დღე: სექტემბერი 11, 2024

საქართველოს ეროვნულმა ნაკრებმა ალბანეთი დაამარცხა. მატჩის დასრულების შემდეგ მასპინძელი ნაკრების მთავარმა მწვრთნელმა სილვინიომ კომენტარი გააკეთა. „საქართველოს კომპლიმენტს ვუძღვნი. ფრე სამართლიანი იქნებოდა, მაგრამ გოლმა ყველაფერი შეცვალა. სამწუხაროდ, ერთი ბურთით წავაგეთ. ჩემს მოთამაშეებს ვაფასებ, რადგან მათ ყველაფერი გააკეთეს, მათთან პრეტენზია არ მაქვს. ჯგუფში ძლიერი მეტოქეები გვყავს“, – თქვა სილვინიომ პრესასთან. შეგახსენებთ, რომ ერთა ლიგის B1 ჯგუფში საქართველოს ნაკრებს 6 ქულა აქვს და ჯგუფის ერთპიროვნული ლიდერია.

,,არ იყო, ალბათ, ლამაზი მათგან ეს ყველაფერი, მაგრამ მთავარია, მოვიგეთ, ამით ჩვენ ისინი დავადუმეთ”, – საქართველოს საფეხბურთო ეროვნული ნაკრების წევრი, ლუკა ლოჩოშვილი ალბანეთთან შეხვედრის წინ მომხდარ ინციდენტს ეხმაურება. ,,ძალიან სასიამოვნოა, როდესაც ასეთი გარემოა სტადიონზე, უფრო მოტივაციას მაძლევს, ორმაგად მოტივირებული ხარ. რაც შეეხება დამოკიდებულებას, არ იყო, ალბათ, ლამაზი მათგან ეს ყველაფერი, მაგრამ მთავარია, მოვიგეთ – ამით, ჩვენ ისინი დავადუმეთ,” – ამბობს ლუკა ლოჩოშვილი. ორი ქვეყნის ეროვნული ნაკრებების მატჩის დაწყებამდე, ტრადიციულად, სტადიონზე მეტოქეების ეროვნული ჰიმნები აჟღერდა. საქართველოს ჰიმნის დროს, ალბანელი გულშემატკივრის ნაწილმა სტვენა დაიწყო.  

საქართველოს ეროვნული ნაკრების ფეხბურთელმა გიორგი ქოჩორაშვილმა ალბანეთთან მატჩის დასრულების შემდეგ კომენტარი გააკეთა. გიორგიმ საზოგადოებას თავისი გოლის აღნიშვნის ჟესტის მნიშვნელობა განუმარტა. „ეს აღნიშვნა ბევრს ეშლება, ჩემთვის არის კაპიტანი ამერიკა, როგორც მოგეხსენებათ მისი ისტორია, ბავშვობაში ძალიან ცუდი იყო, მაგრამ შეუპოვრობა ჰქონდა, რომელიც მეც გამაჩნია, ასე ვფიქრობ, ბავშვობაში ყველა მეუბნებოდა რომ სუსტი ვიყავი, არ ვიქნებოდი მზად არც დიდი ევროპული ფეხბურთისთვის, მაგრამ ვფიქრობ, რომ პირველი ჩემს თავს დავუმტკიცე, რომ შემიძლია ამ დონეზე თამაში და შემდეგ ყველას დავუმტკიცე, რომ შეუპოვარი ვარ, ძლიერი ვარ და გავაგრძელებ წინსვლას“, – ამბობს გიორგი ქოჩორაშვილი.

ეროვნული ნაკრების ფეხბურთელი, ხვიჩა კვარაცხელია მიმართვას ავრცელებს: ,,პირველ რიგში, გილოცავთ მოგებას, ძალიან მნიშვნელოვანი გამარჯვება მოვიპოვეთ. რაც შეეხება ჩემს ჯანმრთელობას – ნეაპოლში რომ ჩავალ, ალბათ გადავიღებ – მტკიოდა, გადამიბრუნდა კოჭი და ვცდილობდი მაქსიმუმი გამეკეთებინა, მაგრამ ალბათ ვერ შევძელი რაც მინდოდა. ტკივილგამაყუჩებლით ვთამაშობდი, მაგრამ მთავარია ნაკრებმა გაიმარჯვა და ჩემი მაქსიმუმი გავაკეთე, რაც შევძელი, იმით დავეხმარე”, – ამბობს ხვიჩა კვარაცხელია. საქართველოს ნაკრები ერთა ლიგის B დივიზიონის მეორე ტურში ტირანაში ალბანეთის ნაკრებს დაუპირისპირდა და გიორგი ქოჩორაშვილის გოლით 1:0 გაიმარჯვა. საქართველოს ნაკრებს 6 ქულა აქვს და ჯგუფის ერთპიროვნული ლიდერია. 14 ოქტომბერს ჩვენი ეროვნული გუნდი უკრაინას…

საქართველოს ნაკრები ერთა ლიგის B დივიზიონის მეორე ტურში ტირანაში ალბანეთის ნაკრებს დაუპირისპირდა და გიორგი ქოჩორაშვილის გოლით 1:0 გაიმარჯვა. საქართველოს ნაკრებს 6 ქულა აქვს და ჯგუფის ერთპიროვნული ლიდერია. 14 ოქტომბერს ჩვენი ეროვნული გუნდი უკრაინას პოლონეთში შეხვდება, ხოლო 14 ოქტომბერს ალბანეთს უმასპინძლებს.