დღე: ივნისი 18, 2024

„იმ ადამიანებს, რომლებსაც აქვთ ვიზა, ეცნობათ, რომ მათი ვიზა ვალიდური აღარ არის და მათ, ვისაც არ აქვთ ვიზა, ვეღარ მიიღებენ მას“- განაცხადა საქართველოში აშშ-ის ელჩმა, რობინ დანიგანმა. ელჩი ამბობს, რომ ამერიკას სავიზო შეზღუდვების შემოღება არ სურდა. „ვფიქრობ, რომ კარგად მივდიოდით, რაც იყოს ახალი დასაწყისი ჩვენი ურთიერთობებისთვის, მაგრამ უკანასკნელი რამდენიმე თვის განმავლობაში საქართველოს ხელისუფლებამ გადადგა ნაბიჯები, რაც უკიდურესად შემაშფოთებელია. ერთ-ერთი მათგანი არის დეზინფორმაცია და ნეგატიური რიტორიკა დასავლეთის წინააღმდეგ, კიდევ ერთი მაგალითი არის „უცხოური აგენტების“ კანონი, რაც გვჯერა, რომ არის ქართველი ხალხის გაცხადებული მისწრაფებების საწინააღმდეგო. კიდევ ერთი ნაბიჯი არის ძალადობისა და დაშინების…

“ზღაპრის ბოლო კეთილია” – ამ სიმღერას ასრულებენ ქართველი გულშემატკივრები დორტმუნდის სტადიონზე და ეროვნულ ნაკრებს ამხნევებენ. ამ დროისთვის ანგარიში  თურქეთის სასარგებლოდ 2:1 გახდა. საქართველო ევროპის ჩემპიონატზე თურქეთის წინააღმდეგ პირველ შეხვედრას მართავს. ეროვნულმა ნაკრებმა ისტორიაში თავისი პირველი გოლი გაიტანა. პირველი გოლის ავტორი გიორგი მიქაუტაძე იყო.    

“ჯორჯიან უოთერ ენდ ფაუერის“ ინფორმაციით, დაზიანებული მაგისტრალური მილსადენის აღდგენითი სამუშაოები 7 დღე გაგრძელდება. ამავე ცნობით, სოფელ წიწამურის მიმდებარედ წყალმომარაგების ცენტრალური მაგისტრალური მილსადენის დაზიანების აღსადგენად მეწყრული მიწის ფერის მოხსნის სამუშაოები 17 ივნისს, ღამის 23:00 საათზე დაიწყო. „მიმდინარეობს მეწყრული ფერდობის დატერასება, რის შემდეგაც ლოკალურად შეკეთდება ქსელის დაზიანებული მონაკვეთი ადგილზე 24 საათიან უწყეტ რეჟიმში მუშაობს 7 ერთეული მძიმე ტექნიკა. ეს არის ამ ეტაპისთვის მაქსიმალური რაოდენობა რისი განთავსებაც შესაძლებელია სამუშაო ტერიტორიაზე. დასამუშავებელი მიწის არეალის გაფართოვებასთან ერთად, ეტაპობრივად დაემატება მძიმე ტექნიკა“- ნათქვამია „ჯორჯიან უოთერ ენდ ფაუერის“ მიერ გავრცელებულ ინფორმაციაში.  

„ფეხბურთის გულმხურვალე ფანი ვარ – ვიმედოვნებ და დარწმუნებული ვარ, რომ საქართველო გაიმარჯვებს, ვისურვებდი იქ ყოფნას“- განაცხადა საქართველოში აშშ-ის ელჩმა რობინ დანიგანმა. ელჩი ამბობს, რომ ის ესწრებოდა საკვალიფიკაციო მატჩს თბილისში და გამარჯვების მომენტი გაიზიარა ქართველ გულშემატკივართან. „ვისურვებ ყველაფერს საუკეთესოს საქართველოსთვის. თუმცა ვფიქრობ, რომ ქართველები მხოლოდ იმის გამო არ იყვნენ ბედნიერები, რომ თავის ნაკრებს უჭერდნენ მხარს, არამედ იმიტომ, რომ საქართველომ ევროპის ჩემპიონატის საკვალიფიკაციო ეტაპი გაიარა, სადაც არის საქართველოს ადგილი”- ამბობს ელჩი.   გიორგი მიქაუტაძემ ანგარიში გაათანაბრა

