დღე: სექტემბერი 10, 2024

კიევში აცხადებენ, რომ უკრაინა განიხილავს თეირანთან ურთიერთობის გაწყვეტას, თუ რუსეთი ირანის მიერ მიწოდებულ ბალისტიკურ რაკეტებს უკრაინის წინააღმდეგ გამოიყენებს. ამის შესახებ მედიასთან უკრაინის საგარეო საქმეთა სამინისტროს წარმომადგენელმა, გეორგი ტიხიმ ისაუბრა. „შემიძლია ვთქვა, რომ განხილვის საგანია ყველა ვარიანტი, მათ შორის ირანთან დიპლომატიური ურთიერთობების გაწყვეტა. ეს გადაცემა თუ მართლაც მოხდა და მათი გამოყენების ფაქტი თუ დაფიქსირდება, დამიჯერეთ, როგორც კი მოხდება, ეს საჯარო გახდება, მაშინ იქნება შედეგები. სიტუაცია, რომელიც ამჟამად ვითარდება, სრულიად მიუღებელია უკრაინისთვის. უკრაინამ გამოხატა მკაცრი პოზიცია, რომ ამას დამანგრეველი შედეგები ექნება უკრაინა-ირანის ურთიერთობებისთვის“- აღნიშნა ტიხიმ. აშშ-ის სახელმწიფო მდივანმა დაადასტურა, რომ ირანმა რუსეთს…

რუსეთისთვის ბალისტიკური რაკეტების გადაცემის გამო ამერიკის შეერთებულმა შტატებმა ირანს სანქციები დაუწესა. აშშ-ის ფინანსთა სამინისტროს მიერ გამოცხადებული სანქციების ახალ სიაში შევიდა ირანისა და რუსეთის ათი ფიზიკური და ექვსი იურიდიული პირი, ასევე ოთხი გემი, რომელთა მეშვეობითაც თეირანი რუსეთს აწვდიდა იარაღს, მათ შორის, უპილოტო საფრენ აპარატებს. პარალელურად, სახელმწიფო დეპარტამენტმა სანქციების სიაში შეიყვანა სამი ორგანიზაცია და განკარგულება გასცა ხუთი გემის კონფისკაციაზე, რომლებიც მონაწილეობდნენ რუსეთისთვის ირანული შეიარაღების სისტემების გადაცემაში.  

ვხედავთ რა ნაბიჯებს გეგმავენ მოსკოვში და შესაბამისად ვიმოქმედებთ. ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა. “მოვისმინე, დაზვერვის ანგარიშები – დაზვერვის მთავარი სამმართველოსა და უკრაინის უსაფრთხოების სამსახურის – დაწვრილებით უკრაინის ხელთ არსებული შესაძლებლობების, ასევე საფრთხეების შესახებ. ვხედავთ რა ნაბიჯებს გეგმავენ მოსკოვში, შესაბამისად ვიმოქმედებთ – იმდენად მკაცრად, როგორც ეს საჭიროა უკრაინისთვის. მინდა ახლა ყველას ვუთხრა მსოფლიოში, ვისაც ჯერ კიდევ რამენაირად სურს პუტინის დახმარება: ჩვენ ყველაფერს ვაკეთებთ არა უბრალოდ ჩვენი სახელმწიფოსა და ხალხის დასაცავად, არამედ მსოფლიოს რეალური კონსოლიდაციისთვის ძლიერი პასუხებისთვის ომის გაჩაღებაზე ან ომის გაგრძელების ნებისმიერ მცდელობაზე” – განაცხადა ზელენსკიმ.  

უკრაინის პრემიერ-მინისტრმა, დენის შმიგალმა განაცხადა, რომ უკრაინა ევროკავშირში გაწევრიანებისთვის 2025 წლის ბოლოსთვის მზად უნდა იყოს. “ჩვენი მიზანი ამბიციურია – გვინდა ვიყოთ მზად ევროკავშირში გაწევრიანებისთვის არაუგვიანეს 2025 წლის ბოლომდე, მაგრამ ზოგადად, სტრატეგიულად, გვესმის, რომ ევროკავშირში ჩვენი გაწევრიანება უნდა იყოს სამართლიანი მშვიდობის განუყოფელი ნაწილი. ეს არის ჩვენი სტრატეგიული მიზანი“ – აღნიშნა უკრაინის მთავრობის მეთაურმა.

