ერთი მუხლის შესაბამისად დაიწყო, რაც პოლიციელზე თავდასხმას გულისხმობს.

თბილისის საქალაქო სასამართლოში ლილოში მომხდარი მკვლელობის საქმის ბრალდებულის პროცესი მიმდინარეობს. საუბარია 21 წლის ქეთი ჯავახიშვილის მკვლელობაზე, რომელშიც ბრალდებული ოთარ ცინდელიანია. როგორც საქმის პროკურორმა საამართლო სხდომაზე განაცხადა, ჯავახიშვილი ცინდელიანის მხრიდან მუდმივი ფსიქოლოგიური ძალადობისა და შანტაჟის მსხვერპლი იყო. მისი თქმით, ჯავახიშვილს 59 ჭრილობა კისრის, სახის, თავის, ზურგის, ზედა და ქვედა კიდურებზე და მუცლის არეში ჰქონდა მიყენებული. ,,21 წლის ქეთევან ჯავახიშვილი ოთარ ცინდელიანმა ფაქტობრივად დაჩეხილ მდგომარეობაში დატოვა. მას დანა იმ დოზით ჰქონდა დარტყმული, რომ მისგან დანის წვერი სამედიცინო ექსპერტიზით იქნა ამოღებული… ქეთევან ჯავახიშვილი დედის ნათლული იყო, ნათესაური კავშირი ჰქონდა. ქეთევან ჯავახიშვილი ბრალდებულის მხრიდან…

საქართველოს მესამე პრეზიდენტმა დღევანდელ სასამართლო პროცესზე, ,,ვივა მედიდან” ჩართვისას ქვეყანაში არსებულ კრიმინოგენურ ვითარებაზე ისაუბრა. მიხეილ სააკაშვილმა ბოლო დროს, პოლიტიკოსებსა და სამოქალაქო აქტივისტებზე მომხდარი თავდასხმები ახსენა და განაცხადა, რომ მიუხედავად იმისა, რომ ყველა დამნაშავე ცნობილია, არავინაა პასუხისგებაში მიცემული. ,,ყველა თავდამსხმელი არის ცნობილი და არავინ არ არის პასუხისგებაში მიცემული, უფრო მეტიც, სრული არეულობა დაიწყო ქვეყანაში. 1-2 კვირის წინ, ვივა მედთან ხიდზე იპოვეს სასიკვდილოდ დაჭრილი ადამიანი იმიტომ, რომ სამარშრუტო ხაზი ვერ გაიყვეს კრიმინალებმა, მანამდე ორი ადამიანი მოკლეს ბანდიტურ გარჩევებში. საქართველოში დასაბრუნებელია წესრიგი, ადამიანის უფლებებსა და კანონის უზენაესობაზე დაფუძნებული. პოლიციამ მიუშვა კრიმინალი საკუთარ მოქალაქეებზე,…

,,ვითარება საგანგებოა”, – აცხადებს მეუფე დავითი, აბბა ალავერდელი მიტროპოლიტი, რომელმაც გუშინდელი სტიქიის შემდეგ, მონასტრის ტერიტორია დაათვალიერა. როგორც მიტროპოლიტი ამბობს, არც ერთი სახურავი გადარჩენილი არ არის. ,,დღის შუქზე მონასტრის დათვალიერების შემდეგ, თამამად შემიძლია ვთქვა, რომ მდგომარეობა არის საგანგებო. არც ერთი სახურავი არ არის გადარჩენილი. ყველა სახურავი არის დაზიანებული. გარდა ამისა, ქვემოდან როცა უყურებთ, რომ გუმბათის კარავს მოხსნილი აქვს თუნუქი, სპეციალისტებმა უნდა ნახონ, რადგან დარტყმა ქარბორბალას ძალისა, იყო ძალიან დიდი. სხვა დანარჩენი, ინფრასტრუქტურა იყო მონასტრის შიგნით, თუ რა იყო, სხვა სიტყვას ვერ ვპოულობ, არის იავარქმნილი და ეს ეხება მონასტრის ყველა შენობა-ნაგებობას”, –…

,,თავდასხმა მოხდა ჩემზე… სამი ადამიანი მირტყამდა”, – ამის შესახებ აქტივისტი კოტე აბდუშელიშვილი ყვება და ამბობს, რომ თავდასხმა თბილისში, 51-ე სკოლის წინ მოხდა. ,,ახლა ამ წამს მოხდა თავდასხმა ჩემზე. 51-ე სკოლის წინ. თავდასხმა მოხდა, რა ვიცი, მცემეს, მემგონი ტვინის შერყევას გადარჩენილი ვარ. პატრული მოსული არის. დაზიანებები მაქვს, ცოტა სისხლიც. აი აქ, წამაქციეს და მირტყამდა სამი ადამიანი. მანქანის გადაღება შევძელი. მცირე დაზიანებები მაქვს. მანქანის გადაღება შევძელი, ფრანგული ნომრებით იყო, ფიტით. ახლა პოლიციაა მოსული, სურათები გადაუღეს. ნიღბებით იყვნენ, უკნიდან, ზურგიდან დამარტყეს და წაქცევის დროს სამი ადამიანი შემდგა და კიდევ კარგი, აქ ხალხი იყო…

ვარკეთილში დაკარგული არასრულწლოვანი იპოვეს. ინფორმაციას სოციალურ ქსელში მისი ახლობლები ავრცელებენ. სხვა დეტალები, ამ დროისთვის, უცნობია.

