პანამაში, დარიენის ყურის გადაკვეთისას, წყალდიდობის გამო, 10 მიგრანტი დაიღუპა. მიგრანტები სოფელ კარეტოს მახლობლად, ადიდებულ მდინარე პანამაში დაიხრჩვნენ. ინფორმაციას CNN-ი ავრცელებს. ეროვნულ სასაზღვრო სამსახურს შემთხვევის შედეგად დაღუპული მიგრანტების ეროვნება არ დაუკონკრეტებია, სამსახური არც მათი დაღუპვის დროს აკონკრეტებს. CNN-ის ინფორმაციით, საქმეზე გამოძიება ამ დრომდე მიმდინარეობს, თუმცა ვარაუდობენ, რომ მიგრანტები ორგანიზებულ დანაშაულებრივ ჯგუფს საზღვარზე არასანქცირებული გზებით გადაჰყავდა, რა დროსაც ისინი დაიღუპნენ. დარიენის დერეფანი ტროპიკული ტყეების მთიანი რეგიონია, რომელიც კოლუმბიას პანამასთან აკავშირებს და მიგრანტებისთვის კრიტიკულად მნიშვნელოვან გზას წარმოადგენს აშშ-ისა და კანადაში მოსახვედრად.
მეტი...დღე: ივლისი 26, 2024
ევროკავშირის ინფორმაციით, ჯოზეფ ბორელმა ვანგ ის სთხოვა, გამოიყენოს ჩინეთის გავლენა რუსეთზე
საგარეო და უსაფრთხოების საკითხებში ევროკავშირის უმაღლესი კომისარი ჯოზეფ ბორელი ჩინეთის საგარეო საქმეთა მინისტრ ვანგ ის სამხრეთ-აღმოსავლეთ აზიის ქვეყნების ასოციაციის რეგიონულ ფორუმზე შეხვდა. ევროკავშირის ინფორმაციით, მათ ევროკავშირ-ჩინეთის ურთიერთობებზე ისაუბრეს და აღნიშნეს, რომ ევროკავშირმა და ჩინეთმა უნდა გააცნობიერონ ორივე მხარის წუხილი რიგ საკითხებთან დაკავშირებით. ევროკავშირის მიერ გავრცელებულ ინფორმაციაში ასევე აღნიშნულია, რომ ერთ-ერთი ასეთი საკითხი არის რუსეთ-უკრაინის ომში ჩინეთის რუსეთისადმი მხარდაჭერა, რაც გავლენას ახდენს ევროკავშირ-ჩინეთის ურთიერთობაზე. ბორელმა განმარტა, რომ უკრაინაში რუსეთის ომს ევროკავშირი ევროპისთვის საფრთხედაც აღიქვამს. ბორელმა სთხოვა ჩინეთს, გამოიყენოს გავლენა რუსეთზე და წვლილი შეიტანოს ომის დასრულებაში. მან ჩინეთს უკრაინის სამშვიდობო პროცესის მხარდაჭერა სთხოვა.…
მეტი...„ნაციონალური მოძრაობის“ თბილისის ორგანიზაციის თავმჯდომარედ სოფო ჯაფარიძე აირჩიეს
„ერთიანი ნაციონალური მოძრაობის“ თბილისის ორგანიზაციის თავმჯდომარედ სოფო ჯაფარიძე აირჩიეს. სოფო ჯაფარიძე პარტიის თბილისის ორგანიზაციის თავმჯდომარედ „ნაციონალური მოძრაობის“ ცენტრალურ ოფისში წარადგინეს. „ალბათ, ყველა კარგად ვაცნობიერებთ, რამდენად დიდი მნიშვნელობის ზუსტად სამი თვე ელოდება ჩვენს ქვეყანას. ყველა კარგად ვაცნობიერებთ, რომ ძალიან დიდი, რთული და მძიმე ბრძოლა გველოდება წინ. დარწმუნებული ვარ, რომ ამ ბრძოლას ჩვენ ერთად მივიყვანთ გარდაუვალ გამარჯვებამდე. ალბათ, ყველას გაგიჩნდებათ კითხვა, რა მაძლევს იმის თქმის საფუძველს, რომ ამ ბრძოლას აუცილებლად მოიგებს ქართველი ხალხი და ეს ბრძოლა დასრულდება საქართველოს გამარჯვებით; ამის საფუძველს მაძლევს თქვენი შემართება, თქვენი ენთუზიაზმი და ის საოცარი მუხტი, რაც დღეს…
მეტი...პარიზში ოლიმპური თამაშების გახსნის ცერემონია მიმდინარეობს
2024 წლის ოლიმპიური თამაშების გახსნის ცერემონია ფრანგმა ფეხბურთელმა, ზინედინ ზიდანმა გახსნა. გახსნის ცერემონია მდინარე სენას გასწვრივ ტარდება, ის აუსტერლიცის ხიდიდან იწყება და ეიფელის კოშკის მიმდებარე ტერიტორიაზე დასრულდება. 26 ივლისიდან 11 აგვისტოს ჩათვლით ზაფხულის 33-ე ოლიმპიურ თამაშებში საქართველოდან სპორტის 10 სახეობაში ( ბატუტზე ხტომა, ბერძნულ-რომაული სტილით ჭიდაობა, თავისუფალი სტილით ჭიდაობა, კრივი, მძლეოსნობა, ტყვიის სროლა, ფარიკაობა, ცურვა, ძალოსნობა, ძიუდო) 28 სპორტსმენი იასპარეზებს.