დიდმა ბრიტანეთმა ირანსა და რუსეთს სანქციები დაუწესა. ამის შესახებ „ბიბისი“ წერს. გამოცემის ინფორმაციით, რუსეთისა და ირანის წინააღმდეგ სანქციების რეჟიმების ფარგლებში, ბრიტანეთის ე.წ. შავ სიაში ათი ახალი ჩანაწერი გაჩნდა, მათ შორის სანქციები დაუწესდა რუსეთის საჰაერო-კოსმოსურ ძალებს. ასევე ნუსხაში შეიყვანეს რუსეთის უპილოტო ავიაციის 924-ე სახელმწიფო ცენტრი და სამხედრო-სატრანსპორტო ავიაციის სარდლობა. რუსეთის უპილოტო ავიაციის 924-ე სახელმწიფო ცენტრი პასუხისმგებელია რუსეთის არმიისთვის დრონების მიწოდებაზე, მათ შორის, იმათზეც, რომლებიც უკრაინაზე თავდასხმებისთვის გამოიყენება. გაერთიანებული სამეფოს საგარეო საქმეთა სამინისტრომ ასევე გამოაცხადა კონკრეტული სანქციები რამდენიმე ირანელი პირის წინააღმდეგ, რომლებიც, მათი თქმით, ჩართული იყვნენ რუსეთისთვის რაკეტების მიწოდებაში, მათ შორისაა ირანელი…

ირანის მიერ რუსეთისთვის ბალისტიკური რაკეტების გადაცემა პირდაპირი საფრთხეა ევროპული უსაფრთხოებისთვის. ამის შესახებ დიდი ბრიტანეთი, საფრანგეთი და გერმანია ერთობლივ განცხადებაში აღნიშნავენ. “საფრანგეთის, გერმანიისა და დიდი ბრიტანეთის მთავრობები მკაცრად გმობენ ირანის მიერ გადაცემასა და რუსეთის მიერ ირანული ბალსიტიკური რაკეტების შეძენას. ეს უკრაინის წინააღმდეგ რუსეთის აგრესიული ომისთვის ირანის სამხედრო დახმარების მეტი ესკალაციაა და შედეგად მოყვება, რომ ირანული რაკეტები ევროპულ მიწას მიწვდება, რაც უკრაინელი ხალხის ტანჯვას გაზრდის. ეს ირანისა და რუსეთის ესკალაციის აქტია, და ევროპული უსაფრთხოებისთვის პირდაპირი საფრთხეა. E3 [დიდი ბრიტანეთი, საფრანგეთი და გერმანია] პირადად და საჯაროდ ნათლად ამბობდა, რომ [რაკეტების] გადაცემის შემთხვევაში ახალ და…

სისხლის სამართლის საერთაშორისო სასამართლოს პროკურორი კარიმ ხანი კიევში ჩავიდა. ხანმა უკრაინის გენერალურ პროკურორთან ანდრეი კოსტინთან ერთად კიევში ბავშვთა საავადმყოფო მოინახულა, რომელიც რუსებმა 8 ივლისს დაბომბეს. „დანაშაულები ჩადენილი ბავშვების წინააღმდეგ და თავდასხმები სამოქალაქო ინფრასტრუქტურაზე სისხლის სამართლის საერთაშორისო სასამართლოს მთავარი პრიორიტეტს წარმოადგენს“, – აღნიშნავენ ჰააგის სასამართლოში.

,,დონალდ ტრამპი თუ დამარცხდება, აშშ-ში „ნამდვილი არჩევნები ,,აღარ გაიმართება,” – ამის შესახებ ამერიკელი მილიარდერი ილონ მასკი სოციალურ ქსელ X-ის საკუთარ გვერდზე წერს. მისი თქმით, დემოკრატიული პარტიის ლიდერები აშშ-ში მყოფი 15 მილიონი მიგრანტისთვის ლეგალური სტატუსის მინიჭებას და კიდევ ათეულობით მილიონი მიგრანტის ჩაყვანას გეგმევან. „დემოკრატიული პარტიის თითქმის ყველა ლიდერის საჯაროდ გაცხადებული მიზანია დაახლოებით 15 მილიონი არალეგალი მიგრანტის ლეგალიზაცია, რაც შეიძლება მალე, ასევე კიდევ ათეულობით მილიონის შემოყვანა. ეს დაუყოვნებლივ გადააქცევდა ყველა მერყევ შტატს „ლურჯად“, (დემოკრატების მხარდამჭერად), ისევე როგორც მოხდა კალიფორნიაში 1986 წლის ამნისტიით. ეს ამერიკას მუდმივ ერთპარტიულ სახელმწიფოდ აქცევს. ეს იქნება ბოლო ნამდვილი…

რუსეთის უშიშროების საბჭოს მდივნის, თავდაცვის ყოფილი მინისტრის სერგეი შიგუს განცხადებით, მოსკოვი კიევთან სამშვიდობო მოლაპარაკებებს არ დაიწყებს მანამ, სანამ უკრაინელი ჯარისკაცები კურსკის ოლქიდან არ გავლენ. ,,მანამ, სანამ ჩვენ უკრაინელებს ჩვენი ტერიტორიიდან არ გავაგდებთ, რა თქმა უნდა, არავითარი მოლაპარაკებების წარმართვას არ ვაპირებთ“, – თქვა შოიგუმ. ის აგრეთვე უკრაინის ხელისუფლებას კურსკის ატომური ელექტროსადგურის უსაფრთხოებით მანიპულაციაში ადანაშაულებს და მას ბირთვულ ტერორს უწოდებს.