დღე: ივნისი 24, 2024

,,საქართველოსთან დაკავშირებით შესაძლო ზომების სიაში ნახსენები არაა ევროინტეგრაციის შეჩერება, რომელიც აუცილებლად უნდა იქნას განხილული”, – ამბობს ლიეტუვის საგარეო საქმეთა მინისტრი გაბრიელიუს ლანდსბერგისი ლუქსემბურგის მინისტერიალის დაწყებამდე, სადაც საქართველოს საკითხზე იმსჯელებენ. ,,კარგია, რომ საქართველოსთან დაკავშირებით შესაძლო ზომების სია იქნება წარმოდგენილი. სამწუხაროდ მასში არ არის ნახსენები საქართველოს ევროინტეგრაციის შეჩერება, რომელიც, ჩემი აზრით, აუცილებლად უნდა იქნას განხილული”, – აღნიშნა მინისტრმა.

ბაქოში, ძებნილის დაკავებისას, სროლის შედეგად 5 ადამიანი დაიღუპა. მათ შორის, სამი პოლიციელი, ერთი მშვიდობიანი მოქალაქე და თავად მსროლელი. ინფორმაციას ადასტურებს აზერბაიჯანის შსს და გენერალური პროკურატურა. შემთხვევა აზერბაიჯანის დედაქალაქის ხაზარის რაიონის დასახლებაში მოხდა. მსროლელი აზერბაიჯანის მოქალაქე როვშან ალავერდიევია, რომელიც შსს-ს ცნობით, მანამდე რამდენჯერმე იყო ნასამართლევი. დაკავების მცდელობისას მან პოლიციას შეიარაღებული წინააღმდეგობა გაუწია და სროლის დროს დაიღუპა. სხვა დამატებითი დეტალები, ჯერჯერობით, უცნობია.

,,მნიშვნელოვანია საქართველოს მოსახლეობის EU-თან ჩართულობის შენარჩუნება”, – ამის შესახებ რუმინეთის საგარეო საქმეთა მინისტრმა, ლუმინიცა ოდობესკუმ ლუქსემბურგის მინისტერიალის დაწყებამდე განაცხადა. ,,მიუხედავად საქართველოში ბოლო დროს მიმდინარე მოვლენებისა, ვფიქრობ, მნიშვნელოვანია მათი EU-თან ჩართულობის შენარჩუნება და ამით გავუგზავნოთ დადებითი მესიჯი საქართველოს მოსახლეობას”, – ამბობს მინისტრი.

ევროკავშირის საგარეო საქმეთა მინისტრებმა, დღეს 24 ივნისს, ლუქსემბურგში შეხვედრისას, რუსეთის წინააღმდეგ, უკრაინასთან მისი ომის გამო, სანქციების მე-14 პაკეტი მიიღეს. ამის შესახებ ინფორმაცია ევროსაბჭოს ვებგვერდზე ვრცელდება. ,,დღევანდელი პაკეტი მოიცავს შემაკავებელ ზომებს კიდევ 116 ფიზიკური და იურიდიული პირის მიმართ, რომლებიც პასუხისმგებელნი არიან ქმედებებზე, რომლებიც ძირს უთხრის ან საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას ევროსაბჭომ დღეს მიიღო ეკონომიკური და ინდივიდუალური შემზღუდავი ზომების მე-14 პაკეტი პუტინის რეჟიმისა და მათ წინააღმდეგ, ვინც ხელს უწყობს მის კრიმინალურ, არაპროვოცირებულ და გაუმართლებელ აგრესიულ ომს უკრაინის წინააღმდეგ. ეს ზომები გამიზნულია რუსეთის ეკონომიკის მაღალშემოსავლიან სექტორებზე, როგორიცაა ენერგეტიკა, ფინანსები…

,,დღეს სამწუხარო დღეა, იმიტომ რომ უნდა განვიხილოთ საქართველოს საკითხი, სადაც მთავრობა მოძრაობს არა ევროკავშირის მიმართულებით არამედ მის საწინააღმდეგოდ. სამაგიეროდ ხვალ არის სასიხარულო დღე, რადგან განვიხილავთ მოლაპარაკებების დაწყებას უკრაინასთან და მოლდოვასთან”, – აცხადებს ესტონეთის საგარეო საქმეთა მინისტრი მარგუს ცაჰკნა ლუქსემბურგის მინისტერიალის დაწყებამდე. ,,საქართველოს შესახებ მთავარი იქნება ის, რომ აღარ გადაიდგმება ნაბიჯები ამ ქვეყნის ევროინტეგრაციისკენ, თუ ეს მთავრობა არ შეცვლის ქცევას, თუ არ გააუქმებს უცხოელი აგენტების კანონს. გარდა ამისა, არსებობს სია იმ ზომებისა, რომლებიც შესაძლოა იქნას მიღებული და მათ შორის არის ფინანსური დახმარების შეჩერება. ასევე იქნება საუბარი შენგენის ვიზების აკრძალვაზე მაღალი თანამდებობის…