გერმანიის ქალაქ დორტმუნდში, ეროვნული ნაკრების თამაშს  პრემიერი, ირაკლი კობახიძე და პრეზიდენტი, სალომე ზურაბიშვილი ესწრებიან. საქართველოსთვის ისტორიული მატჩი დაიწყო. ეროვნული ნაკრები თურქეთს უპირისპირდება. მატჩი საქართველოს დროით 20:00 საათზე დაიწყო. დორტმუნდის სტადიონზე ქომაგებს შორის დაპირისპირება იყო. ფაქტის ამსახველი კადრები სოციალურ ქსელში გავრცელდა. ეროვნული ნაკრების გულშემატკივრების ინფორმაციით, ტრიბუნებზე დაპირისპირება თურქმა ქომაგებმა დაიწყეს, როდესაც საქართველოს ნაკრების გულშემატკივრების მისამართით სხვადასხვა საგანი ისროლეს.   ისტორიული მატჩი  დაიწყო

სპეციალური საგამოძიებო სამსახური ეხმაურება 2024 წლის მარტში ევროპის მინისტრთა კომიტეტის მიერ გაცემულ რეკომენდაციას ,,მაჩალიკაშვილი და სხვები საქართველოს წინააღმდეგ” საქმესთან დაკავშირებით. უწყება ამბობს, რომ რეკომენდაცია ითვალისწინებდა დათქმას, რომ საგამოძიებო ორგანომ განიხილოს აღნიშნული საქმე და იმსჯელოს, რამდენად მიზანშეწონილია გამოძიების განახლება. მათივე თქმით, გამოითხოვეს მაჩალიკაშვილის საქმე, რომელზეც გამოძიება 2020 წლის 25 იანვარს შეწყდა. შესწავლის დასრულების შემდეგ სამსახურმა მიიღო დადგენილება, რომელშიც ხსნის თუ რატომ ვერ ხედავს უწყება გამოძიების განახლების მიზანშეწონილობას. იხილეთ განცხადება: ,,ევროპულმა სასამართლომ აღნიშნა, რომ დამოუკიდებელმა საგამოძიებო ორგანომ გამოძიება დაიწყო იმავე დღეს, როცა ჩატარდა სპეცოპერაცია, ყოველგვარი შეფერხების გარეშე და გაატარა მრავალი ღონისძიება, რათა…

ლენტეხის მერია მეწყერულ პროცესთან დაკავშირებით განცხადებას ავრცელებს: ,,წუხელ მოსული უხვი ნალექის გამო (წვიმა,სეტყვა) ლენტეხი-ცაგერი-ქუთაისის ცენტრალურ საავტომობილო გზაზე, კერძოდ (ცაგერი-ლენტეხის ტერიტორიაზე, 5 ლოკაციაზე) გამოიწვია მეწყრული პროცესი, რის გამოც ყველა სახის ავტოტრანსპორტის გადაადგილება დროებით ჩაიკეტა. დილიდანვე მყისიერად მოხდა სტიქიის ადგილზე ხუთი ერთეული ტექნიკის მობილიზება და მიმდინარეობს გაწმენდითი და აღდგენითი სამუშაოები. ამ დროისთვის გაწმენდილია სტიქიის ზონის ხუთივე ლოკაცია და მაღალი გამავლობის ავტოტრანსპორტის მოძრაობა აღდგენილია. ასევე, მუნიციპალიტეტის რამდენიმე სოფელს და უშუალოდ, დაბას არ მიეწოდება ელექტროენერგია, ცენტრალურ გზაზე მაღალი ძაბვის გადამცემი ხაზებისა და ბოძების მწყობრიდან გამოსვლის გამო. მობილიზებულია ენერგო-პროჯორჯიას ტექნიკური ჯგუფები და მიმდინარეობს აღდგენითი სამუშაოები…

თბილისში დაკარგული 10 წლის ბიჭი იპოვეს. ინფორმაციას ოჯახი და შინაგან საქმეთა სამინისტრო ადასტურებს. ნათესავის თქმით, ბავშვი ზოოპარკის ტერიტორიაზეა. ბიჭი ნაძალადევის უბანში, კერძო სახლიდან დღეს დილის საათებში გავიდა.

