დღე: ივლისი 14, 2024

აშშ-ის წარმომადგენელთა პალატის სპიკერი მაიკ ჯონსონი ამერიკელებს მოუწოდებს, პოლიტიკურად დაძაბული გარემოს მიუხედავად, ღირსეულად და პატივისცემით მოექცნენ ერთმანეთს. „ჩვენ, ყველანი ამერიკელები ვართ და ერთმანეთს ღირსეულად და პატივისცემით უნდა მოვექცეთ. ჩვენ შეგვიძლია, გვქონდეს მწვავე პოლიტიკური დისკურსი და დებატები, მაგრამ ეს არ უნდა იყოს პერსონალური და ჩვენ არ უნდა ვიყოთ ხალხის სამიზნე“- განაცხადა ჯონსონმა. აშშ-ის წარმომადგენელთა პალატის სპიკერმა ასევე აღნიშნა, რომ ტრამპის მკვლელობის მცდელობის შემდეგ აშშ-ის ყოფილ პრეზიდენტს შეტყობინება გაუგზავნა.    

Wall Street Journal ინფორმაციით, ტრამპზე თავდამსხმელის მანქანაში ასაფეთქებელი მოწყობილობა აღმოაჩინეს. მანქანას, რომელსაც თავდამსხმელი მართავდა, პენსილვანიის შტატში,  იმ ადგილის მახლობლად იყო გაჩერებული, სადაც ტრამპი თავის მხარდამჭერებს შეხვდა. ამერიკული მედიის ცნობით, იარაღი რომელიც თომას მეთიუ კრუკსმა გამოიყენა, მამამისის ნაყიდია.

„ბიბისის“ ინფორმაციით, როგორც მედია წერს, დაშავებულების ვინაობა ამ დრომდე არ საჯაროვდება. ისინი, საავადმყოფოში იმყოფებიან.დონალდ ტრამპის მხარდამჭერ მიტინგზე სროლისას დაშავებული ორი პირის მდგომარეობა კრიტიკულია ცნობისთვის, ქალაქ ბატლერში მხარდამჭერებთან შეხვედრისას აშშ-ის ყოფილ პრეზიდენტს, დონალდ ტრამპს ესროლეს. მომხდარის შედეგად ის დაიჭრა, ხოლო მიტინგის ერთი მონაწილე დაიღუპა.

“კატეგორიულად ვგმობ მკვლელობის მცდელობას აშშ-ის 45-ე პრეზიდენტისა და პრეზიდენტობის კანდიდატის, ბატონ დონალდ ტრამპის წინააღმდეგ. გულწრფელად ვუგზავნი საუკეთესო სურვილებს ბატონ ტრამპს, მის ოჯახსა და ახლობლებს” – ამის შესახებ, თურქეთის პრეზიდენტი, რეჯეფ თაიფ ერდოღანი სოციალურ ქსელში წერს. თურქეთის პრეზიდენტი ამბობს, რომ  მეგობარ და მოკავშირე ამერიკელ ხალხს გვერდით არიან. „მჯერა, რომ თავდასხმის გამოძიება ყველაზე ეფექტური გზით წარიმართება და დამნაშავეები და წამქეზებლები უმოკლეს ვადაში დაისჯებიან, რათა ჩრდილი არ მიიყენონ აშშ-ის არჩევნებსა და გლობალურ სტაბილურობას. როგორც თურქეთი, ჩვენ გვერდში ვუდგავართ მეგობარ და მოკავშირე ამერიკელ ხალხს“- წერს თურქეთის პრეზიდენტი, რეჯეფ თაიფ ერდოღანი.

ისრაელის ჯარების მიერ ალ-მავასის ბანაკზე იერიში მიიტანის, შედეგად, სულ მცირე, 90 პალესტინელი დაიღუპა. დაშავებულთა რაოდენობა 300-ზე მეტია, მათ შორის არიან მცირეწლოვნებიც. ისრაელის პრემიერ-მინისტრის განცხადებით, მათი სამიზნე “ჰამასის” სამხედრო მეთაური მოჰამედ დეიფი იყო, თუმცა არ არის დარწმუნებული, რომ მისი განეიტრალება შეძლეს. “ისრაელის სახელმწიფომ, ისრაელის არმიისა და უსაფრთხოების სააგენტოს მეშვეობით, დაარტყა ღაზას სექტორს, მუჰამედ დეიფის და მისი მოადგილის რაფა სალამას . არ არის ცნობილი, დაიღუპა თუ არა ორივე. თუ ჩვენ დავიცავთ პრინციპებს, მივაღწევთ შეთანხმებას, რომელიც არამარტო გაათავისუფლებს ჩვენს მძევლებს, არამედ მოგვცემს საშუალებას გავაგრძელოთ ომი გამარჯვებამდე. მე ოდნავადაც არ გადავხრილვარ იმ ჩარჩოდან, რაც…

