დღე: ივლისი 23, 2024

“საერთო სასამართლოს არ ჰქონდა უფლება პრეზიდენტის განკარგულება შეეჩერებინა და საერთოდ, ეს საქმე არ უნდა მიეღო წარმოებაში – ეს კონსტიტუციასთან სრულიად შეუსაბამოა” – ამის შესახებ იუსტიციის უმაღლესი საბჭოს წევრობის კანდიდატის შესარჩევი კომისიის წევრმა, საია-ს თავმჯდომარემ, ნონა ქურდოვანიძემ ჟურნალისტებთან განაცხადა. ამ განცხადებით ის გამოეხმაურა საქალაქო სასამართლოს გადაწყვეტილებას, რომელმაც იუსტიციის საბჭოს არამოსამართლე წევრად კახა წიქარიშვილის დანიშვნის შესახებ პრეზიდენტის განკარგულება შეაჩერა. მისივე ინფორმაციით, აღნიშნული გადაწყვეტილების გასაჩივრების შესაძლებლობა არსებობს, მაგრამ ეს შეიძლება დროში გაიწელოს. “რა თქმა უნდა, ეს არის ძალიან ცუდი პრეცედენტი, როდესაც სამწუხაროდ, სასამართლო სისტემა ცდილობს, საკუთარი გავლენების გამოყენებით, იუსტიციის უმაღლეს საბჭოში არ დაუშვას…

“სასამართლოს გადაწყვეტილება არის სახიფათო და დამაზიანებელი პრეცედენტი, რომელიც ეწინააღმდეგება კანონმდებლობას და რომლითაც ზიანდება იუსტიციის უმაღლესი საბჭოს ანგარიშვალდებულება და ღიაობა” – ასე შეაფასა იუსტიციის უმაღლესი საბჭოს წევრობის კანდიდატის შესარჩევი კომისიის თავმჯდომარემ, გურამ იმნაძემ თბილისის საქალაქო სასამართლოს გადაწყვეტილება, რომლითაც იუსტიციის უმაღლესი საბჭოს წევრად კახა წიქარიშვილის დანიშვნის შესახებ პრეზიდენტის განკარგულება შეჩერდა. იმნაძე ამბობს, რომ  აღნიშნული გადაწყვეტილებით ზიანი ადგება არამხოლოდ პრეზიდენტის ინსტიტუტსა და მის ეფექტიანობას, არამედ ამით მთლიანად მართლმსაჯულების სისტემის მიმართ ისედაც დეფიციტური ნდობა, კიდევ უფრო, ზიანდება და მცირდება. „მიგვაჩნია, რომ აღნიშნული გადაწყვეტილებით მოსამართლემ უხეშად დაარღვია საქართველოს კონსტიტუციით გარანტირებული ხელისუფლების დანაწილების პრინციპი და შეიჭრა…

„სისტემამ აირჩია ეს გზა თავის დასაცავად – ჩემთვის გასაგები იყო, რომ იქ იებით და ვარდებით არ დამხვდებოდნენ“ – განაცხადა კახა წიქარიშვილმა და ასე გამოეხმაურა საქალაქო სასამართლოს გადაწყვეტილებას, რომელმაც იუსტიციის საბჭოს არამოსამართლე წევრად მისი დანიშვნის შესახებ პრეზიდენტის განკარგულება შეაჩერა. „მე ვფიქრობ, რომ ის მოსამართლე მოქმედებდა არა თავისი ინდივიდუალური გადაწყვეტილებით, არამედ მოქმედებს სისტემის სახელით. ასეთი ფორმა აარჩია კლანმა, რომელიც ჩვენს სასამართლოს სისტემაშია. კლანმა, რომელიც აკონტროლებს მართლმსაჯულებას. ზოგიერთი მოსამართლე პირდაპირ ემორჩილება კლანს, ხოლო ზოგიერთი უბრალოდ კონიუნქტურას ემორჩილება. ეს გადაწყვეტილება, რომელიც დღეს იქნა მიღებული, მთლიანად ცვლის პროცესის მიმდინარეობას. მე ხვალიდან ვაპირებდი იუსტიციის საბჭოში მუშაობის დაწყებას.…

ორბელიანების სასახლეში,რამდენიმე წუთში იუსტიციის უმაღლეს საბჭოს წევრობის კანდიდატის შესარჩევი კომისია ბრიფინგს გამართავს.  თემა, სავარაუდოდ, საქალაქო სასამართლოს გადაწყვეტილებაა, რომელმაც პრეზიდენტის განკარგულების აღსრულება შეაჩერა, რის გამოც კახა წიქარიშვილი იუსტიციის უმაღლეს საბჭოში არამოსამართლე წევრად მუშაობას ხვალიდან ვერ დაიწყებს. იუსტიციის უმაღლესი საბჭოს წევრად კახა წიქარიშვილის დანიშვნის შესახებ პრეზიდენტის განკარგულება თბილისის საქალაქო სასამართლომ გუშინ შეაჩერა.  

