დღე: სექტემბერი 20, 2024

ევროკავშირი მზად არის, გააუქმოს შეთანხმება, რომელიც საქართველოს მოქალაქეებს კონტინენტზე თავისუფლად მოგზაურობის უფლებას ანიჭებს. ამ სათაურით ვრცელ სტატიას გამოცემა POLITICO აქვეყნებს. გამოცემა წერს, რომ ეს ბრიუსელისა და ევროკავშირის წევრობისთვის ოდესღაც ყველაზე პერსპექტიული ქვეყნის ურთიერთობის მნიშვნელოვანი რღვევის ნიშანია. ხუთშაბათს POLITICO-სთან საუბრისას ევროკომისიის სპიკერმა განაცხადა, რომ ,,ყველა ვარიანტი მაგიდაზეა”, თუ მმართველი პარტია ,,ქართული ოცნება” გააგრძელებს ავტორიტარულ ტრაექტორიას, “ვიზალიბერალიზაციის სქემის პოტენციურად დროებით შეჩერების ჩათვლით”. ,,ევროკავშირი-საქართველოს ვიზალიბერალიზაციის ფარგლებში, საქართველოს მოეთხოვებოდა კონკრეტული კრიტერიუმების შესრულება, მათ შორის ფუნდამენტური უფლებების დაცვის უზრუნველყოფა და დისკრიმინაციის პრევენცია”, – განაცხადა პრესსპიკერმა. გამოცემა სტატიაში აქციების დარბევაზე, დისკრიმინაციულ კანონებსა და მის მწვავე შედეგზეც…

,,პასუხისმგებლობა ახლანდელ სიტუაციაზე „ქართულ ოცნებას“, მთავრობასა და ბიძინა ივანიშვილს ეკისრება”, – ამის შესახებ ჯორჯ ბუშის საპრეზიდენტო ცენტრის დირექტორი დევიდ კრამერი “ამერიკის ხმასთან” ინტერვიუში საუბრობს და აშშ-ის მიერ დაწესებულ ფინანსურ სანქციებსა და სავიზო შეზღუდვებს ეხმაურება. ,,ხაზინა საქმეში ერთვება, როდესაც ფინანსური სანქციები წესდება. აქამდე სანქციებში მხოლოდ სახელმწიფო დეპარტამენტი იყო ჩართული და ის ვიზებს ეხებოდა, ახლა კი 4 ინდივიდუალურ პირს ფინანსური სანქციები დაუწესეს, 60-ს კი – სავიზო შეზღუდვები, ეს ამერიკის მთავრობის მიერ მიღებული ზომების მკვეთრი ესკალაციაა. მოდით, ნათლად ვთქვათ, რომ პასუხისმგებლობა ახლანდელ სიტუაციაზე „ქართულ ოცნებას“, მთავრობას და ბიძინა ივანიშვილს ეკისრება. მათ მიჰყავთ საქართველო…

ევროკომისიის პრეზიდენტი, ურსულა ფონ დერ ლაიენი კიევში ჩავიდა. სოციალურ ქსელში გამოქვეყნებულ პოსტში მან აღნიშნა, რომ იწყება გათბობის სეზონი და რუსული აგრძელებს ენერგეტიკულ ინფრასტრუქტურაზე თავდასხმას. ,,ჩამოვედი ევროპული მხარდაჭერის განსახილველად: ზამთრისთვის მზადებიდან თავდაცვამდე, ევროკავშირში გაწევრიანების პროცესიდან G7-ის სესხების მხრივ პროგრესამდე”, – დაწერა მან.

უკრაინის საგარეო საქმეთა სამინისტრომ ხაზგასმით აღნიშნა, რომ ყირიმის, როგორც უკრაინის ტერიტორიის სტატუსი განხილვას არ ექვემდებარება. მანამდე, უკრაინულმა მედიამ გაავრცელა ინფორმაცია, რომ პოლონეთის საგარეო საქმეთა სამინისტროს ხელმძღვანელმა შესთავაზა განხეილათ ყირიმის გაერო-ს მანდატის ქვეშ გადაცემის საკითხი რუსეთთან ომის დასრულების მიზნით. უკრაინის საგარეო საქმეთა სამინისტროს განცხადებაში არ არის ნახსენები სიკორსკი და არც ის, ვინ ცდილობს ყირიმის სტატუსის განხილვას. თუმცა, ოფიციალურ ვებგვერდზე გამოქვეყნებულ განცხადებას აქვს სათაური ,,ყირიმის ავტონომიური რესპუბლიკისა და ქალაქ სევასტოპოლის სამომავლო სტატუსის შესახებ მიუღებელი წინადადებების შესახებ”. ,,უკრაინის ტერიტორიული მთლიანობა არასოდეს ყოფილა და არ შეიძლება იყოს განხილვის ან კომპრომისის საგანი. ყირიმი უკრაინაა. წერტილი”,…

