თვე: ივლისი 2024

დიდ ბრიტანეთში ვადამდელი საყოველთაო არჩევნები დაიწყო. ინგლისის, შოტლანდიის, უელსისა და ჩრდილოეთ ირლანდიის 650 ოლქში 40 000 საარჩევნო უბანი ადგილობრივი დროით 7:00 საათზე გაიხსნა და ხმის მიცემა 22:00 საათამდე იქნება შესაძლებელი. დიდი ბრიტანეთის ვადამდელ არჩევნებში 4 515 კანდიდატი მონაწილეობს, რაც რეკორდული მაჩვენებელია. პარლამენტში უმრავლესობის მოსაპოვებლად, 326 მანდატია საჭირო. უკანასკნელი გამოკითხვების მიხედვით, სავარაუდოდ, არჩევნებში ,,ლეიბორისტული პარტია” გაიმარჯვებს.

,,თუ ტრამპმა იცის როგორ უნდა დაასრულოს ეს ომი, დღესვე უნდა გვითხრას”, – ამბობს უკრაინის პრეზიდენტი აშშ-ის საპრეზიდენტო კანდიდატის, დონალდ ტრამპის განცხადებების კომენტირებისას. როგორც ზელენსკიმ აღნიშნა, ის ,,პოტენციურად მზად არის” შეხვდეს ტრამპს და მოისმინოს მისი წინადადებები, თუმცა ხაზგასმით აღნიშნავს, რომ ტრამპის გუნდი ,,ვერ დაგეგმავს უკრაინელი ხალხის ცხოვრებას”. „ჩვენ გვინდა გავიგოთ, გვექნება თუ არა ნოემბერში, ტრამპის გამარჯვების შემთხვევაში, აშშ-ს ძლიერი მხარდაჭერა თუ სრულიად მარტო დავრჩებით“, – დასძინა უკრაინის პრეზიდენტმა. შეგახსენებთ, რომ დონალდ ტრამპმა არაერთხელ განაცხადა, რომ თუ აშშ-ის პრეზიდენტი გახდება, ,,სწრაფად დაასრულებს ომს უკრაინაში”.

ამერიკის შეერთებული შტატების სახელმწიფო მდივნის თანაშემწის მოადგილე ევროპისა და ევრაზიის საკითხებში, დაგლას ჯონსი ამბობს, რომ მომავალ კვირას, ვაშინგტონში ნატოს სამიტის დროს უკრაინას შესთავაზებენ ,,კონკრეტულ გზებს” ჩრდილოატლანტიკური ალიანსის მომავალი წევრობის დასაჩქარებლად. მისი თქმით, მოსალოდნელია, რომ საბოლოო დეკლარაცია დაადასტურებს, რომ უკრაინა გახდება ნატოს წევრი, მაგრამ კონკრეტული ფორმულირება ჯერ კიდევ შეთანხმებულია. ასევე, ალიანსი განიხილავს იმას, თუ როგორ დაეხმაროს უკრაინას რუსული აგრესიისგან დაცვაში ახლა, როგორ შეაჩეროს რუსეთი მომავალში და როგორ მოემზადოს ნატოს წევრობისთვის. ვაშინგტონში სამიტზე მიწვეულნი არიან 35 პარტნიორი ქვეყნის საგარეო საქმეთა მინისტრები, რომლებიც არ არიან ნატოს წევრები. ეს ზედიზედ მესამე სამიტი იქნება, რომელშიც…

,,გერმანია არ დაუჭერს მხარს ცეცხლის შეწყვეტას, რომელიც უკრაინის კაპიტულაციას გამოიწვევს”, – ასე უპასუხა, გერმანიის კანცლერმა, ოლაფ შოლცმა ბუნდესტაგში, მემარცხენე პარტიის დეპუტატის, გესინ ლოცშის შეკითხვას, რომელიც ცეცხლის შეწყვეტას შეეხებოდა. ,,ჩემი აზრით, ჩვენ არასოდეს უნდა დავუჭიროთ მხარი ცეცხლის შეწყვეტას, რომელიც მიზნად ისახავს უკრაინის კაპიტულაციას,” – განაცხადა შოლცმა. შოლცმა ,,უცნაური სამშვიდობო შეთავაზება” უწოდა პუტინის განცხადებას, რომლის მიხედვითაც, მან ცეცხლის შეწყვეტისა და მოლაპარაკების დაწყების პირობად დონეცკის, ლუგანსკის, ზაპოროჟიესა და ხერსონის ოლქების მთელი ტერიტორიიდან უკრაინის ჯარები გაყვანა დაასახელა. მეორე პირობად კი უკრაინის NATO-ში გაწევრიანებაზე უარის თქმა. ,,ეს აჩვენებს, როგორ ცინიკურად ფიქრობენ ისინი და რომ რუსეთის…

