დღე: ივლისი 10, 2024

დონალდ ტრამპის ადმინისტრაციაში, ეროვნული უსაფრთხოების საკითხებში თეთრი სახლის ყოფილი მრჩევლის, ჯონ ბოლტონის თქმით, ამერიკის შეერთებული შტატების საპრეზიდენტო არჩევნებში თუკი დონალდ ტრამპი გაიმარჯვებს, მან მადლობა ჯო ბაიდენს და დემოკრატიულ პარტიას უნდა გადაუხადოს. „თუ ტრამპი ნოემბერში გაიმარჯვებს, მისი გამარჯვების საღამო უნდა დაიწყოს იმით, რომ მადლობა უნდა გადაუხადოს ჯო ბაიდენს და „დემოკრატიულ პარტიას“, – აცხადებს ბოლტონი. მანამდე, კი დონალდ ტრამპმა კონკურენტ ჯო ბაიდენზე საუბრისას თქვა, რომ მას ეგო აქვს და ის არ გამოეთიშება საპრეზიდენტო რბოლას.

რუსეთის მიერ კიევის საავადმყოფოზე თავდასხმის გამო, უკრაინის პრეზიდენტის, ვოლოდიმირ ზელენსკის მოწოდებით გამართულ გაეროს უშიშროების საბჭოს საგანგებო სხდომაზე, უკრაინის წარმომადგენელმა თქვა, რომ რუსეთი, ომის დაწყებიდან, უკრაინელი ბავშვების წინააღმდეგ მიზანმიმართულ ქმედებებს აწარმოებს. სერგეი კისლიცას თქმით, რუსეთი იმ ბავშვებს კლავს, რომელთა გატაცებაც ვერ შეძლო. ჰუმანიტარული და გადაუდებელი დახმარების საკითხებში გაეროს გენერალური მდივნის მოადგილის მოვალეობის შემსრულებელმა ჯოის მსუიამ უშიშროების საბჭოს წევრებს უკრაინაზე რუსული სარაკეტო თავდასხმების შედეგები გააცნო. გაეროში ევროკავშირის წარმომადგენელმა დაგმო რუსეთის მიერ უკრაინის წინააღმდეგ წარმოებული აგრესია.

ევროკომისიამ ლიეტუვისთვის, არასაკმარისად ამბიციური საგადასახადო რეფორმის გატარების მოტივით, 8,7 მლნ ევროს გამოყოფის შეჩერების გადაწყვეტილება მიიღო. ინფორმაციას სააგენტო Baltnews ავრცელებს. ლიეტუვას ფინანსთა მინისტრი გინტარე სკაისტე ამ გადაწყვეტილებას არ ეთანხმება და მზადაა სასამართლოს მიმართოს. „ყველაფერი, რასაც დავპირდით, შევასრულეთ. არ მესმის, რატომ გაუჩნდა ევროკომისიას კითხვები“, – ციტირებს გამოცემა სკაისტეს. ევროკომისიის წარმომადგენელმა ლიეტუვაში მარიუს ვაშეგამ კი, ხელისუფლებას მიმართა, გააგრძელოს მოლაპარაკებები.

,,გადავწყვიტეთ, ამჟამად საქართველოსთან მიმართებაში ახალი ვალდებულებები არ ავიღოთ, გერმანიიდან ახალი ფინანსური ვალდებულებები ამჟამად არაა”, – განაცხადა საქართველოში გერმანიის ელჩმა, პეტერ ფიშერმა. ელჩი ესწრება საერთაშორისო კონფერენცაის ,,ევროკავშირის გაფართოება – გეოპოლიტიკური საჭიროება და შემდგომი ნაბიჯები ევროკავშირის კანდიდატი ქვეყნებისთვის”. ამავე ღონისძიებაზე გუშინ ევროკავშირის ელჩმა, პაველ ჰერჩინსკიმ თქვა, რომ საქართველოს ევროკავშირში გაწევრიანების პროცესი ამჟამად გაჩერებულია და რომ ბლოკმა საქართველოს თავდაცვის სფეროსთვის გამოყოფილი 30 მლნ ევრო გაყინა. ,,რაც შეეხება გერმანიას, ჩვენ ასევე, საქართველოსთან ურთიერთობების გადახედვას ვაწარმოებთ. როგორც იცით, ჩვენ ძალიან ფართო და ღრმა ურთიერთობა გვაქვს. ჩვენ ამერიკის შეერთებულ შტატებთან ერთად ვართ საქართველოს განვითარების თანამშრომლობის ერთ-ერთი…

ახალი ზელანდია უკრაინას 16 მილიონი ახალი ზელანდიური დოლარის (დაახლოებით 9,8 მილიონი აშშ დოლარი) დახმარებას გაუწევს. უკრაინის ელჩმა ავსტრალიასა და ახალ ზელანდიაში, ვასილი მიროშნიჩენკომ აღნიშნა, რომ 6 მილიონი ახალი ზელანდიური დოლარი (3,68 მილიონი აშშ დოლარი) არის სამხედრო დახმარებისთვის, ხოლო 10 მილიონი ახალი ზელანდიური დოლარი (6,12 მილიონი აშშ დოლარი) ჰუმანიტარული დახმარებას მოხმარდება. ,,გულწრფელად მადლობელი ვარ ახალი ზელანდიის მთავრობისა უკრაინის შემდეგი დახმარების პაკეტისთვის”, – დაწერა მან facebook-ზე. ელჩი წერს, რომ სამხედრო დახმარება მოიცავს 4 მილიონი NZD-ს (2.45 მილიონი აშშ დოლარი) გამოყოფას თვითმფრინავების კოალიციისთვის, რომელსაც ხელმძღვანელობენ დიდი ბრიტანეთი და ლატვია და 2 მილიონი NZD…

