პარიზის ზაფხულის მე-17 პარალიმპიური თამაშები დასრულებულია. ქართველი სპორტსმენების ნაწილი სამშობლოში გუშინ, გვიან ღამით დაბრუნდა. მათ შორის არის პარა ძიუდოს ნაკრები და დელეგაცია.
საქართველოს ნაკრებმა 9 მედლიდან 4 სწორედ ძიუდოში აიღო. ვერცხლის მედლებს დაეუფლნენ რევაზ ჩიკოიძე, ზურაბ ზურაბიანი და გიორგი ქალდანი. ბრინჯაოს მოპოვება შეძლო პარა-ძიუდოისტმა ინა ქალდანმა. ცნობისთვის, ჩიკოიძე პარალიმპიადის ვიცე-ჩემპიონი მეორედ გახდა.