ლუქსემბურგში, საქართველოში ბოლო დროს განვითარებული მოვლენების შესახებ დისკუსია იწყება. ევროკავშირის წევრი ქვეყნების საგარეო საქმეთა მინისტრები მინისტერიალზე უკვე იკრიბებიან. გადაიხედება თუ არა ევროკავშირის წევრ ქვეყნებში უვიზო მიმოსვლის საკითხი და დაუწესდება თუ არა ოცნების მმართველობის ქვეშ მყოფ ქვეყანას დამატებითი ფინანსური და სამოგზაურო შეზღუდვები? ამასთან დაკავშირებით, საგარეო პოლიტიკისა და უსაფრთხოების საკითხებში ევროკავშირის უმაღლესი კომისარი, ჯოზეფ ბორელი აცხადებს, რომ მინისტრებს დღეს ვარიანტების სიას წარუდგენს, თუ რა შეიძლება გაკეთდეს მოკლე და საშუალოვადიან პერსპექტივაში: ,,ჩვენ განვიხილავთ საქართველოს საკითხს და ყველასთვის უნდა იყოს ნათელი ერთი რამ: ევროკავშირის კარი საქართველოსთვის ჯერ კიდევ ღიაა, მაგრამ თუ საქართველოს მთავრობა გააგრძელებს…

ისრაელის პრემიერმინისტრის, ბენიამინ ნეთანიაჰუს განცხადებით, ,,ჰამასთან” ომის ინტენსიური ფაზა დასასრულს უახლოვდება და მან სამხედროების მობილიზება შესაძლოა ჩრდილოეთ საზღვართან, ლიბანთან გადაიტანოს, სადაც ირანის მიერ მხარდაჭერილ ჯგუფთან იბრძვიან. ,,ჰამასთან (ღაზაში) ომის ინტენსიური ფაზა დასასრულს უახლოვდება… ეს არ ნიშნავს, რომ ომი დასრულდება, მაგრამ ომი მის ამჟამინდელ ეტაპზე რაფაში დასრულდება. ეს მართალია. ჩვენ მოგვიანებით გავაგრძელებთ ბალახის მოთიბვას,” – განაცხადა ნეთანიაჰუმ. მან ასევე აღნიშნა, რომ მზად არის ,,ნაწილობრივი გარიგება” დადოს ,,ჰამასთან,” რათა დაიბრუნოს ტყვეები, რომლებიც ჯერ კიდევ ღაზაში არიან, თუმცა გაიმეორა, რომ ომი კვლავ გაგრძელდება მიზნის მისაღწევად ,,ჰამასის” ლიკვიდაციისთვის. ,,მე არ ვარ მზად ამის დათმობისთვის”,…

,,იმის თქმა, რომ დასავლეთმა პუტინის პროვოცირება მოახდინა, ძალადობაში მსხვერპლის დადანაშაულებას ჰგავს”, – აცხადებს დიდი ბრიტანეთის შინაგან საქმეთა მინისტრი ჯეიმს კლევერლი, ბრიტანელი პოლიტიკოსის ნაიჯელ ფარაჟის პასუხად, რომელმაც დასავლეთი პუტინის პროვოცირებაში დაადანაშაულა. „დროდადრო ვხედავთ, რომ პუტინი უარყოფს მშვიდობიან ვარიანტებს, მან დაიწყო ომი უკრაინაში, მან შეიყვანა რუსული ჯარები საქართველოში და ვფიქრობ, თუნდაც იმის ვარაუდი, რომ ეს ქვეყნები არიან დამნაშავეები, მსხვერპლის დადანაშაულებაა”, – განაცხადა ბრიტანეთის შინაგან საქმეთა მინისტრმა.

გადაიხედება თუ არა ევროკავშირის წევრ ქვეყნებში უვიზო მიმოსვლის საკითხი და  დაწესდება თუ არა დამატებითი ფინანსური და სამოგზაურო შეზღუდვები? დღეს საქართველოს საკითხზე  ევროკავშირის ქვეყნების მინისტერიალზე იმსჯელებენ. საგარეო საქმეთა მინისტრები ლუქსემბურგში შეიკრიბებიან. ქართული ოცნების მიერ, გამჭვირვალობის კანონის მიღებისა და პრორუსული პოლიტიკის გატარების გამო, აშშ-ის სანქციების პარალელურად, კონკრეტული ნაბიჯების გადადგმისთვის ევროკავშირიც  ემზადება. მინისტერიალის  შემდეგ კი განხილვა უკვე ევროკავშირის სამიტზე გაგრძელდება, რომელიც 27 ივნისს ბრიუსელშია დაგეგმილი.