მეტი...გზების დეპარტამენტში აცხადებენ, რომ რიკოთის მონაკვეთზე გზა გაწმენდილია
რიკოთზე გზის სავალ ნაწილზე ჩამოსული წყლისა და ტალახის გამო ავტოტრანსპორტის მოძრაობა დროებით შეზღუდული იყო. როგორც საავტომობილო გზების დეპარტამენტში აცხადებენ, გზის მშენებარე მონაკვეთთან ჩამოსული წყალი და ტალახი უკვე გაწმენდილია მათივე განცხადებით, ამ დროისთვის მოძრაობა რიკოთზე შეუფერებლად მიმდინარეობს.
მეტი...ავტოსაგზაო შემთხვევა ქუთაისის შემოვლით გზაზე
ქუთაისის შემოვლით გზაზე, ავტომაგისტრალზე ავტოსაგზაო შემთხვევა მოხდა. არსებული ინფორმაციით, მსუბუქი ავტომობილი მოცურდა, რამაც პერიმეტრზე საავტომობილო მოძრაობა შეაფერხა და შედეგად მეორე მსუბუქი ავტომანქანა სატვირთოს შეეჯახა. შემთხვევის შედეგად დაშავდა ერთ ავტომობილში მყოფი მძღოლი და სამი მგზავრი.
მეტი...აშშ-ის სანგამონის ოლქის შერიფის მოადგილე მკვლელობის ბრალდებით დააკავეს
აშშ-ში, ილინოისის შტატში, პოლიციის თანამშრომლებმა, 36 წლის ფერადკანიანი ქალი საკუთარ სახლში მოკლეს. ინფორმაციას CNN-ი ავრცელებს. ქალმა მძარცველის შიშით პოლიცია გამოიძახა, ადგილზე მისულ პოლიციის თანამშრომლებსა და სახლის მეპატრონე ქალს შორის სიტყვიერი შელაპარაკება მოხდა, რის შემდეგაც ერთ-ერთ პოლიციის თანამშრომელს მოეჩვენა, რომ ქალი მდუღარე წყლის გადასხმას უპირებდა და 3-ჯერ ესროლა. საქმეზე დაკავებულია შერიფის 30 წლის თანაშემწე, რომელსაც ბრალად ედება პირველი ხარისხის მკვლელობა, ცეცხლსასროლი იარაღით თავდასხმისა და სამსახურებრივი უფლებამოვალეობის გადამეტება. პოლიციელი თავს უდანაშაულოდ მიიჩნევს, რის გამოც, სასამართლომ ის წინასწარ პატიმრობაში დატოვა.
მეტი...“ქართული ოცნება” რუსეთის ავტორიტარული სახელმძღვანელოდან ტაქტიკას იღებს” -ჰელსინკის კომისია
ჰესინკის კომისია ეხმაურება ინფორმაციას, რომლის თანახმად, კომუნიკაციების კომისიამ ტელეკომპანია „მთავარი არხი“ ეთერში პოლიტიკური შინაარსის რეკლამის კანონდარღვევით განთავსებისთვის გააფრთხილა. საქმე ეხება ეთერში გასულ ვიდეორგოლებს, სადაც კომისიის ინფორმაციით, ნეგატიურ კონტექსტში ნაჩვენები და დასახელებული იყვნენ პარლამენტის ის წევრები, რომლებმაც „უცხოური გავლენის გამჭვირვალობის შესახებ“ კანონს მხარი დაუჭირეს. “ქართული ოცნება” რუსეთის ავტორიტარული სახელმძღვანელოდან კიდევ ერთ ტაქტიკას იღებს, რათა მოახდინოს თავისი ოპოზიციის ცენზურა და ქართველ ხალხს ჩამოართვას დემოკრატიული მომავალი, რომლისთვისაც ისინი იბრძვიან”, – ნათქვამია განცხადებაში. ინფორმაციისთვის, კომუნიკაციების კომისიამ ტელეკომპანია „მთავარი არხი“ ეთერში პოლიტიკური შინაარსის რეკლამის კანონდარღვევით განთავსებისთვის წერილობით გააფრთხილა. კომისიის მიერ გავრცელებული ინფორმაციის თანახმად, განხორციელებული მედიამონიტორინგის…
მეტი...პროკურატურამ “მთავარი არხის” ჟურნალისტისა და ოპერატორის დევნის ფაქტზე ორ პირს ბრალდება წარუდგინა
საქართველოს პროკურატურამ, პროფესიულ მოღვაწეობასთან დაკავშირებით, ტელეკომპანია “მთავარი არხის” ჟურნალისტისა და ოპერატორის დევნის ფაქტზე, ორ პირს ბრალდება წარუდგინა. “სპეციალური საგამოძიებო სამსახურის მიერ ჩატარებული გამოძიებით დადგინდა, რომ 25 ივლისს, ტელეკომპანია “მთავარი არხის” ჟურნალისტი და ოპერატორი სიუჟეტის მოსამზადებლად ლანჩხუთის მუნიციპალიტეტის სოფელ სუფსაში იმყოფებოდნენ, რა დროსაც ტელეკომპანიის და ჟურნალისტების პროფესიული საქმიანობის მიმართ ნეგატიურად განწყობილი ორი პირი მივიდა მათთან და სხვადასხვა სახის შეურაცხმყოფელი შეძახილით ჟურნალისტისგან ტერიტორიის დატოვებას მოითხოვდნენ. ბრალდებულებმა ჟურნალისტს ფიზიკური შეურაცხყოფა მიაყენეს”, – აღნიშნულია საქართველოს პროკურატურის მიერ გავრცელებულ განცხადებაში. სპეციალური საგამოძიებო სამსახურის თანამშრომლებმა ორივე ბრალდებული დღეს დააკავეს. მათ ბრალდება საქართველოს სისხლის სამართლის კოდექსის 156-ე მუხლის…