აშშ-მა ოკუპირებულ ცხინვალის რეგიონში მოქმედი ბანკი დაასანქცირა. მიზეზი ჩრდილოეთ კორეის სანქციების რეჟიმის დარღვევაა. MRB Bank-ი დროებით ოკუპირებულ ცხინვალის რეგიონში რუსული რეჟიმმა 2015 წელს დააფუძნა, ბანკმა 2017 წელს ე.წ. სამხრეთ ოსეთის ცენტრალური ბანკისგან საქმიანობის ლიცენზია მიიღო. ბანკის ვებგვერდზე არაა გამოქვეყნებული არავითარი ფინანსური ინფორმაცია, შესაბამისად, უცნობია თუ რა შემოსავლები ჰქონდა მას გასული წლების განმავლობაში. აშშ-ის ხაზინის დეპარტამენტს ინფორმაციით, ფულის გათეთრების სქემა ორკესტრირებული იყო რუსეთის ცენტრალური ბანკის მიერ, რომლის ნებართვითაც დროებით ოკუპირებულ სამხრეთ ოსეთში MRB Bank-ი დაფუძნდა და ამ ბანკის მეშვეობით მილიონობით დოლარის ოპერაციები შესრულდა კლიენტებთან, რომლებიც ჩრდილოეთ კორეაში იმყოფებოდნენ. შეგახსენებთ, რომ MRB…

26 სექტემბერს, თეთრ სახლში, აშშ-ის პრეზიდენტი ჯო ბაიდენი და უკრაინის პრეზიდენტი ვოლოდიმირ ზელენსკი შეხვდებიან. ინფორმაციას თეთრ სახლზე დაყრდნობით ჟურნალისტი ალექს რაუფოღლუ ავრცელებს. ბაიდენის ადმინისტრაციის ცნობით, პირისპირ შეხვედრა გაიმართება ვიცე-პრეზიდენტ კამალა ჰარისსა და ვოლოდიმირ ზელენსკის შორისაც. ,,ლიდერები ისაუბრებენ რუსეთ-უკრაინის ომის შესახებ, ასევე უკრაინის სტრატეგიაზე და აშშ-ის მხარდაჭერაზე უკრაინის მიმართ, რუსეთის აგრესიის წინააღმდეგ. პრეზიდენტი და ვიცე-პრეზიდენტი ხაზს გაუსვამენ თავიანთ ურყევ მხარდაჭერას უკრაინის გვერდით დგომის შესახებ”, – წერს თეთრი სახლი.

,,აშშ-მა ეს ნაბიჯი წინასაარჩევნოდ გადადგა. ცდილობენ გააფრთხილონ საქართველოს მთავრობა, რომ ამ გზაზე არ იარონ”, – ამის შესახებ აშშ-ის სახელმწიფო მდივნის ყოფილი თანაშემწე დენიელ ფრიდი ,,ამერიკის ხმასთან” ინტერვიუში საუბრობს და შეერთებული შტატების მიერ დაწესებულ ფინანსურ სანქციებსა და სავიზო შეზღუდვებს ეხმაურება. ,,ამერიკის მთავრობა საქართველოს ხელისუფლებას უკვე დიდი ხანია აფრთხილებს, რომ ამერიკა-საქართველოს ურთიერთობები საქართველოს დემოკრატიაზე, მის თავისუფლებასა და სამოქალაქო საზოგადოებაზეა დაფუძნებული. ამერიკა არც მაშინ იყო კმაყოფილი, როდესაც 2007 წელს სააკაშვილი ხალხს არასწორად ექცეოდა, ასე რომ ეს პარტიის წინააღმდეგ გადადგმული ნაბიჯი არაა. მაგრამ როგორც ჩანს, ,,ქართული ოცნების” მთავრობა უფრო შორს წავიდა და სამოქალაქო საზოგადოებაზე…