დღე: ოქტომბერი 11, 2024

საქართველოს წარმომადგენელი ანდრია ფუტკარაძე საბავშვო ევროვიზიის სცენაზე 16 ნოემბერს მე-9 ნომრად წარდგება. წლევანდელ კონკურსში, რომელიც მადრიდში 16 ნოემბერს გაიმართება, 17 ქვეყანა მიიღებს მონაწილეობას. გამომსვლელთა რიგითობა ასეთია: იტალია, ესტონეთი, ალბანეთი, სომხეთი, კვიპროსი, საფრანგეთი, ჩრდილოეთ მაკედონია, პოლონეთი, საქართველო, ესპანეთი, გერმანია, ნიდერლანდები, სან მარინო, უკრაინა, პორტუგალია, ირლანდია და მალტა. To My Mom „დედას“ ასე ქვია საბავშვო ევროვიზიაზე ქართველი კონკურსანტის, ანდრია ფუტკარაძის სიმღერას, რომლის ონლაინ პრემიერა 13 ოქტომბერს, 16:00 საათზე გაიმართება. სიმღერის ავტორი გიგა კუხიანიძეა, მასთან ერთად ტექსტზე მაკა დავითაიამ იმუშავა. ვიდეორგოლი ,,საზოგადოებრივმა მაუწყებელმა” გადაიღო; კოსტიუმი კი, იზა ნადარეიშვილს ეკუთვნის. Let’s Bloom რიგით 22-ე…

უკრაინის შეიარაღებული ძალების მთავარსარდალმა ოლექსანდრ სირსკიმ განაცხადა, რომ რუსეთმა კურსკის ოლქში დაახლოებით 50 ათასი სამხედრო გადაისროლა. ინფორმაციას უკრაინული მედია ავრცელებს. მისი თქმით, რუსეთის სამხედრო ხელმძღვანელობამ დამატებითი ძალების მობილიზება ფრონტის სხვადასხვა პოზიციებიდან მოახდინა. „ჩვენ ვიცით, რომ კურსკის მიმართულებაზე სხვადასხვა მიმართულებებიდან დაახლოებით 50 ათასი სამხედროა გადასროლილი“, – თქვა სირსკიმ. უკრაინელმა გენერალმა აგრეთვე აღნიშნა, რომ რუსული ჯარის კურსკში გადასროლის გამო რუსების პოზიციები შესუსტდა ზაპოროჟიეს, ხერსონისა და კრამატორსკის მონაკვეთებზე. „რა თქმა უნდა, ამ გარემოებამ ჩვენი თავდაცვითი ოპერაციების წარმოება შეამსუბუქა“, – თქვა სირსკიმ.

აშშ-ში, დედას 8 წლის შვილის, კენდრიკ ლის მკვლელობაში ედება ბრალი. მკვლელობა 2021 წლის მარტში მოხდა. უცხოური მედიის ცნობით, გარდაცვლილი ბავშვის შესახებ პოლიციას მისმა უმცროსმა ძმამ შეატყობინა. ბიჭი ამტკიცებდა, რომ მისი ძმა ერთი წლის განმავლობაში სახლში გარდაცვლილი იყო. გამოძიების შედეგად, ბავშვის დედა, გლორია უილიამსი დამნაშავედ ცნეს. ასევე, სამუდამო პატიმრობა მიუსაჯეს მის მეგობარ ბიჭს, რომელმაც 8 წლის ბიჭი სასიკვდილოდ სცემა. როგორც აღმოჩნდა, ბავშვები გარდაცვლილი დედმამიშვილის გვერდით რამდენიმე თვე მარტო ცხოვრობდნენ, რადგან დედამ ისინიც მიატოვა. „როდესაც ჩვენ ადგილზე მივედით, ბინა საშინელ მდგომარეობაში იყო. ჩვენ ვნახეთ ჭუჭყიანი ხალიჩა, სახლში არ იყო საერთოდ არავითარი ავეჯი.…

NASA-ს ყოფილმა ასტრონავტმა, რონ გარანმა, 178 დღე კოსმოსში გაატარა და ეს იყო მომენტი, როდესაც ის დედამიწას უყურებდა საერთაშორისო კოსმოსური სადგურიდან. კოსმოსში გატარებულმა დღეებმა ასტრონავტში გამოიწვია „მიმოხილვის ეფექტი“. „მიმოხილვის ეფექტი” ხშირად ხდება მაშინ, როდესაც ასტრონავტები მიდიან კოსმოსში და ქვემოდან იყურებიან. ამ დროს პირველად ხედავენ დედამიწას ამ პერსპექტივიდან. გამოცდილება „ცვლის ასტრონავტების შეხედულებას და აზროვნებას ჩვენს პლანეტაზე და თავად სიცოცხლეზე“, – განმარტავს NASA . Big Think-თან ინტერვიუში ასტრონავტმა განმარტა: „ჩვენ ვცდილობთ გავუმკლავდეთ ისეთ საკითხებს, როგორიცაა გლობალური დათბობა, ტყეების განადგურება, ბიომრავალფეროვნების დაკარგვა, როგორც ცალკეული საკითხები, როდესაც სინამდვილეში ისინი მხოლოდ ძირითადი პრობლემის სიმპტომებია. პრობლემა ისაა,…

ამერიკაში მიწისძვრა მოხდა. ბიძგების სიმძლავრემ 5.0 მაგნიტუდა შეადგინა. ეპიცენტრი ალასკას შტატში, ქალაქი  უნალასკა იყო. ინფორმაცია ამერიკის შეერთებული შტატების სეისმოლოგიური სამსახური ავრცელებს.