მეტი...“რუსეთთან შეთანხმების ხელმოწერა ეშმაკთან გარიგების ტოლფასია” – პოდოლიაკი
უკრაინის პრეზიდენტის ოფისის მრჩევლის, მიხაილ პოდოლიაკის განცხადებით, უკრაინაში ომის დასასრულებლად რუსეთთან შეთანხმების ხელმოწერა ეშმაკთან გარიგების ტოლფასი იქნება. აღნიშნულთან დაკავშირებით, „ასოშიეთიდ პრესი“ წერს. პოდოლიაკის განცხადებით, შეთანხმება რუსეთის პრეზიდენტს, ვლადიმირ პუტინს მხოლოდ დროს მისცემს, გააძლიეროს არმია და დაიწყოს ახალი, ამ ომში პოტენციურად უფრო ძალადობრივი თავი. „თუ გსურთ, ეშმაკთან გარიგების დადება, რომელიც შემდეგ ჯოჯოხეთში ჩაგითრევთ, მაშინ გააკეთეთ ეს. ასეთია რუსეთი“, – განაცხადა პოდოლიაკმა რუსეთთან სამშვიდობო შეთანხმების პერსპექტივაზე კითხვის საპასუხოდ. მისი შეფასებით, რუსეთთან რამე შეთანხმებაზე ხელის მოწერა ნიშნავს ბილეთის გამოწერას ომის გაგრძელებაზე. „თუ დღეს რუსეთთან, რომელიც არ დამარცხდება ომში და არ იქნება სამართლებრივად პასუხისმგებელი მასობრივ დანაშაულებზე, რამეზე მოაწერთ ხელს, ეს ნიშნავს, რომ თქვენ…
მეტი...რუმინეთში რუსული დრონის ფრაგმენტები აღმოაჩინეს
რუმინეთში რუსული დრონის ფრაგმენტების აღმოჩენასთან დაკავშირებით ნატო აცხადებს, რომ ალიანსის ტერიტორიაზე რუსეთის მხრიდან მიზანმიმართული დარტყმის ნიშნებს ვერ ხედავს. ინფორმაციას სააგენტო „როიტერი“ ავრცელებს. „მიუხედავად იმისა, რომ ნატო-ს არ აქვს რამე ინფორმაცია, რომელიც მიანიშნებდა ალიანსის ტერიტორიის წინააღმდეგ რუსეთის მიზანმიმართულ დარტყმაზე, ეს ქმედებები არის უპასუხისმგებლო და პოტენციურად საშიში“, – ნათქვამია ნატო-ს პრესსპიკერის განცხადებაში. რუმინეთის თავდაცვის სამინისტროში განაცხადეს, რომ უკრაინის საზღვართან, დუნაის სანაპიროსთან მდებარე სოფელ პლაურუსთან რუსული დრონის ფრაგმენტები აღმოაჩინეს. რუმინული დასახლება პლაურუ უკრაინულ პორტ იზმაილთან მდებარეობს, რომელზეც რუსეთი დარტყმებს ზედიზედ ორი ღამის განმავლობაში ახორციელებდა. უკრაინის საჰაერო ძალების განცხადებით, 25 ივლისის ღამით უკრაინის ინფრასტრუქტურაზე დარტყმებისთვის…
მეტი...ციხელაშვილი ავსტრიაში საქართველოს ელჩის თანამდებობიდან გათავისუფლდა
ქეთევან ციხელაშვილი ავსტრიაში საქართველოს ელჩის თანამდებობიდან გათავისუფლდა. აღნიშნულთან დაკავშირებით, 2024 წლის 24 ივლისით დათარიღებულ მთავრობის განკარგულებაშია ნათქვამი. ამავე დოკუმენტის მიხედვით, საქართველოს პრემიერმა მოიწონა პრეზიდენტის განკარგულება ციხელაშვილის გათავისუფლების შესახებ. ინფორმაციისთვის, ქეთევან ციხელაშვილი ავსტრიაში საქართველოს საგანგებო და სრულუფლებიანი ელჩის თანამდებობაზე 2020 წელს დაინიშნა. 2016-დან 2020 წლამდე ის შერიგებისა და სამოქალაქო თანასწორობის საკითხებში მინისტრს პოსტს იკავებდა.
მეტი...1 აშშ დოლარის ოფიციალური ღირებულება 2.7087 ლარი გახდა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7087 ლარი გახდა. კურსი, რომელიც დღეს მოქმედებდა, 2.7160 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0073 ლარი შეადგინა. რაც შეეხება ევროს, მისი კურსი 2.9406 ლარია. მაშინ, როცა დღეს მოქმედი კურსი 2.9469 ლარს შეადგენდა. შესაბამისად, ევროს ცვლილებამ 0.0063 ლარი შეადგინა.
