დღე: ივლისი 11, 2024

„ნიდერლანდელმა დეპუტატებმა საქართველოში ვიზიტის დროს სერიოზული შეშფოთება გამოთქვეს „უცხოური გავლენის“ კანონთან დაკავშირებით, რომელმაც დე ფაქტო გააჩერა საქართველოს ევროკავშირში გაწევრიანება“-  ამის შესახებ, საქართველოში ნიდერლანდების ელჩი, მელინე არაკელიანი “ტვიტერის” პირად გვერდზე წერს. მელინე არაკელიანის განცხადებით, ნიდერლანდების პარლამენტის დელეგაცია შეხვდა პრეზიდენტს, მთავრობის, ოპოზიციის და არასამთავრობო ორგანიზაციის წარმომადგენლებს. “ნიდერლანდების პარლამენტის დელეგაცია რეგიონული ვიზიტის ფარგლებში საქართველოს ეწვია და შეხვდა პრეზიდენტს, [და] პარლამენტის, მთავრობის, ოპოზიციისა და არასამთავრობო ორგანიზაციების წარმომადგენლებს. ნიდერლანდელმა დეპუტატებმა სერიოზული შეშფოთება გამოხატეს ბოლო მოვლენებთან დაკავშირებით, მათ შორის უცხოური გავლენის კანონთან დაკავშირებით, რომელმაც დე ფაქტო ევროკავშირში გაწევრიანება გააჩერა”- წერს არაკელიანი.

„ჯონ ბასთან ძალიან გულწრფელი და საინტერესო საუბარი გვქონდა, ვისაუბრეთ ყველაფერზე და გამოვთქვამ იმედს, რომ საქართველო და აშშ ძალიან მალე გადადგამენ კონკრეტულ ნაბიჯებს, რათა ურთიერთობები დაუბრუნდეს ჩვეულ რეჟიმს, რომელიც ორივე ქვეყნისთვის მნიშვნელოვანია“, – განაცხადა საქართველოს საგარეო საქმეთა მინისტრმა, ილია დარჩიაშვილმა. როგორც საგარეო საქმეთა მინისტრმა აღნიშნა, საქართველო მოტივირებულია, რომ აქტიურად იმუშაოს ამერიკის შეერთებულ შტატებთან და გააძლიეროს ორმხრივი ურთიერთობები. „მე დღეს მქონდა შესაძლებლობა, ვაშინგტონში, სახელმწიფო დეპარტამენტში სახელმწიფო მდივნის მოადგილესთან, ბატონ ბასთან მქონოდა შეხვედრა. მასთან ვისაუბრეთ არსებულ გამოწვევებზე, რეგიონულ, ჩვენი ქვეყნის წინაშე არსებულ გამოწვევებზე. ვფიქრობ, რომ ძალიან საინტერესო, გულწრფელი საუბარი გამოგვივიდა. ვისაუბრეთ ყველაფერზე და…

„ნაცები ამას მალავდნენ, თუმცა 2008 წლის ომის შემდეგ, ექვსი წელი, ომგამოვლილი ქვეყნის თავდაცვის ძალებს ნატოს წევრი ყველა ქვეყანა უარს ეუბნებოდა იარაღის მიყიდვაზე“, – წერს საქართველოს პარლამენტის თავმჯდომარე შალვა პაპუაშვილი სიციალურ ქსელში, რითაც თავდაცვის სამინისტროს ბიუჯეტის 100 მილიონი ლარით გაზრდას ეხმაურება. „საბოლოო ჯამში, ჩვენს გასაკეთებელს სხვა არ გააკეთებს. ნაცები ამას მალავდნენ, თუმცა 2008 წლის ომის შემდეგ, ექვსი წელი, ომგამოვლილი ქვეყნის თავდაცვის ძალებს ნატოს წევრი ყველა ქვეყანა უარს ეუბნებოდა იარაღის მიყიდვაზე (ჩუქებას ვინ დაეძებდა)“, – წერს პარლამენტის თავმჯდომარე.

