,,ეს ქართული ხალხის გამარჯვებაა. ქართველები – თავისუფალი ერია,”- ასე ეხმიანება უკრაინის უმაღლესი რადას დეპუტატი ოლექსი გონჩარენკო უცხოური გავლენის გამჭვირვალობის” შესახებ კანონპროექტის ჩავარდნას.
,,საქართველოს პარლამენტმა პუტინის ნიმუშებით შედგენილი “უცხოური აგენტების შესახებ” კანონპროექტის განხილვა შეწყვიტა. ეს ქართული ხალხის გამარჯვებაა. ქართველები – თავისუფალი ერია. ისინი დიქტატურას არ მოითმენენ. ისინი რუსულ გავლენას არ მოითმენენ. ისინი გამოვიდნენ გარეთ და დემოკრატიის უფლებას იცავდნენ,”- წერს გონჩარენკო.
ცნობისთვის, პარლამენტმა, პლენარულ სხდომაზე, „უცხოური გავლენის გამჭვირვალობის” შესახებ კანონპროექტი მეორე მოსმენით ჩააგდო. პროექტის განხილვას მხარი დაუჭირა ერთმა დეპუტატმა, 35 კი წინააღმდეგი იყო. კანონპროექტი კენჭისყრაზე განხილვის გარეშე დადგა.