აშშ-ის პრეზიდენტი ჯო ბაიდენი ტელეფონით ესაუბრა დონალდ ტრამპს, რომელსაც პენსილვანიის შტატში საარჩევნო მიტინგზე ესროლეს. საუბრის შინაარს თეთრი სახლი ავრეცელბს. ბაიდენი ასევე ესაუბრა პენსილვანიის გუბერნატორს და ქალაქ ბატლერის მერს, სადაც ტრამპი მხარდამჭერებთან შეხვედრას მართავდა. „დღეს პრეზიდენტი ჯო ბაიდენი ვაშინგტონში ბრუნდება. ხვალ, დილით თეთრ სახლში ის მიიღებს განახლებულ ინფორმაციას აშშ-ის შიდა უსაფრთხოების დეპარტამენტისგან და სამართალდამცავი უწყებების ოფიციალური პირებისგან“- ნათქვამია თეთრი სახლის განცხადებაში, რომელსაც „სიენენი“ ავრცელებს.

მსოფლიო ლიდერები პენსილვანიში დონალდ ტრამპზე თავდასხმას ეხმაურებიან და მომხდარს გმობენ. ისინი ამბობენ, რომ პოლიტიკაში ძალადობის ადგილი არ არის და დონალდ ტრამპს გამოჯანმრთელებას უსურვებენ. ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა განაცხადა, რომ მომსწრენი არიან  პოლიტიკოსების მიმართ მიუღებელი ძალადობის აქტების. გაერთიანებული სამეფოს პრემიერ-მინისტრის, კირ სტარმერის განცხადებით, “შეძრწუნებულია შეხვედრის შოკისმომგვრელი სცენებით”. „პოლიტიკური ძალადობის ნებისმიერი ფორმის ადგილი ჩვენს საზოგადოებებში არ არის“ – განაცხადა პრემიერმა. იტალიის პრემიერ-მინისტრის, ჯორჯია მელონი ამბობს, რომ, მღელვარებით ადევნებს თვალს სიახლეებს პენსილვანიიდან. მან დონალდ ტრამპს სწრაფი გამოჯანმრთელება უსურვა და იმედი გამოთქვა, რომ „საარჩევნო კამპანიის მომდევნო თვეებში…

„პენსილვანიაში მომხდარი დონალდ ტრამპის მკვლელობის მცდელობა იყო“– ამის შესახებ, აშშ-ის ფედერალური საგამოძიებო სამსახურის პიტსბურგის საველე ოფიცერმა, კევი როჯეკმა ცოტა ხნის წინ პენსილვანიის ქალაქ ბატლერში გამართულ პრესკონფერენციაზე განაცხადა. „დღეს, საღამოს მოხდა ის, რასაც ჩვენ ვუწოდებთ დონალდ ტრამპის მკვლელობის მცდელობას. ეს ჯერ კიდევ არის აქტიური დანაშაულის ადგილი“, – განაცხადა როჯეკმა. როჯეკის ინფორმაციით, ადაამიანს რომელმაც დონალდ ტრამპს ესროლა, პირადობის დამადასტურებელი დოკუმენტი არ აღმოაჩნდა და მისი იდენტიფიცირების პროცესი გრძელდება. ასევე, ჯერ უცნობია დანაშაულის მოტივი.

„სიენენის“ ინფორმაციით,  ადამიანი, რომელმაც  პენსილვანიაში დონალდ ტრამპის მხარდამჭერ მიტინგზე ისროლა, განეიტრალებულია. ინფორმაციას გამოცემა სამართალდამცავ ორგანოებზე დაყრდნობით წერს. როგორც ბატლერის ოლქის პროკურორი რიჩარდ გოლდინგერი აცხადებს, ტრამპის მხარდამჭერთა მიტინგზე მომხდარი ინციდენტის შედეგად დაღუპულია მიტინგზე მყოფი ერთი ადამიანი, კიდევ ერთი პირი კი მძიმე მდგომარეობაშია. პენსილვანიაში დონალდ ტრამპის მხარდამჭერებთან შეხვედრაზე სროლა იყო, რა დროსაც დონალდ ტრამპი სახის არეში დაშავდა. დონალდ ტრამპს ესროლეს

აშშ-ის ყოფილი პრეზიდენტი, დონალდ ტრამპი პენსილვანიის შტატში მხარდამჭერებთან შეხვედრის დროს მომხდარი სროლის შედეგად დაშავდა. CNN-ის ინფორმაციით, საიდუმლო სამსახურმა განაცხადა, რომ შეიარაღებული პირი და შეხვედრის ერთ-ერთი მონაწილე დაიღუპა, ორი ​​ მონაწილე კი – მძიმედ დაშავდა. ტრამპმა სოციალურ ქსელში განაცხადა, რომ მას ესროლეს და ტყვია „მარჯვენა ყურის ზედა ნაწილში” მოხვდა. საიდუმლო სამსახურის ინფორმაციით, ყოფილი პრეზიდენტი ამჟამად უსაფრთხოდ არის.