დღე: სექტემბერი 16, 2024

მსახიობ, ზურა ბერიკაშვილის და მანანა ბერიკაშვილი, სოციალურ ქსელში ძმის ფოტოს აქვეყნებს: ,,რა ვქნა, რა ვუყო ამ ტკივილს? ამ გაუგებარ სიგიჟეს”, – წერს მანანა ბერიკაშვილი. ცნობისთვის, მსახიობს უკანასკნელ გზაზე დღეს, 16 სექტემბერს გააცილებენ.

,,სექტემბერ-ოქტომბერში დასრულდება 60 საჯარო სკოლის სრული რეაბილიტაცია, წლის ბოლომდე კი დასრულდება, მთლიანად, 100-მდე სკოლის მშენებლობა-რეაბილიტაციის პროცესი”, – ამის შესახებ საქართველოს პრემიერ-მინისტრმა ირაკლი კობახიძემ მთავრობის დღევანდელ სხდომაზე განაცხადა. პრემიერის თქმით, მთავრობა აქტიურად მუშაობს სასკოლო ინფრასტრუქტურის შემდგომი გაუმჯობესების მიმართულებით. „შედეგად, 28 000-ზე მეტი მოსწავლე განახლებულ, საერთაშორისო სტანდარტების შესაბამის სკოლებში განაგრძობს. ასევე, შემოდგომაზე დაიწყება პროცედურები, 15 საჯარო სკოლის მშენებლობის და 23 სკოლის სრული რეაბილიტაციისთვის. გათვალისწინებულია ყველა შესაბამისი სკოლის აღჭურვა თანამედროვე სტანდარტების შესაბამისად. ამ მიმართულებით, მომავალშიც აქტიურად ვიზრუნებთ”, – განაცხადა პრემიერ-მინისტრმა.

საქსტატის ცნობით, 2024 წლის II კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 11.1 %-ით (200.4 ლარით) გაიზარდა და 2 004.9 ლარი შეადგინა. საქმიანობის სახეების მიხედვით შედარებით მაღალი ხელფასი დაფიქსირდა შემდეგ დარგებში: ინფორმაცია და კომუნიკაცია – 3 963.0 ლარი (წინა წლის შესაბამის პერიოდთან შედარებით გაიზარდა 4.3 %-ით); საფინანსო და სადაზღვევო საქმიანობები – 3 642.3 ლარი (გაიზარდა 14.5 %-ით); მშენებლობა – 2 946.1 ლარი (გაიზარდა 13.7 %-ით); პროფესიული, სამეცნიერო და ტექნიკური საქმიანობები – 2 872.8 ლარი (გაიზარდა 13.8 %-ით) ყველაზე დაბალი საშუალო ხელფასი დაფიქსირდა შემდეგ დარგებში სოფლის, სატყეო…

,,სოფიო არასდროს მოიხდის ბოდიშს იმის გამო, რომ მას 2 წლის ასაკში მამა, რომელიც სამშობლოს იცავდა, მოუკლეს”, – წერს სოციალურ ქსელში 2008 წლის აგვისტოს ომში დაღუპული სერჟანტის მიხეილ ცერცვაძის ცოლი, ნინო ფსუტური და ბიძინა ივანიშვილის განცხადებას ეხმაურება, რომლის თანახმადაც, „26 ოქტომბრის არჩევნების დასრულებისთანავე, ჩვენ აუცილებლად გამოვძებნით საკუთარ თავში ძალას, რათა ბოდიში მოვიხადოთ იმის გამო, რომ დავალების შესაბამისად, მოღალატე „ნაციონალურმა მოძრაობამ“ 2008 წელს ცეცხლის ალში გახვია ჩვენი ოსი დები და ძმები“.

,,ბოდიში არავისთვის გვაქვს მოსახდელი”, – ასე ეხმაურება საქართველოს ეროვნული გმირის, სამაჩაბლოში 2004 წლის შეტაკებების დროს დაღუპული ზაზა დამენიას ცოლი, ხათუნა ხუხუნაიშვილი ივანიშვილის განცხადებას, რომლის თანახმადაც, „26 ოქტომბრის არჩევნების დასრულებისთანავე, ჩვენ აუცილებლად გამოვძებნით საკუთარ თავში ძალას, რათა ბოდიში მოვიხადოთ იმის გამო, რომ დავალების შესაბამისად, მოღალატე „ნაციონალურმა მოძრაობამ“ 2008 წელს ცეცხლის ალში გახვია ჩვენი ოსი დები და ძმები“. ,,2004 წლის 16 აგვისტოს დაიღუპა ზაზა დამენია საქართველოს ტერიტორიული მთლიანობისთვის, სამაჩაბლოში სოფელ ერედვის მთაზე. ბოდიში არავისთვის გვაქვს მოსახდელი”, – წერს სოციალურ ქსელში, ხათუნა ხუხუნაიშვილი.