,,შეერთებულ შტატებს საქართველოსთვის მხოლოდ მშვიდობა, კეთილდღეობა და დამოუკიდებლობა სურს”, – ამის შესახებ ამერიკის შეერთებული შტატების დამოუკიდებლობის დღისადმი მიძღვნილ მიღებაზე ელჩმა რობინ დანიგანმა განაცხადა. ,,ქართველ ხალხსაც დამოუკიდებლობისთვის და საერთო ოცნებისკენ სწრაფვის ხანგრძლივი ისტორია აქვს, – ოცნებისა, რომ ერთ დღეს მათი შვილები უფრო სრულყოფილ სამყაროში იცხოვრებენ. ას ექვსი წლის წინ ქართველი ხალხი გაერთიანდა ახალი დამოუკიდებელი ქვეყნის შესაქმნელად. იმ დანაპირებით, რომ საქართველოს ექნებოდა სუვერენული ძალაუფლება და უზრუნველყოფდა თავისი მოქალაქეების სამოქალაქო და პოლიტიკურ უფლებებს. მაგრამ საქართველოს გზა, ისევე როგორც ამერიკის გზა, ადვილი არ ყოფილა. ამერიკელების მსგავსად, ქართველებსაც მუდმივი ძალისხმევის გაღება უწევდათ დამოუკიდებლობის უზრუნველსაყოფად. ჩვენ…

,,მადლობა ბაიდენს, კონგრესს და მთელ ამერიკელ ხალხს დღევანდელი სამხედრო დახმარების პაკეტისთვის,” – დაწერა უკრაინის პრეზიდენტმა, ვოლოდიმირ ზელენსკიმ X-ზე და NATO-ს შეთანხმებას გამოეხმაურა, რომელიც უკრაინისთვის 40 მილიარდი ევროს ოდენობის სამხედრო დახმარებას ითვალისწინებს. ,,მადლობა ჯო ბაიდენს, ორპარტიულ კონგრესს და მთელ ამერიკელ ხალხს დღევანდელი სამხედრო დახმარების პაკეტისთვის. საჰაერო თავდაცვის დამატებითი საშუალებები, არტილერია, ტანკსაწინააღმდეგო იარაღი და სხვა კრიტიკული ელემენტები, ისევე როგორც პატრიოტის და NASAMS-ის რაკეტების დაფინანსება, ბრძოლის ველზე ჩვენს ჯარისკაცებს და შესაძლებლობებს გააძლიერებს. ვიმედოვნებთ, რომ აშშ-ის შემდგომი დახმარება გააძლიერებს უკრაინის თავდაცვის შესაძლებლობებს და საშუალებას მოგვცემს ეფექტურად გავუწიოთ წინააღმდეგობა რუსეთის აგრესიას და დავიცვათ ჩვენი ხალხი…

აშშ-ის წარმომადგენელთა პალატაში ათამდე დემოკრატმა, შესაძლოა, ხელი მოაწეროს წერილს, რომლითაც ბაიდენს საპრეზიდენტო არჩევნებში საკუთარი კანდიდატურის მოხსნას მოსთხოვენ. აღნიშნულთად დაკავშირებით,  ინფორმაციას „ბლუმბერგი“ ავრცელებს. როგორც გამოცემა წერს, ჯო ბაიდენი კარგავს მხარდაჭერას დემოკრატი დეპუტატების მხრიდან, რომლებიც შეშფოთებული არიან იმის გამო, რომ ბაიდენის კანდიდატურამ, შესაძლოა, ქვეყანა რესპუბლიკელების და ტრამპის გამარჯვებამდე მიიყვანოს.

რუსეთის საგარეო საქმეთა სამინისტროს განცხადებაში აღნიშნულია, რომ რუმინეთის ელჩი კრისტიან ისტრატე საგარეო უწყებაში დაიბარეს და შენიშვნა მისცეს, ხოლო რუმინეთის საელჩოს თანამშრომელს, რომლის ვინაობასაც არ ასახელებენ, რუსეთიდან გააძევებენ. რუსეთის საგარეო უწყების განმარტებით, ეს არის პასუხი რუმინეთის ხელისუფლების გადაწყვეტილებაზე, ბუქარესტში რუსეთის საელჩოს თანამშრომლის პერსონა ნონ გრატად გამოცხადების შესახებ. ინფორმაციისთვის, მაისის ბოლოს რუმინეთის საგარეო საქმეთა სამინისტრომ პერსონა ნონ გრატად გამოაცხადა ბუქარესტში რუსეთის საელჩოს ერთ-ერთი დიპლომატი. რუმინეთში მაშინ განაცხადეს, რომ საელჩოს თანამშრომელი ეჭვმიტანილია საქმიანობაში, რომელიც ეწინააღმდეგება ვენის კონვენციას დიპლომატიური ურთიერთობების შესახებ.