ცენტრალური ჩინეთის, ხენანის პროვინციის ქალაქ ნანიანთან ახლოს მდებარე სოფელ იანშანპუში, სკოლის საერთო საცხოვრებელში გაჩენილ ხანძრს 13 ადამიანი ემსხვერპლა. ინფორმაციას Reuters ავრცელებს.
შემთხვევის ადგილზე მისულმა მეხანძრე-მაშველებმა ხანძარი სწრაფად ჩააქრეს. დაშავებული მე-14 ადამიანი, ხანძრის შედეგად მიღებული დაზიანებების სამკურნალოდ, საავადმყოფოში გადაიყვანეს. ხანძრის გამომწვევი მიზეზი უცნობია.
ჩინეთის სახელმწიფო მედიის თქმით, სამართალდამცავებმა დააკავეს სკოლის ხელმძღვანელი.