მეტი...სალომე ზურაბიშვილი ელისეის სასახლიდან ფოტოებს ავრცელებს
საქართველოს პრეზიდენტი სალომე ზურაბიშვილი საფრანგეთში იმყოფება. პრეზიდენტი საფრანგეთში ილიმპიადის გახსის ცერემონიალში მონაწილების მისაღებიდ გაემგზავრა. ფოტოებზე ჩანს ელისეის სასახლე, სადაც სალომე ზურაბიშლილი შვილთან ერთად იმყოფება და პრეზიდენტსა და მის მეუღლეს ხვდება. პრეზიდენტი ,,პარიზი – 2024″ ოლიმპიური თამაშებში მონაწილე ქვეყნების პატივსაცემად გამართულ გალა ვახშამსას ესწრება, რომელიც ლუვრში იმართება. საფრანგეთში იმყოფება პრემიერი ირაკლი კობახიძეც.
მეტი...ხანძარი კანადაში – ევაკუირებულია 25 000-მდე ტურისტი და ადგილობრივი
კანადაში, ძლიერმა ხანძარმა ისტორიული ქალაქის, ჯასპერის დიდი ნაწილი სრულად გაანადგურა. ინფორმაციას BBC ავრცელებს. ქალაქის ოფიციალური პირების განცხადებით, ცეცხლი კვლავ უკონტროლოა და მეხანძრე-მაშველები რაც შეიძლება მეტი შენობის გადარჩენას ცდილობენ. მედიის ინფორმაციით, დასავლეთ კანადაში, ჯასპერის ნაციონალური პარკის მთავარი ქალაქის ცენტრალური ქუჩები სრულიად გადამწვარია. სახლებისგან და ქუჩაში გაჩერებული მანქანებისგან მხოლოდ ფერფლი დარჩა. ხანძრის შედეგად გარდაცვალების ფაქტი არ დაფიქსირებულა. ადგილობრივმა ხელისუფლებამ, რეგიონიდან 20 000 ტურისტის და 5 000 ადგილობრივის ევაკუაცია მოახდინა. ჯასპერის ნაციონალური პარკი, ზაფხულის პერიოდში ერთ-ერთი ყველაზე პოპულარული ადგილია ტურისტებისთვის. ადგილობრივი ხელისუფლების განცხადებით, წინასწარი ინფორმაციით, ქალაქის შენობების 30-50 პროცენტი სრულად განადგურებულია. ზარალის მაჩვენებელი შესაძლოა გაიზარდოს.
მეტი...“იმედი მაქვს, ამერიკა გაანადგურებს ირანს, წაშლის დედამიწიდან” – ტრამპი
“ირანელები პრეზიდენტ ტრამპს თუ მოკლავენ, რაც ყოველთვის შესაძლებელია, იმედი მაქვს, რომ ამერიკა გაანადგურებს ირანს, წაშლის მას დედამიწის პირიდან”, – აღნიშნულთან დაკავშირებით, აშშ-ის პრეზიდენტობის კანდიდატმა, დონალდ ტრამპმა განაცხადა. „თუ ეს არ მოხდება, ამერიკელი ლიდერები ჩაითვლებიან „უგუნურ“ მშიშრებად!” – წერს დონალდ ტრამპი სოციალურ ქსელში. აშშ-ის პრეზიდენტობის კანდიდატმა სოციალურ ქსელში გააზიარა ისრაელის პრემიერ-მინისტრის, ბენიამინ ნეთანიაჰუს აშშ-ის კონგრესში გაკეთებული განცხადება, სადაც ის ამბობს, რომ ირანელები პრეზიდენტ ტრამპის მოკვლით დაემუქრნენ.
მეტი...“მსოფლიომ დაინახა, როგორ დაუკრეს ტაში გენოციდურ მკვლელს აშშ-ის კონგრესში” – ერდოღანი
„ამჟამინდელი გლობალური სისტემა, რომელიც შეიქმნა მეორე მსოფლიო ომში გამარჯვებულთა ეკონომიკური, პოლიტიკური, სამხედრო და დიპლომატიური ინტერესების დასაცავად, ახლა უკვე თავის კურსს იცვლის”, – აღნიშნულთან დაკავშირებით, თურქეთის პრეზიდენტმა, რეჯეფ თაიფ ერდოღანმა განაცხადა. თურქეთის პრეზიდენტის განცხადებით, ვინც დახოცა დაახლოებით 40 000 ბავშვი, ქალი და მოხუცი, წარმომადგენელთა პალატა ტაშით შეხვდა. „ამჟამინდელი გლობალური სისტემა, რომელიც შეიქმნა მეორე მსოფლიო ომში გამარჯვებულთა ეკონომიკური, პოლიტიკური, სამხედრო და დიპლომატიური ინტერესების დასაცავად, ახლა უკვე თავის კურსს იცვლის”-განაცხადა რეჯეფ თაიფ ერდოღანმა. მისი შეფასებით, სისტემამ დაკარგა პრობლემების გადაჭრის უნარი. “მხოლოდ ახლო წარსულში განვითარებული კრიზისების გადახედვა საკმარისია იმის საჩვენებლად, რომ სისტემა დიდი ხანია,…
მეტი...ეროვნული გამოცდები დასრულდა