სამეგრელოს რეგიონში ჩეხი მოლაშქრე სტანისლავ კოსკისი დაიკარგა. ინფორმაციას Trekking in the Caucasus ავრცელებს. არსებული ინფორმაციით, მოლაშქრე ტობავარჩხილის ტბის მიდამოებში გაუჩინარდა. ის სკურიდან ხაიშში გადასვლას გეგმავდა. ბოლოს ის, 28 სექტემბერს კირნახონას თავშესაფართან ნახეს. სტანისლავ კოსკისის ახლობლები საზოგადოებას დახმარებას სთხოვენ: ,,იმ შემთხვევაში, თუ ვინმე ეწვია ტობავარჩხილის ტბების მიდამოებს სექტემბრის ბოლოს ან ოქტომბრის დასაწყისში (ან იცნობს ვინმეს, ვინც ამ პერიოდში იყო) და შეხვდა მას – ნებისმიერი დამატებითი ინფორმაცია მისი მდებარეობის, ადგილსამყოფელის ან მოგზაურობის გეგმების შესახებ, რაც მისი ადგილსამყოფელის დადგენაში დაგვეხმარება ძალიან სასარგებლო იქნება”, – ნათქვამია გავრცელებულ ინფორმაციაში.

ქარიშხალმა ,,მილტონმა”, რომელიც აშშ-ს ფლორიდის შტატის დასავლეთ სანაპიროს ხუთშაბათს ღამით დაატყდა თავს, 16 ადამიანი იმსხვერპლა. ინფორმაციას CBS-ი ფლორიდის სამართალდამცავ დეპარტამენტზე დაყრდნობით ავრცელებს. მას შემდეგ რაც მაშველებმა დაიწყეს დატბორილი და დანგრეული ადგილების შესწავლა, მსხვერპლთა რიცხვი იზრდება. მიყენებული ზარალის ოდენობის ზუსტი შეფასება ჯერ არ არსებობს, თუმცა უკვე აშკარაა, რომ ის მნიშვნელოვანი იქნება. საცხოვრებელ შენობებს, ეკლესიებს, კერძო და საჯარო შენობებს მნიშვნელოვანი ზიანი მიადგა. დაზიანებული ელექტროგადამცემი ხაზების გამო, ფლორიდაში დაახლოებით 3 მილიონი შენობა კვლავ ელექტროენერგიის გარეშეა დარჩენილი, ხოლო ზოგიერთი დასახლება წყლის გარეშეცაა დარჩენილი.

რუსეთის მიერ ანექსირებულ ყირიმში, ქალაქ ფეოდოსიაში, ნავთობბაზაზე, რომელსაც უკრაინული დრონების იერიშის შემდეგ მეოთხე დღეა ცეცხლი უკიდია, კიდევ ერთი რეზერვუარი აფეთქდა. რუსეთის მიერ დანიშნულმა ყირიმის ხელმძღვანელმა, სერგეი აქსენოვმა განაცხადა, რომ ბაზა გარშემორტყმულია სპეციალური სერვისების თანამშრომლებით და ევაკუაციის ზონის გაზრდა საჭირო არ გახდება. რუსეთის ხელისუფლებამ ერთი დღით ადრე განაცხადა, რომ ბაზის მიმდებარე ტერიტორიიდან 1137 ადამიანი იქნა ევაკუირებული. ფეოდოსიაში საზღვაო ნავთობის ტერმინალს უკრაინული დრონები 7 ოქტომბერს ღამით დაეჯახნენ. ტერმინალზე იყო 30-ზე მეტი სხვადასხვა ზომის რეზერვუარი. დარბევის მეორე დღეს გამოქვეყნებული სატელიტური სურათებით ჩანდა, რომ იმ დროისთვის სულ მცირე სამი-ოთხი მათგანი იწვოდა.

რუსეთის პატიმრობაში მყოფი უკრაინელი ჟურნალისტი ვიქტორია როშინა გარდაიცვალა. ინფორმაცია უკრაინის საკოორდინაციო შტაბის პრესსპიკერმა, პეტრ იაცენკომ დაადასტურა. როშინა პატიმრობაში ერთი წლის განმავლობაში იმყოფებოდა. ჟურნალისტი ოკუპირებული უკრაინული ტერიტორიიდან 2023 წლის აგვისტოში გაუჩინარდა. მოგვიანებით გავრცელდა ცნობა, რომ ის რუსეთის ტყვეობაში იმყოფებოდა. პატიმარი ჟურნალისტი მოსკოვიდან ტაგანროგის მიმართულებით ეტაპირების დროს გარდაიცვალა. უკრაინის დაზვერვის მთავარ სამმართველოში განაცხადეს, რომ როშინა ტყვეების გაცვლის სიაში იყო შეყვანილი. როდის უნდა შემდგარიყო გაცვლა, უცნობია.