საქართველოს პრეზიდენტი ამერიკის შეერთებული შტატების სახელმწიფო მდივნის მოადგილეს ეზრა ზეიას შეხვდა და მასთან ქართულ-ამერიკული ურთიერთობები და საქართველოს ევროატლანტიკური ინტეგრაციის საკითხები განიხილა. ინფორმაციას ადმინისტრაცია ავრცელებს და წერს, რომ ორბელიანების სასახლეში გამართულ შეხვედრაზე “პრეზიდენტმა ქვეყნის ევროპულ მომავალზე საუბრისას ხაზგასმით აღნიშნა, რომ საქართველო არასოდეს იყო არასოდეს იქნება პრორუსული, ქართველი ხალხის აბსოლუტური უმრავლესობის უალტერნატივო არჩევანი ქვეყნის ევროპული გზაა”. “საქართველოს პრეზიდენტმა ამერიკის შეერთებული შტატების სახელმწიფო მდივნის მოადგილეს მადლობა გადაუხადა საქართველოს დამოუკიდებლობის დღიდან, ათეული წლების განმავლობაში სხვადასხვა სფეროში ქვეყნის განვითარების მტკიცე მხარდაჭერისათვის. საუბარი შეეხო მომავალ საპარლამენტო არჩევნებს და როგორც საქართველოს პრეზიდენტმა აღნიშნა, არჩევნებზე იქნება საზოგადოების სრული…

„27 ივნისს ევროპულმა საბჭომ დაასკვნა, რომ ევროკავშირში გაწევრიანების გზა იყო დე ფაქტო შეჩერებული, ეს არის საქართველოს მთავრობის მიერ მიღებული გადაწყვეტილებების შედეგი“ – ამის შესახებ, საქართველოში საფრანგეთის ელჩმა შერაზ გასრიმ ჟურნალისტებთან განაცხადა. ელჩის განმარტებით, დროებით შეჩერებულია პირდაპირი დახმარება საქართველოს ბიუჯეტში და გრძელდება სამოქალაქო საზოგადოებისა და მედიის დახმარება. „27 ივნისს ევროპულმა საბჭომ დაასკვნა, რომ ევროკავშირში გაწევრიანების გზა იყო დე ფაქტო შეჩერებული, ეს არის საქართველოს მთავრობის მიერ მიღებული გადაწყვეტილებების შედეგი, რაც ყველამ იცის. ამ მიზეზით, ჩვენ გადავწყვიტეთ დროებით შევაჩეროთ ჩვენი პირდაპირი დახმარება საქართველოს ბიუჯეტში და გავუძლიეროთ დახმარება სამოქალაქო საზოგადოებას და მედიას. საქართველოს ხელისუფლების გადასაწყვეტია,…

“ნათია ლეთოდიანი „დროას“ პოლიტსაბჭოს წევრი, ცნობილი აქტივისტი, აგრესორია, რომელიც მომივარდა, აჯობებს, საკუთარ უფროსს მიუვარდეს, რუსული რუბლებით რომ იკვებება”, – წერს პარლამენტის თავმჯდომარის მოადგილე, ნინო წილოსანი სოციალურ ქსელში. წილოსანი აღნიშნავს, რომ ნათია ლეთოდიანმა მისგან საკადრისი პასუხი მიიღო. „უკვე ძალიან მეცოდებიან ოპოზიციური ტელევიზიები, საკუთარი ნიუსების პოპულარიზაციისთვის ხმამაღალი ჰედლაინების კეთება რომ უწევთ: „ნინო წილოსანს მონა ეძახეს“. არ გაინტერესებთ, ვინ იაქტიურა ამჯერად? ნათია ლეთოდიანმა, რომელიც ვითომ შემთხვევით მოხვდა იმ ადგილას, სადაც ვიმყოფებოდი. ის გახლავთ „დროას“ პოლიტსაბჭოს წევრი, ცნობილი აქტივისტი, აგრესორი და ზიზღის გამავრცელებელი. რა თქმა უნდა, თავისი ბელადი ლაკასგან იცოდა, რომ შეხვედრაზე ვიქნებოდი და…

აშშ-ის წარმომადგენელთა პალატის საგარეო საქმეთა კომიტეტმა საქართველოსთან დაკავშირებით „მეგობარი აქტი“ მიიღო. დოკუმენტს მხარი დაუჭირა 41-მა კონგრესმენმა, ხოლო წინააღმდეგ ხმა მისცა ექვსმა. „მეგობარი აქტის“ ძირითადი დებულებებია: „დემოკრატიისა და კანონის უზენაესობის მხარდაჭერა – აქტი აცხადებს აშშ-ის პოლიტიკას საქართველოში დემოკრატიული ღირებულებების, ადამიანის უფლებების და კანონის უზენაესობის დასაცავად. ის აღიარებს საქართველოს სამოქალაქო საზოგადოების მიერ მიღწეულ მნიშვნელოვან პროგრესს და ხაზს უსვამს დემოკრატიის გაძლიერების მნიშვნელობას რეგიონული სტაბილურობისა და აშშ-ის ინტერესებისთვის. დემოკრატიულ უკუსვლაზე რეაგირება – საქართველოში ბოლოდროინდელ დემოკრატიულ უკუსვლაზე საპასუხოდ, აქტი მოიცავს მოწოდებას საქართველოს მთავრობის ქმედებებისა და რუსეთსა და სხვა ავტორიტარულ რეჟიმებთან მისი კავშირის გაძლიერებული შესწავლისკენ. ანგარიშის წარდგენა…