ევ­რო­პის ჩემ­პი­ო­ნატ­ზე სა­ქარ­თვე­ლოს ეროვ­ნუ­ლი სა­ფეხ­ბურ­თო ნაკ­რე­ბის პირ­ვე­ლი თა­მა­შის წინ დე­და­ქა­ლა­ქის მერ­მა, კახა კა­ლა­ძემ სო­ცი­ა­ლურ ქსელ­ში ვი­დე­ო­მი­მარ­თვა გა­ავ­რცე­ლა. კახა კა­ლა­ძემ ნაკ­რებს კი­დევ ერთხელ უსურ­ვა წარ­მა­ტე­ბა და აღ­ნიშ­ნა, რომ ევ­რო­პის ჩემ­პი­ო­ნატ­ზე სა­ქარ­თვე­ლოს ეროვ­ნუ­ლი მა­ი­სუ­რით გა­მოს­ვლა თი­თო­ე­უ­ლი ქარ­თვე­ლის გა­მარ­ჯვე­ბაა. ,,წარ­მო­მიდ­გე­ნია, რა ხდე­ბა ახლა სა­ქარ­თვე­ლოს დე­და­ქა­ლაქ­ში, თბი­ლის­ში”- 1981 წლის 13 მა­ისს კოტე მა­ხა­რა­ძის ეს ცნო­ბი­ლი შე­ძა­ხი­ლი დღემ­დე იმ ემო­ცი­ი­სა და სი­ხა­რუ­ლის მა­ტა­რე­ბე­ლია, რაც ქარ­თუ­ლი ფეხ­ბურ­თის­თვის ღირ­სშე­სა­ნიშ­ნავ თა­რიღს უკავ­შირ­დე­ბა. დღეს, გერ­მა­ნი­ის ქა­ლაქ დორ­ტმუნდში, რო­დე­საც სა­ქარ­თვე­ლოს ეროვ­ნუ­ლი ნაკ­რე­ბი ქარ­თუ­ლი ფეხ­ბურ­თის ის­ტო­რი­ის­თვის ყვე­ლა­ზე დიდ მიღ­წე­ვად ქცე­ულ მატჩზე გა­მო­ვა და იტყვის – “მე ვარ სა­ქარ­თვე­ლო”, წარ­მო­მიდ­გე­ნია, რო­გო­რი სი­ა­მა­ყის…

თბილისში ბავშვს ეძებენ. ახლობლების ინფორმაციით, 10 წლის ბიჭი ნაძალადევის უბანში, კერძო სახლიდან დღეს დილის საათებში გავიდა და ამ დრომდე მისი ადგილსამყოფელი უცნობია. ფაქტთან დაკავშირებით ინფორმირებულია პოლიცია. ინფორმაციის არსებობის შემთხვევაში ოჯახს შეგიძლიათ დაუკავშირდეთ ნომერზე –  558 24  73 20  

ევროპის საფეხბურთო ჩემპიონატზე, თურქეთი-საქართველოს ეროვნულ ნაკრებებს შორის დღეს დაგეგმილი მატჩის პერიოდში, გულშემატკივრების შეუფერხებლად გადაადგილების მიზნით, მუნიციპალური ავტობუსების ნაწილი რამდენიმე წუთიანი ინტერვალით იმოძრავებს. კერძოდ, იმ მოქალაქეებს, რომლებიც მატჩის ტრანსლირებას მიხეილ მესხის სახელობის სტადიონზე დაესწრებიან, 20:00-დან 23:00 საათის ჩათვლით, ავტობუსები პიკურ დროში განსაზღვრული რაოდენობებით მოემსახურებიან. ღონისძიებაზე დამსწრე პირები ისარგებლებენ შემდეგი მარშრუტებით: N173, N301, N307, N311, N345, N351, N354, N358, N359, N385 და N388. ეროვნული ნაკრების გულშემატკივრები ევროპის ჩემპიონატზე ქართველი ფეხბურთელების შეხვედრების პირდაპირი ტრანსლაციის ნახვას მიხეილ მესხის სტადიონზე შეძლებენ, რისთვისაც ტერიტორიაზე ექვსი დიდი ეკრანი დამონტაჟდა. საქართველოს ეროვნული საფეხბურთო ნაკრები თურქეთის ეროვნულ ნაკრებს ქალაქ…