16 სექტემბერს ორშაბათს საქართველოში დროგამოშვებით ღრუბლიანობის მომატება და წვიმაა მოსალოდნელი. meteo.gov.ge-ის თანახმად, დასავლეთ საქართველოში მოსალოდნელია დროგამოშვებით ღრუბლიანობის მომატება. ღამით უმეტესად უნალექოდ, დღის მეორე ნახევრიდან ზოგან ხანმოკლე წვიმა და ელჭექი. აღმოსავლეთის ქარი 10-15მ/წმ, ღამისა და დილის საათებში ზოგან ძლიერი 20-25მ/წმ; აჭარის სანაპირო ზოლში სამხრეთ/დასავლეთის ქარი 10-15მ/წმ, დღისით შესაძლებელია ძლიერი   17-22მ/წმ. ჰაერის ტემპერატურა: დაბლობში ღამით +21, +26°, დღისით +27, +32°; მთაში ღამით +11, +16°, დღისით +23, +28°; მაღალმთაში ღამით +6, +11°, დღისით +21, +26°. აღმოსავლეთ საქართველოში – დროგამოშვებით ღრუბლიანობის მომატება. ღამით უმეტესად უნალექოდ, დღის მეორე ნახევრიდან ზოგან ხანმოკლე წვიმა და ელჭექი, შესაძლებელია სეტყვა.…

ქუთაისში, ირაკლი აბაშიძის გამზირზე ხანძარი იყო. ცეცხლო ხმელ ბალახებს გაუჩნდა. ძლიერი ქარის გამო არსებობდა მისი გავრცელების საფრთხე. სახანძრო-სამაშველო ჯგუფებმა ხანძრის ლიკვიდირება უკვე შეძლეს. ხანძრის გამომწვევი მიზეზის დასადგენად დაწყებულია გამოძიება.

ხობი-ზუგდიდის ცენტრალურ მაგისტრალზე ავტოსაგზაო შემთხვევა მსხვერპლით დასრულდა. ავარიის შედეგად ,,სუბარუს” მარკის ავტომობილი ამოტრიალდა და 25 წლის გოგო ადგილზე გარდაიცვალა. არსებული ინფორმაციით, შემთხვევის სავარაუდო მიზეზი სიჩქარის გადაჭარბებაა. ამ დროისთვის, სხვა დამატებითი დეტალები უცნობია.

,,მათ ჩვენი ქვეყნისა და ოჯახის დასაცავად ყველაზე ძვირფასი, საკუთარი სიცოცხლე დათმეს და დღეს მათი გმირობა თურმე საბოდიშო გაგვიხდა. საით მიექანები ჩემო საქართველო”, – ასე ეხმაურება აგვისტოს ომის გმირის, ალექსანდრე ზაზარაშვილის ცოლი, ნინო მაისურაძე, ივანიშვილის გუშინდელ განცხადებას და სოციალურ ქსელში მიმართვას ავრცელებს. ,,16 წელია ჩემს ორ ვაჟკაცს მამისა და მის თანამებრძოლების საგმირო ამბებზე ვზრდი. მათ ჩვენი ქვეყნისა და ოჯახის დასაცავად ყველაზე ძვირფასი საკუთარი სიცოცხლე დასთმეს და დღეს მათი გმირობა თურმე საბოდიშო გაგვიხდა. საით მიექანები ჩემო საქართველო.. მუხლი უნდა მოიხაროთ და ბოდიში გმირების სულებს უნდა მოუხადოთ. მე ქედს ვიხრი მათ წინაშე. ბოდიში…

სამეგრელოში, ჯგალი-საჩინოს გადასახვევთან ავარიას 60 წლის ქალი ემსხვერპლა. ქალი ზებრა გადასასვლელზე გადადიოდა, როცა მას მანქანა დაეჯახა. არსებული ინფორმაციით, ავტომობილი  გარემოს დაცვის სამსახურს ეკუთვნის. ქვეითად მოსიარულე ადგილზე გარდაიცვალა. ამ ეტაპზე, სხვა დამატებითი დეტალები უცნობია.