,,იმ პირებს, რომლებსაც ცხრა მილიონი ლარი აქვთ გაფლანგული, სასტიკად უსწორდებოდნენ ოპონენტებს, არაკეთილსინდისიერად იყენებდნენ საკუთარ პოლიტიკურ სახელმწიფოებრივ თანამდებობებს, ამნისტიის არც ერთი პროექტი არასდროს უნდა შეეხოს”, – განაცხადა „ქართული ოცნების“ წევრმა, რატი იონათამიშვილმა. მისი თქმით, დავიწროვდა სააკაშვილის იმ თაყვანისმცემელთა რიგი, რომელიც მას კრიმინალური საქმიანობის გამო დღესაც ეთაყვანება. ,,ცხადია, იმ პირებს და მასშტაბურ დამნაშავეებს, რომლებსაც ცხრა მილიონი ლარი აქვთ გაფლანგული, რომლებიც აორგანიზებდნენ და სასტიკად უსწორდებოდნენ ოპონენტებს, არაკეთილსინდისიერად იყენებდნენ საკუთარ პოლიტიკურ სახელმწიფოებრივ თანამდებობებს, რაც გირგვლიანის საქმეზე ხაზგასმით და მკაფიოდ აღნიშნა სტრასბურგის სასამართლომ, ასეთ მასშტაბურ კრიმინალებს, რა თქმა უნდა, ამნისტიის არც ერთი პროექტი არასდროს უნდა…

,,საზოგადოებამ თავისი საწყისი სიტყვა თქვა, 100 დღეში, მე მგონი, გავიგებთ ძალიან ხმამაღალ სიტყვას და ხმას საზოგადოების, ხალხის, საქართველოსი და შედეგი იქნება 26 ოქტომბერს”, – სალომე ზურაბიშვილმა ეს განცხადება სამოქალაქო ორგანიზაცია ,,აირჩიე ევროპას” პრეზენტაციის შემდეგ გააკეთა. იქამდე კი პრეზიდენტი ღონისძიებაზეც გამოვიდა სიტყვით და ოქტომბრის არჩევნების გადამწყვეტ მნიშვნელობაზე ისაუბრა. ზურაბიშვილმა აღნიშნა, რომ ,,ქართული ოცნების” ხელისუფლებამ საქართველოს ევროპული გზა გაყინა და უზურპაცია გაუკეთა.

აშშ-ის სახელმწიფო მდივნის მეორე მოადგილესთან შეხვედრიდან გამოსულ ,,ქართული ოცნების” ქალ დეპუტატებს პროტესტით დახვდნენ. ,,რუსი მონა”, ,,ბიძინას მონა”, ,,კარგია რუსეთში ცხოვრება?!” ,,როგორ არიან მასონები”?”, – ასე მიმართა ნათია ლეთოდიანმა ნინო წილოსანს, მაკა ბოჭორიშვილსა და მარიამ ლაშხს, როდესაც ისინი კომენტარებს აკეთებდნენ. ეზრა ზეია ,,ოცნების” წარმომადგენლებს თბილისი მერიოტში შეხვდა. ამჟამად ამერიკელი მაღალჩინოსანი ოპოზიციის წარმომადგენლებთან მართავს მოლაპარაკებებს. იქამდე კი პირველი შეხვედრა აშშ-ის საელჩოში, არასამთავრობო ორგანიზაციების წარმომადგენლებთან შედგა. შეგახსენებთ, რომ აშშ-ის სახელმწიფო მდივნის მეორე მოადგილე ეზრა ზეია თბილისში ორდღიანი ოფიციალური ვიზიტით იმყოფება. ის მოინახულებს შიდა ქართლში რუსი სამხედროების მიერ გავლებულ საოკუპაციო ზოლსაც.