,,საქართველოს მთავრობის კურსის გამო, საქართველოსთან გაწევრიანების პროცესი შეჩერდა”, – აცხადებს ,,საზოგადოებრივი მაუწყებლის” ცნობით, საქართველოში გერმანიის ელჩი, პეტერ ფიშერი. ,,დღეს ჩვენ გვაქვს გერმანიის სამოქალაქო საზოგადოების მიერ ორგანიზებული ღონისძიება, სადაც განვიხილავთ ევროკავშირის გაფართოების საკითხს. აქ არის გერმანიის პარლამენტის სამი წევრი და ეს ძალიან მნიშვნელოვანი თემაა საქართველოსთვის, რადგან საქართველო არის ევროკავშირის წევრობის კანდიდატი, მაგრამ ჩვენ მივაღწიეთ ძალიან რთულ მომენტს ამ პროცესში, გაწევრიანების პროცესში. როგორც მოგეხსენებათ, საქართველოს მთავრობის კურსის გამო, საქართველოსთან გაწევრიანების პროცესი შეჩერდა. საქართველოს გაწევრიანების პროცესი ჩერდება, რაც ახლა ევროკავშირის პოლიტიკაა. ეს ძალიან სამწუხაროა. ჩვენ რაც შეიძლება სწრაფად უნდა წავიდეთ წინ, გვსურს წინსვლა,…

შეერთებული შტატების სახელმწიფო მდივანი ენტონი ბლინკენი უკრაინის საგარეო საქმეთა მინისტრს, დმიტრო კულებას შეხვდა. მისი თქმით, NATO-ს სამიტი უკრაინის კავშირებს ალიანსში გაწევრიანების გზაზე კიდევ უფრო გააძლიერებს. ,,ბოლო კვირებსა და თვეებში ჩვენ ბევრი ვიმუშავეთ და სამიტზე უკრაინის მხარდაჭერის ძალიან ძლიერ პაკეტს ნახავთ”, – განაცხადა ბლინკენმა. მან ასევე ისაუბრა რუსეთის მიერ კიევის ბავშვთა საავადმყოფოზე თავდასხმაზე და განაცხადა, რომ მომხდარმა უკრაინის თავდაცვის შესაძლებლობების მხარდაჭერის აუცილებლობას ხაზი კიდევ ერთხელ გაუსვა.

შეერთებული შტატები, იტალია, ნიდერლანდები, გერმანია და რუმინეთი აცხადებენ, რომ კიევს დამატებით ხუთ საჰაერო თავდაცვის სისტემას, მათ შორის პატრიოტის სარაკეტო ბატარეებს და პატრიოტის კომპონენტებს გადასცემენ. ,,ჩვენ ვაპირებთ უკრაინას მივაწოდოთ დამატებითი საჰაერო თავდაცვის საშუალებები რუსული აგრესიისგან თავის დასაცავად. მათ შორის რუსეთის მიზანმიმართული თავდასხმებისგან უკრაინის ქალაქებზე, სამოქალაქო და კრიტიკულ ინფრასტრუქტურაზე”, – ნათქვამია ვაშინგტონში ნატოს სამიტის გახსნაზე აშშ-ის პრეზიდენტის ჯო ბაიდენის გამოსვლის შემდეგ გავრცელებულ განცხადებაში. გეგმის მიხედვით, კიევი მიიღებს ოთხ ,,პატრიოტის” სისტემას შეერთებული შტატებიდან, გერმანიიდან და რუმინეთიდან, ამ სისტემების კომპონენტებს ჰოლანდიიდან და სხვა პარტნიორებისგან, ასევე ერთ SAMP/T სისტემას, რომელსაც იტალია გადასცემს. ასევე, ერთობლივ განცხადებაში…

აშშ-ის პრეზიდენტმა, ჯო ბაიდენმა უკრაინას მეტი მხარდაჭერა აღუთქვა, საჰაერო თავდაცვის სისტემების ჩათვლით, როცა ის მიესალმა ნატოს წევრ ქვეყნებს ვაშინგტონის სამიტზე ორგანიზაციის 75 წლის იუბილესთან დაკავშირებით. მისი თქმით, ნატო ახლა არის უფრო ძლიერი, ვიდრე ოდესმე ყოფილა. ,,პუტინს არაფერი ნაკლები, არაფერი ნაკლები არ სურს, ვიდრე უკრაინის სრული დამორჩილება… და უკრაინის რუკიდან წაშლა. უკრაინას შეუძლია და შეაჩერებს პუტინს”, – თქვა ბაიდენმა. ნატოს სამიტის მთავარი თემა სწორედ უკრაინის სამხედრო და ჰუმანიტარული დახმარება იქნება. ბაიდენი და გერმანიის, იტალიის, ნიდერლანდების და რუმინეთის ლიდერები დაჰპირდნენ უკრაინას დამატებით ხუთ ,,პატრიოტს” და სხვა სტრატეგიულ საჰაერო თავდაცვის სისტემას. სხვა მოკავშირეები,…