2024 წლის გამოცდების ძირითადი სესიები დღეს, 26 ივლისს დასრულდა. ინფორმაციას შეფასებისა და გამოცდების ეროვნული ცენტრი ავრცელებს. განცხადებაში ნათქვამია, რომ პირველადი შედეგების მიხედვით, ერთიან ეროვნულ გამოცდებზე გამოცხადდა აბიტურიენტთა დაახლოებით 93%, ხოლო სტუდენტთა საგრანტო კონკურსზე აპლიკანტთა 71%. საერთო სამაგისტრო გამოცდაში მონაწილეობა მიიღო 79%-მა, მასწავლებელთა გამოცდაზე კი – 84%-მა. იყო გამოცდიდან მოხსნის ერთეული შემთხვევაც დამხმარე მასალის სარგებლობის მცდელობის გამო. „წლევანდელმა გამოცდებმა, ვფიქრობ, წარმატებით ჩაიარა, რაც ამ უმნიშვნელოვანესი პროცესის ორგანიზებაში ჩართული თითოეული თანამშრომლის დამსახურებაა. ნაშრომების გასწორება უკვე დაწყებულია. შედეგების გამოქვეყნება აგვისტოს დასაწყისიდან ქართული ენისა და ლიტერატურის გამოცდის პირველადი შედეგებით დაიწყება. რაც შეეხება სხვა საგნებს, შედეგები…
მეტი...„ბაიდენის ადმინისტრაციის სისუსტის გამო, უკრაინას მილიონობით ლტოლვილი ჰყავს“- პომპეო
აშშ-ის ყოფილმა სახელმწიფო მდივანმა, მაიკ პომპეომ განმარტა, თუ როგორი შეიძლება უკრაინასთან დაკავშირებული დონალდ ტრამპის „სამშვიდობო გეგმა“ იმ შემთხვევაში თუ რესპუბლიკელი საპრეზიდენტო კანდიდატი არჩევნებში გაიმარჯვებს. აღნიშნულთან დაკავშირებით, The Wall Street Journal-ი წერს. აშშ-ის ყოფილი სახელმწიფო მდივნის განცხადებით, არ არსებობს „არავითარი მტკიცებულება“, რომ რესპუბლიკელი, პრეზიდენტად არჩევის შემთხვევაში, უკრაინას კაპიტულაციისკენ უბიძგებს. „ბაიდენის ადმინისტრაციის სისუსტის გამო, უკრაინას დანგრეული ქალაქები, ასობით ათასი მოკლული, მილიონობით ლტოლვილი ჰყავს, ის გამარჯვებისთვის აუცილებელი საშუალებების გარეშეა დარჩენილი“, – განაცხადა პომპეომ. მისივე განცხადებით, უკრაინის „წარმატების გეგმა“ ტრამპის მომავალი ადმინისტრაციისგან შეიძლება შეიცავდეს შემდეგ პუნქტებს: აშშ-ის ენერგეტიკული პოტენციალის გახსნა, კავშირების აღდგენა და საუდის არაბეთთან,…
მეტი...“ეს ორი მოთამაშე სიმბოლოა” – ლორენცო და კვარაცხელია „ნაპოლში“ რჩებიან
„ნაპოლის“ პირველი ვარჯიში კასტელ დი სანგროში გაიმართა. სატრანსფერო ჭორების მიუხედავად ჯოვანი დი ლორენცო და ხვიჩა კვარაცხელია გუნდში რჩებიან. ამის შესახებ ინფორმაციას „არეა ნაპოლი“ ავრცელებს. „დღეს „ნაპოლიმ“კასტელ დი სანგროს ბაზაზე პირველი ვარჯიში გამართა. გუნდის მწვრთნელის, ანტონიო კონტეს განკარგულებაში ყველა ის მოთამაშე იმყოფებოდა, რომლებმაც ევროპის ჩემპიონატზე ითამაშეს. ყურადღების ცენტრში იყვნენ ჯოვანი დი ლორენცო და ხვიჩა კვარაცხელია, რომლებიც ბოლო კვირების განმავლობაში სატრანსფერო ჭორების ცენტრში იყვნენ. თუმცა კლუბი ყოველთვის კატეგორიულად წინააღმდეგი იყო მათი შესაძლო გასხვისების. კლუბის პრეზიდენტი აურელიო დე ლაურენტისი ამას არც განიხილავდა. ის ანტონიო კონტეს უკვე დაჰპირდა, რომ ორივე ფეხბურთელი ახალი პროექტის მონაწილე იქნება. დი ლორენცოც და კვარაცხელიაც გუნდს ცუდი…
მეტი...ბულგარეთში პიროტექნიკის ქარხანა აფეთქდა-არის მსხვერპლი
ბულგარეთში, პიროტექნიკის ქარხანაში აფეთქებას ერთი ადამიანი ემსხვერპლა, ერთმა ადამიანმა კი სერიოზული დაზიანებები მიიღო. ინფორმაციას სააგენტო „როიტერი“ ადგილობრივ ხელისუფლებასა და მედიკოსებზე დაყრდნობით ავრცელებს. შემთხვევა დედაქალაქ სოფიის მახლობლად გუშინ საღამოს მოხდა. აფეთქებები პიროტექნიკის ქარხანაში ხანძარმა გამოიწვია.
მეტი...რუსეთში ნავთობის და გაზის საბადოს აფეთქებას მსხვერპლი მოჰყვა
რუსეთში, იამალ-ნენთა ავტონომიურ ოლქში, ნავთობისა და გაზის ერთ-ერთ საბადოზე აფეთქება მოხდა. შემთხვევის შედეგად დაღუპულია ერთი და დაშავებულია შვიდი ადამიანი. ინფორმაციას ამის შესახებ რუსული მედია ავრცელებს. კომპანიაში აცხადებენ, რომ დაღუპული და დაშავებულები კონტრაქტორი ორგანიზაციის თანამშრომლები არიან, დაშავდა ასევე საწარმოს ორი თანამშრომელი. საგამოძიებო კომიტეტი საქმეს იძიებს სამრეწველო უსაფრთხოების ნორმების დარღვევის მუხლით.
