გიორგი მიქაუტაძის ყოფილი კლუბი „მეცი“ ლიონის „ოლიმპიკს“ უჩივის. ინფორმაციას Lequipe-ი ავრცელებს. კლუბებმა ტრანსფერზე მოილაპარაკეს პირველ აგვისტოს, რომლის მიხედვითაც, ლიონის „ოლიმპიკი“ გარიგების თანხის პირველ ნაწილს, 8 მილიონი ევროს „მეცს“ ხელშეკრულების გაფორმებისთანავე გადაუხდიდა.
საბოლოოდ, ასე არ მოხდა – ლიონის „ოლიმპიკმა“ ამ ეტაპზე „მეცს“ მხოლოდ 3 მილიონი ევრო გადაურიცხა. ეს თანხაც გიორგის ყოფილმა კლუბმა დაგვიანებით, დაახლოებით 10 დღის შემდეგ მიიღო.
გიორგი მიქაუტაძის სატრანსფერო ფასი, მთლიანობაში, 18.5 მილიონი ევროა. ამას დაემატება ბონუსი ქართველი ფეხბურთელის შემდეგი ტრანსფერიდან.