“ნაციონალური მოძრაობის” თავმჯდომარის  თინა ბოკუჩავას ინფორმაციით, “ვივა მედში”, მიხეილ სააკაშვილთან დოკუმენტი შევა, სადაც დეტალურად არის გაწერილი საარჩევნო კამპანიის ფაზები. ბოკუჩავას თქმით, მიხეილ სააკაშვილის საპატიმროში ყოფნის მიუხედავად, ის ახლოს რჩება ქართველ ხალხთან. “მიხეილ სააკაშვილი პოლიტპატიმარია, მაგრამ მაინც ძალიან ახლოს რჩება ქართველ ხალხთან. პრეზიდენტი სააკაშვილი “რუსული კანონის” რეინიცირებამდეც კი მოუწოდებდა ოპოზიციას ერთიანობისკენ. ის ყოველთვის ორიენტირებულია მომავალზე. მოხარული ვარ, რომ ჩვენი მოსაზრებები სრულიად ემთხვევა ერთმანეთს. მიუხედავად იმისა, რომ ის არის პოლიტიკური პატიმარი და მიუხედავად იმისა, რომ ჩვენ სრულიად უკანონოდ გვიკრძალავენ მასთან შესვლას და პირად კომუნიკაციას, ჩვენ მაინც ძალიან მჭიდრო კომუნიკაცია გვექნება. ხვალ ძალიან…

“ერთიანი ნაციონალური მოძრაობის” თავმჯდომარის, თინა ბოკუჩავას განცხადებით, საქართველოს პრეზიდენტი სალომე ზურაბიშვილი ერთგვარი პოლიტიკური დევნის ობიექტი ხდება. მისივე განმარტებით, მმართველი პარტია პრეზიდენტის ინსტიტუციის დაკნინებას ცდილობს. „სრული უზურპაცია და ავტოკრატიის კონსოლიდაცია არის ის რასაც ჩვენ ვხედავთ.  ერთგვარი პოლიტიკური დევნის ობიექტი ხდება მოქმედი  პრეზიდენტი, იმიტომ რომ ყველას ძალიან კარგად გვესმის, რომ იქნება ეს საკონსტიტუციო სასამართლოს გამოყენება იმპიჩმენტის პროცესისთვის,  იუსტიციის უმაღლეს საბჭოში წევრების დასახელების უფლებამოსილების შეზღუდვა, თუ ვიზიტებში მისი არ გაშვება, ბუნებრივია, ეს ყველაფერი არის მცდელობა მისი ერთგვარი პოლიტიკური დევნის და ინსტიტუციის დაკნინების” – განაცხადა თინა ბოკუჩავამ.

“მნიშვნელოვანია, რომ ქართველმა ხალხმა და მხოლოდ ქართველმა ხალხმა გადაწყვიტოს მათი ქვეყნის მომავალი” – ამის შესახებ, აშშ-ის სახელმწიფო დეპარტამენტის პრესსპიკერმა, მეთიუ მილერმა ბრიფინგზე განაცხადა. მეთიუ მილერი ამბობს, რომ აშშ რუსეთის მიერ არჩევნებში ჩარევის მცდელობებს მსოფლიოში ყურადღებით აკვირდება. „ჩვენ გვინახავს რუსეთის არა მხოლოდ არაერთი მცდელობა, არამედ არჩევნებში პირდაპირი ჩარევა როგორც რეგიონში, ისე მთელ მსოფლიოში და ყოველთვის ყურადღებით ვართ და ვაკვირდებით ამას. როგორც ჩვენგან არაერთხელ გსმენიათ, მნიშვნელოვანია, რომ ქართველმა ხალხმა და მხოლოდ ქართველმა ხალხმა გადაწყვიტოს მათი ქვეყნის მომავალი“ – განაცხადა მეთიუ მილერმა.