მეტი...ბარაკ ობამამ კამალა ჰარისს დაუჭირა მხარი
“ბიბისის“ ინფორმაციით, აშშ-ის 44-ე პრეზიდენტმა, ბარაკ ობამამ დემოკრატიული პარტიის საპრეზიდენტო კანდიდატად ვიცე-პრეზიდენტ კამალა ჰარისს დაუჭირა მხარი. ბარაკ და მიშელ ობამებმა ერთობლივ განცხადებაში აღნიშნეს, რომ ჰარისს აქვს „ხედვა, ხასიათი და ძალა, რასაც ამჟამინდელი კრიტიკული მომენტი მოითხოვს“. „კვირის დასაწყისში მე და მიშელმა დავურეკეთ ჩვენს მეგობარს, კამალა ჰარისს. ვუთხარით, რომ ვფიქრობთ, ის გახდება შეერთებული შტატების ფანტასტიკური პრეზიდენტი, რომ აქვს ჩვენი სრული მხარდაჭერა. ჩვენი ქვეყნისთვის კრიტიკულ მომენტში ყველაფერს გავაკეთებთ, რათა ნოემბერში მან გაიმარჯვოს. ვიმედოვნებთ, რომ შემოგვიერთდებით“- დაწერა ბარაკ ობამა სოციალურ ქსელში.
მეტი...„საფრანგეთის რკინიგზაზე განხორციელებული საბოტაჟის უკან ირანი დგას“- ისრაელ კაცი
„საფრანგეთის რკინიგზაზე განხორციელებული საბოტაჟის უკან ირანი დგას“ – ამის შესახებ ისრაელის საგარეო საქმეთა მინისტრი ისრაელ კაცი სოციალურ ქსელში წერს. როგორც ისრაელ კაცი აცხადებს, მოსალოდნელი საფრთხეების შესახებ საფრანგეთი უკვე გააფრთხილეს. „ისრაელის მიერ მოპოვებულ ინფორმაციაზე დაყრდნობით, ამ კვირაში მე უკვე გავაფრთხილე ჩემი კოლეგა სტეფან სეჟურნე, რომ ირანელები გეგმავენ ტერორისტულ თავდასხმებს ისრაელის დელეგაციისა და ღონისძიებაში მონაწილეებზე. მათი შეთქმულების ჩაშლის მიზნით, აუცილებელია გაძლიერებული ზომების მიღება. თავისუფალმა სამყარომ უნდა შეაჩეროს ირანი ახლა, ვიდრე გვიანი არ არის“ – წერს ისრაელის საგარეო საქმეთა მინისტრი სოციალურ ქსელში.
მეტი...“რუსული გაყინული აქტივების უკრაინისთვის გადაცემა უპასუხოდ არ დარჩება”- პესკოვი
“რუსეთი უპასუხოდ არ დატოვებს ევროკავშირის მიერ რუსული გაყინული აქტივების უკრაინისთვის გადაცემას. ამის შესახებ კრემლის პერესმდივანმა, დიმიტრი პესკოვმა განაცხადა. მისივე შეფასებით, ევროკავშირის ეს ნაბიჯი „უკანონოა“. „ევროკავშირის ასეთი ნაბიჯები უპასუხოდ არ დარჩება. ეს არ არის საბაბი სწრაფი რეაქციისთვის, რა თქმა უნდა, ეს არის საბაბი საპასუხო გააზრებული ქმედებებისთვის. საპასუხო ქმედებები აუცილებლად იქნება, მაგრამ სრულად უნდა იყოს გააზრებული და შეესაბამებოდეს ჩვენს ინტერესებს“ – განაცხადა პესკოვმა. შეგახსენებთ, დღეს ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირი უკრაინას გაყინული რუსული აქტივებიდან მიღებულ 1,5 მილიარდ ევროს გადასცემს.
მეტი...რუსეთში სერგეი შოიგუს მოადგილე დააკავეს
რუსეთის თავდაცვის ყოფილი მინისტრის, სერგეი შოიგუს ყოფილი მოადგილე დიმიტრი ბულგაკოვი კორუფციის ბრალდებით დააკავეს. საგამოძიებო კომიტეტის ოფიციალურმა წარმომადგენელმა, სვეტლანა პეტრენკომ განაცხადა, რომ ბრალდებული წინასწარი დაკავების იზოლატორშია გადაყვანილი. მისი თქმით, მიმდინარეობს საგამოძიებო სამუშაოები, რომ დადგინდეს მიზეზები და პირობები, რომლებმაც „ხელი შეუწყო ბულგაკოვის უკანონო საქმიანობას“. შოიგუს მოადგილედ ბულგაკოვი 2010 წელს დაინიშნა.
მეტი...ნორიო-ლილოს დამაკავშირებელი გზაზე ხიდი ჩავარდა
ნორიო-ლილოს დამაკავშირებელ ადგილობრივი მნიშვნელობის გზაზე ხიდი ჩავარდა. შეფერხებულია საავტომობილო მოძრაობა. „ნორიო-ლილოს დამაკავშირებელი ადგილობრივი მნიშვნელობის გზაზე ხიდის დაზიანების გამო საავტომობილო გადაადგილება დროებით შეზღუდულია. საავტომობილო საშუალებებისთვის აღნიშნული მიმართულებით გადაადგილება შესაძლებელი იქნება თბილისის შემოვლითი გზის მეშვეობით. გარდაბნის მუნიციპალიტეტის მერია ბოდიშს გიხდით შეფერხებისთვის”- ნათქვამია გარდაბნის მუნიციპალიტეტის მიერ გავრცელებულ ინფორმაციაში.