შინაგან საქმეთა სამინისტროს ცნობით, ნარკოდანაშაულისთვის 24 პირი დააკავეს, მათ შორის 11 ნარკორეალიზატორია. დაკავებულებს შორის არიან, როგორც საქართველოს, ასევე, უცხო ქვეყნის მოქალაქეები. ,,სამართალდამცველების მიერ ნივთმტკიცებად სხვადასხვა სახის დიდი და განსაკუთრებით დიდი ოდენობით ნარკოტიკული საშუალებებია ამოღებული. პოლიციამ ნარკოტიკების უკანონო გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა. დიდი და განსაკუთრებით დიდი ოდენობით ნარკოტიკული საშუალებების, ასევე, ნარკოტიკული საშუალება „მარიხუანას“ უკანონო გასაღების, გასაღების მცდელობის და გასაღების მომზადების ფაქტებზე დაკავებულები არიან: 1999 წელს დაბადებული კ.ი., 1969 წელს დაბადებული ნ.ს., 1975 წელს დაბადებული ზ.თ., 2002 წელს…

კახეთში ძლიერი ქარიშხლის შედეგად ორი ადამიანი დაშავდა. ცოლ-ქმარი მანქანაში იჯდა, რა დროსაც ძლიერი ქარი ამოვარდა, რის შედეგადაც წაქცეული ხე ავტომობილს დაეცა, მანქანა ამოტრიალდა და რამდენიმე ბრუნი გააკეთა. ისინი კლინიკაში არიან გადაყვანილი და მათ სიცოცხლეს საფრთხე არ ემუქრება. ქარიშხლის შედეგად დაზიანდა ალავერდის სამონასტრო კომპლექსის შიდა და გარე ტერიტორია, წაიქცა ხეები, დაწყვეტილია ელექტროგადამცემი ბოძების კაბელები, რის გამოც სოფლის მოსახლეობას ელექტროენერგიის მიწოდება რამდენიმე საათით შეუწყდა.  

მარტვილში, დეპუტატ ფრიდონ ინჯიას სახლთან, ასფალტზე და ჭიშკარზე წარწერა დატოვეს ,,ინჯია მონა”. მეზობლებს არ შეუნიშნავთ როდის და ვინ დატოვა წარწერა, თავად ინჯიების ოჯახი კი თბილისში ცხოვრობს. შეგახსენებთ, რომ ,,ევროპელი სოციალისტების” დეპუტატმა ინჯიამ გამჭვირვალობის შესახებ კანონს ხმა მისცა.

მარნეულში, გვიან ღამით, ერთმანეთს 7 ავტომობილი შეეჯახა. შემთხვევის შედეგად 4 მცირეწლოვანი დაშავდა, აქედან ორი უკვე გადაყვანილია ადგილობრივ საავადმყოფოში. ადგილზე მობილიზებული იყვნენ სამართალდამცავები და სასწრაფო დახმარების ბრიგადები. თვითმხილველები ყვებიან, რომ ,,ფორდის” ტიპის მიკროავტობუსი დიდი სიჩქარით მოძრაობდა, რის შედეგადაც გზაზე გაჩერებულ მანქანებს დაეჯახა.

ქობულეთში ცეცლსასროლი იარაღით ახალგაზრდა კაცი დაჭრეს. ინფორმაციას აჭარის ტელევიზია ავრცელებს და წერს, რომ დაშავებული სასწრაფო-სამედიცინო დახმარების ბრიგადამ კლინიკაში გადაიყვანა, სადაც სასწრაფო ოპერაცია უტარდება. შემთხვევის ადგილას სამართალდამცავები იმყოფებიან, რომლებსაც საცხოვრებელი სახლში შესასვლელი ეზო გადაკეტილი აქვთ. სამედიცინო ცენტრში კი კრიმინალური პოლიციაა მობილიზებული. შინაგან საქმეთა სამინისტრომ მომხდარზე გამოძიება დაიწყო. სხვა დამატებითი დეტალები, ამ დროისთვის, უცნობია.

კულტურული მემკვიდრეობის სააგენტო სტიქიის შედეგად დაზიანებული ალავერდის მონასტრის მდგომარეობის შესახებ ინფორმაციას ავრცელებს. ალავერდის სამონასტრო კომპლექსის ტერიტორიაზე იმყოფებიან სსიპ საქართველოს კულტურული მემკვიდრეობის დაცვის ეროვნული სააგენტოს წარმომადგენლები, რომლებიც ეცნობიან შექმნილ მდგომარეობას. ,,სტიქიის შედეგად გადახდილია გუმბათის თუნუქის საფარი, ტაძრის სამხრეთ კალთაზე დაზიანებულია ლორფინის სახურავი, ჩამსხვრეულია ტაძრის დასავლეთი მხარის და გუმბათის სარკმლები, დაზიანებულია სამრეკლოს თუნუქის სახურავი და საეპისკოპოსო სასახლის კრამიტის სახურავი, ჩამოშლილია სასახლის აივანი, ტაძრის გუმბათიდან ჩამოვარდნილია ჯვარი და დაზიანებულია მიმდებარე ტერიტორიის ინფრასტრუქტურა. ამჟამად მიმდინარეობს დაზიანებათა სიმძიმის განსაზღვრა და უახლოეს დღეებში ადგილობრივ ეპარქიასა და მის მმართველ აბბა ალავერდელ მიტროპოლიტ დავითთან ერთად დაიგეგმება ტაძრის დაზიანებების…