საქართველოს პრეზიდენტი გამჭვირვალობის შესახებ კანონის გასაუქმებლად საკონსტიტუციო სარჩელს ამზადებს. პრეზიდენტის წარმომადგენელი, ამ წუთებში, არასამთავრობო ორგანიზაციების წევრებს ხვდება. 100-მდე არასამთავრობო ორგანიზაციამ ერთობლივი სარჩელი მოამზადა. თავის მხრივ, სარჩელი მოამზადა პრეზიდენტმაც. ზურაბიშვილის სარჩელით სასამართლოს მოუწევს იმსჯელოს დაარღვია თუ არა ხელისუფლებამ კონსტიტუციის 78-ე მუხლი, რომელიც ქვეყნის ,,ევროპულ და ევროატლანტიკურ სტრუქტურებში ინტეგრაციას” შეეხება. დღეს მიმდინარეობს მსჯელობა სარჩელების გაერთიანებაზე, რადგან მსგავსი შინაარსის გამო სასამართლოში შეტანის შემდეგ შესაძლოა სარჩელები თავად საკონსტიტუციომ გააერთიანოს. ცნობილია, რომ პრეზიდენტი 15 ივლისს, ორშაბათს აპირებს საკონსტიტუციოში სარჩელი შეიტანოს.  

,,დღეს რაც ხდება ნატოში, ნატოს სამიტზე, ის განცხადებები რაც გაკეთდა, ის შეწყვეტილი დახმარება ჩვენი თავდაცვის ძალებისთვის, ეს არის ძალიან სერიოზული საფრთხე ამ ქვეყნისთვის”, – აცხადებს საქართველოს პრეზიდენტი, რომელიც სამოქალაქო ორგანიზაცია ,,აირჩიე ევროპას” პრეზენტაციას დაესწრო. სალომე ზურაბიშვილმა სიტყვით გამოსვლისას აღნიშნა, რომ საქართველოს ხელისუფლებამ ევროპული გზა გაყინა და ამით დაარღვია ქვეყნის კონსტიტუცია, ხალხის ნება და ისტორიული არჩევანი. ,,ავირჩიოთ ევროპა- მე მგონი უკვე ავირჩიეთ ევროპა და დიდი ხანია და საქართველო ყველა თავის ისტორიის მთავარ მონაკვეთზე ირჩევს და ირჩევს განვითარების, თავისუფლებს, დემოკრატიის გზას და ეს არის ევროპული გზა და ევროპული ღირებულებები, რაც არის პირველ…

,,მე ვარ იმ მთავრობის და იმ ხელისუფლების წარმომადგენელი, რომელსაც ძალიან ბევრი აქვს გაკეთებული იმისთვის, რომ ქვეყნის ევროპული და ევროატლანტიკური ინტეგრაცია იქნას უზრუნველყოფილი”, – ასე უპასუხა თავდაცვის მინისტრმა, ირაკლი ჩიქოვანმა ჟურნალისტების შეკითხვას, პარტნიორების მხრიდან საქართველოსთვის ფინანსური დახმარების შეჩერებისა და ურთიერთობების გადახედვასთან დაკავშირებით მისი პოზიციის შესახებ. მინისტრის განცხადებით, ხელისუფლებამ ყველაფერი გააკეთა და ახლაც ძალისხმევას არ იშურებს იმისთვის, რომ საქართველო ევროკავშირსა და ნატოს დაუახლოვდეს. ,,ეს არის ხელისუფლება, რომელმაც უზრუნველყო, რომ ხელი მოაწერა ასოცირების შეთანხმებას, ძალიან დიდი და უზარმაზარი სამუშაო გასწია იმისთვის, რომ მოხდეს ჩვენი კანონმდებლობის ჰარმონიზაცია და ევროკავშირის სტანდარტებთან ურთიერთთანხვედრა. ძალიან ბევრ რამეს…

გერმანიის ელჩის განცხადებას, რომლის თქმითაც, გერმანია საქართველოსთან ურთიერთობების გადახედვას აწარმოებს, ოფიციალური ბერლინი კი, ამჟამად, ქვეყანასთან ახალ ფინანსურ ვალდებულებებს არ აიღებს,  ,,ხალხის ძალის” წევრი, გურამ მაჭარაშვილი გამოეხმაურა. მისი თქმით, გერმანიის ელჩის განცხადება, დაყვედრების გარდა, ქვეყნის დაშინებისა და მუქარის მცდელობაც იყო. ,,როდესაც დახმარებას დააყვედრებ მეგობარს, ეს აღარ არის დახმარება. გერმანიის ელჩის ნაცვლად, ასეთ განცხადებას არ გავაკეთებდი. საკუთარ ქვეყანაში, საკუთარი მეთაურის პარტია, გავიდა მესამე ადგილზე, ანუ საზოგადოების უნდობლობა არსებობს გერმანიის დღევანდელი ხელისუფლების მიმართ. სხვა ქვეყნის პოლიტიკაში ჩარევის ნაცვლად, საკუთარი ქვეყნის პროცესებს მიხედოს. ჩვენ ჩვენს ქვეყანას მივხედავთ, მაგრამ მეგობრულ ურთიერთობებს გავაგრძელებთ. დაყვედრებაც არის, დაშინებისა…