მეტი...ბრინჯის ტომრებში დამალული ოთხი ტონა კოკაინი აღმოაჩინეს
ესპანეთის პოლიციაში აცხადებენ, რომ ბრინჯის ტომრებში დამალული ოთხი ტონა კოკაინი აღმოაჩინეს. ნარკოტიკი ევროპაში პარაგვაიდან იგზავნებოდა. სამართალდამცველების ინფორმაციით, კონტრაბანდით დატვირთული კონტეინერები ბარსელონის პორტში მიმდინარე წლის დასაწყისში ჩავიდა, თუმცა კოკაინის პარტია ივლისში, კონტეინერების ტრანსპორტირების დროს ტოლედოში აღმოაჩინეს. ესპანეთის პოლიციის პრესსამსახურის განცხადებით, გამოძიების ფარგლებში ესპანეთში რვა პირია დაკავებულია, ორი კი – პარაგვაიში.
მეტი...სასამართლომ პატიმრობაში დატოვა „გამჭვირვალობის შესახებ კანონის“ კიდევ ერთი მოწინააღმდეგე
„უცხოური გავლენის გამჭვირვალობის შესახებ კანონის“ მოწინააღმდეგე19 წლის ფრიდონ ბუბუტეიშვილი სასამართლომ პატიმრობაში დატოვა. ადვოკატმა მოსამართლეს 3000 ლარიანი გირაოს შუამდგომლობით მიმართა, თუმცა მოსამართლემ აღნიშნული შუამდგომლობა არ დააკამყოფილა. სახელმწიფო ბრალდება ამბობს, რომ აქციაზე ბიჭმა ქვა ესროლა საგანგებო სიტუაციების მართვის სამსახურის თანამშრომელს, რის შედეგადაც მან დაზიანება მიიღო. “ბრალდების მხარის პოზიცია არის, რომ აღნიშნულ ადამიანს რომ ხელი დაულურჯდა, თურმე 7 წლამდე პატიმრობა ეკუთვნის აღნიშნულ ადამიანს, არა არსებობს ამ საქმეში მტკიცებულებები” – აღნიშნა ადვოკატმა ლაშა ტყეშელაძემ.
მეტი...ბათუმში კაცი დაჭრეს
ბათუმში კაცი დაჭრეს. გავრცელებული ინფორმაციით, მომხდარს წინ დაპირისპირება უძღოდა. ადგილობრივები ამბობენ, რომ ორივე მამაკაცი ალკოჰოლური თრობის ქვეშ იმყოფებოდა, ჩხუბის დროს კი ერთ-ერთმა სახლიდან საფანტის თოფი გამოიტანა და მეზობელს ესროლა. დაჭრილი კლინიკაში გადაიყვანეს. მისი მდგომარეობა სტაბილურია და სავარაუდოდ, საავადმყოფოდან დღეს გაწერენ. მომხდარზე გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.
მეტი...“მივმართავ ახალგაზრდებს, უნდა გადაყლაპოთ, რომ ამ ნაბიჭვრებმა გამოგიყენეს?!“- ირაკლი ზარქუა
“მივმართავ ახალგაზრდებს, ვინც რუსი ტურისტების ავტობუსს კვერცხებს ესროდით და გულახდილად გჯეროდათ იმის, რაც რადიკალებმა გითხრეს – ქართული ხომ იცით? მეხსიერება ხომ გაქვთ? მათ ახლა პოზიცია შეცვალეს და ეს უნდა გაატაროთ?! უნდა გადაყლაპოთ, რომ ამ ნაბიჭვრებმა გამოგიყენეს?! მათი პირადი ინტერესებისთვის როგორ აგაბურთავეს და ახლა რა – ჩუმად ხართ?! ბიჭებო, ეს სწორი არ არის! – ხვალ, ზეგ ამათი როგორ უნდა დაიჯეროთ?! – ეს მიმართვა პარლამენტში “ქართული ოცნების” დეპუტატმა ირაკლი ზარქუამ გააკეთა. ზარქუას მტკიცებით, ოპოზიციამ რუსეთის მიმართ სანქციების დაწესებაზე საკუთარი რიტორიკა შეცვალა, “რადგან მათ ამის გამო ხალხისგან სახეში ალიყური მოხვდათ”. “ამ რადიკალებს სირცხვილის ნატამალიც არ…
მეტი...ევროკავშირმა უკრაინას გაყინული რუსული აქტივებიდან მიღებული 1,5 მილიარდი ევრო გადასცა
ვროკავშირმა უკრაინას გაყინული რუსული აქტივებიდან მიღებული შემოსავლის პირველი ტრანში 1.5 მილიარდი ევრო გადასცა. ინფორმაციას ევროკომისიის პრეზიდენტი, ურსულა ფონ დერ ლაიენი ავრცელებს. „კრემლის ფულისთვის უკეთესი სიმბოლო და უკეთესი გამოყენება არ არსებობს, ვიდრე უკრაინა და მთელი ევროპა საცხოვრებლად უფრო უსაფრთხო ადგილად აქციოს“ – განაცხადა ურსულა ფონ დერ ლაიენმა. ევროკომისიის პრეზიდენტის განცხადებით, ევროკავშირი უკრაინის გვერდით დგას და თანხა უკრაინის თავდაცვისთვის და აღდგენისთვის არის განკუთვნილი.
მეტი...ევაკუაციის შემდეგ საფრენგეთში, ბაზელ-მიულუზის აეროპორტში მუშაობა განახლდა
ევაკუაციის შემდეგ, საფრანგეთში, ბაზელ-მიულუზის აეროპორტმა მუშაობა განაახლა. აღნიშნულთან დაკავშირებით, განცხადებას აეროპორტი ავრცელებს. საფრანგეთისა და შვეიცარიის საზღვარზე მდებარე ბაზელ-მიულუზის აეროპორტში ევაკუაცია ცოტა ხნის წინ გამოცხადდა, თუმცა აეროპორტის განცხადებით, ფრენები უკვე განახლდა. როგორც აეროპორტის მიერ გავრცელებულ განცხადებაშია ნათქვამი, მგზავრების ევაკუაცია უსაფრთხოების მიზნით გახდა საჭირო.
მეტი...“კეზერაშვილს აქვს მიღებული გარანტიები, უნდა დახარჯოს ფული კოლექტიური „ნაცმოძრაობის“ სასარგებლოდ”- პრემიერი
„კეზერაშვილს აქვს მიღებული გარანტიები, იმის სანაცვლოდ, რომ უნდა დახარჯოს ფული კოლექტიური „ნაცმოძრაობის“ სასარგებლოდ საქართველოში, რაც არის შემაშფოთებელი მოვლენა“- ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს ლევილში განუცხადა. მთავრობის მეთაური ამბობს, რომ “გლობალური ომის” პარტია აძლევს თავისუფალი მიმოსვლის საშუალებას ევროპაში კეზერაშვილს, ამის სანაცვლოდ მას ევალება საქართველოში რადიკალური ოპოზიციის დაფინანსება. „კეზერაშვილის მეშვეობით დიდი ხანია ფინანსდება პოლიტიკური პროცესების ოპოზიციური ნაწილი საქართველოში, მათ შორის, საარჩევნო პროცესები. ეს არ არის ახალი მოვლენა. მას აქვს მიღებული გარანტიები, იმის სანაცვლოდ, რომ უნდა დახარჯოს ფული კოლექტიური „ნაცმოძრაობის“ სასარგებლოდ საქართველოში, რაც არის ასევე საკმაოდ შემაშფოთებელი მოვლენა, თუმცა მასაც არ…
მეტი...“გვაქვს მოლოდინი, ოლიმპიადაზე ქართული დროშა ძალიან ბევრჯერ იქნება პედესტალზე”- წულუკიანი
„პარიზის ოლიმპიადაზე გვაქვს მოლოდინი ძალიან ბევრი ოქროს და ყველა სინჯის მედლის, ასევე მოლოდინი გვაქვს, რომ ქართული დროშა ძალიან ბევრჯერ იქნება პედესტალზე და ქართული ჰიმნი რაც შეიძლება ხშირად შესრულდება“ – ამის შესახებ საქართველოს კულტურის მინისტრმა, თეა წულუკიანმა ჟურნალისტებს განუცხადა. როგორც თეა წულუკიანმა აღნიშნა, საქართველოს ყველაზე დიდი შედეგი ჰქონდა ტოკიოს ოლიმპიადაზე, თუმცა ახლა არის მოლოდინი, რომ ოლიმპიელები პარიზის ოლიმპიადაზე უკეთეს შედეგებს დადებენ. „დღემდე ჩვენ ყველაზე დიდი შედეგები ისტორიულად გვქონდა ოლიმპიადაზე ტოკიოში, მაგრამ ჩვენი მოლოდინი არის, რომ პარიზის ოლიმპიადაზე ჩვენი ოლიმპიელები კიდევ უკეთეს შედეგებს დადებენ, ვიდრე ეს იყო ტოკიოში. მოლოდინი გვაქვს ძალიან ბევრი…
მეტი...“საფუძველი გვაქვს,რაც შეიძლება მეტი მედალი მოვიგოთ და მეტი ჩემპიონი გვყავდეს ამ ოლიმპიადაზე”- კობახიძე
“ყველანაირი სასტარტო საფუძველი გვაქვს იმისთვის, რომ რაც შეიძლება მეტი მედალი მოვიგოთ და მეტი ჩემპიონი გვყავდეს ამ ოლიმპიადაზე” – ამის შესახებ, საქართველოს პრემიერ-მინისტრმა ირაკლი კობახიძემ ჟურნალისტებს ლევილში განუცხადა. მთავრობის მეთაურმა ქართველ სპორტსმენებს ოლიმპიადაზე წარმატებები უსურვა. „დღეს გაიხსნება ოლიმპიადა, 26 რიცხვში. 26 კარგად გვაქვს დაცდილი, აქედან გამომდინარე, დიდი იმედი გვაქვს, რომ ეს ოლიმპიადა იქნება სარეკორდო ჩვენთვის, მოპოვებული მედლების თვალსაზრისით. გვყავს არაჩვეულებრივი გუნდი, რომ გადახედოთ შემადგენლობას, საუკეთესო შემადგენლობაა ჩვენიო სპორტსმენების, რომლებიც ჩამოვიდნენ პარიზში ოლიმპიადაზე. აქედან გამომდინარე, ყველანაირი სასტარტო საფუძველი გვაქვს იმისთვის, რომ რაც შეიძლება მეტი მედალი მოვიგოთ, რაც შეიძლება მეტი ჩემპიონი გვყავდეს ამ ოლიმპიადაზე. ყველა ჩვენს სპორტსმენს ვუსურვებ გამარჯვებას“- განაცხადა პრემიერმა.
მეტი...