დღე: ივლისი 23, 2024

“კავკაზის” პორტში, რუსულ საბორნე გემზე თავდასხმა უკრაინის თავდაცვის ძალების სპეცოპერაცია იყო.  ინფორმაციას უწყება თავადვე ადასტურებს. შეიარაღებული ძალების გენერალურ შტაბის შეტყობინებაში ნათქვამია, რომ უკრაინის საზღვაო ძალებმა, თავდაცვის ძალების სხვა დანაყოფებთან ერთად, მნიშვნელოვანი ზიანი მიაყენა მტრის ბორანს „სლავიანინს“ პორტ „კავკაზში“. „ოკუპანტებმა ეს ბორანი გამოიყენეს სამხედრო მიზნებისთვის სარკინიგზო ვაგონების, ძრავიანი მანქანებისა და კონტეინერების გადასაზიდად. „სლავიანინი“ არის მესამე და ბოლო სარკინიგზო ბორანი, რომელიც რუსეთის ფედერაციას ჰყავდა მითითებულ რეგიონში. ჩვენ ვაგრძელებთ მტრის, მისი აღჭურვილობისა და სამხედრო ინფრასტრუქტურის განადგურებას“, – აცხადებენ გენშტაბში. ინფორმაციისთვის, რუსეთის კრასნოდარის ოლქის გუბერნატორმა, ვენიამინ კონდრატიევმა დღეს დილით გაავრცელა ინფორმაცია, რომ “კავკაზის” პორტში…

ოფიციალური ტოკიოს მიერ დაწესებული სანქციების პასუხად, რუსეთმა იაპონიის 13 მოქალაქეს ქვეყანაში შესვლა აუკრძალა. რუსეთის საგარეო საქმეთა სამინისტროს განცხადებით, სანქციები დაუწესდა იაპონიის საერთაშორისო თანამშრომლობის სააგენტოს პრეზიდენტს ტანაკა აკიჰიკოს, Toyota Motor Toyoda Akio-ს საბჭოს თავმჯდომარეს, Rakuten-ის კორპორაციის დამფუძნებელ მიკიტანი ჰიროშისა და სხვებს. უწყებაში განმარტავენ, რომ გადაწყვეტილების მიღების საფუძველი „სპეციალურ სამხედრო ოპერაციასთან დაკავშირებით, რუსეთის წინააღმდეგ იაპონიის დაწესებული სანქციებია”.  სანქცირებულ მოქალაქეებს რუსეთში შესვლა სამუდამოდ აეკრძალათ. ინფორმაციისთვის, რუსეთმა დღეს დიდი ბრიტანეთის მოქალაქეებიც დაასანქცირა.

“უნგრეთი დაბლოკავს ანაზღაურების გადახდას ევროკავშირის წევრი სახელმწიფოებისთვის, რომლებმაც კიევს იარაღი მიაწოდეს, ვიდრე უკრაინა თავის ტერიტორიაზე რუსული კომპანია „ლუკოილის“ ნავთობის ტრანზიტს არ დაუშვებს”, – აღნიშნულთან დაკავშირებით, უნგრეთის საგარეო საქმეთა მინისტრმა, პეტერ სიიარტომ განაცხადა. მიმდინარე თვის დასაწყისში უნგრეთმა და სლოვაკეთმა განაცხადეს, რომ ისინი ვეღარ იღებენ „ლუკოილისგან“ ნავთობს მილსადენ „დრუჟბის“ საშუალებით, მას შემდეგ, რაც უკრაინამ „ლუკოილს“ გასულ თვეში სანქციები დაუწესა. „ეს საკითხი ვიდრე არ მოგვარდება უკრაინის მიერ, ყველამ უნდა დაივიწყოს იარაღის გადაცემისთვის „ევროპის მშვიდობის ფონდიდან“ 6,5 მილიარდი ევროს ანაზღაურების მიღება“, – განაცხადა სიიარტომ. კიევში აცხადებენ, რომ აკრძალეს მათ ტერიტორიაზე „ლუკოილის“ ნავთობის ტრანზიტი, თუმცა…

ჯო ბაიდენის საარჩევნო კამპანიიდან გასვლის შემდეგ ჩატარებული პირველი გამოკითხვების თანახმად, კამალა ჰარისი დონალდ ტრამპთან მარცხდება. აღნიშნულთან დაკავშირებით ინფორმაციას „ნიუსვიქი“ ავრცელებს. გამოცემის თანახმად, ბაიდენის განცხადების შემდეგ „ონ ფოინთ ფოლითიქსისა“ და „სოქალ რისერჩის“ მიერ ჩატარებულ სოციოლოგიურ გამოკითხვებში ჩანს, რომ ამომრჩევლების 51 პროცენტი დონალდ ტრამპს უჭერს მხარს, კანდიდატად დასახელების შემთხვევაში კი კამალა ჰარისს 43 პროცენტი დაუჭერდა მხარს, არჩევნები დღეს რომ იმართებოდეს. გამოკითხულთა ექვს პროცენტს გადაწყვეტილება არ აქვს მიღებული.

კენიის დედაქალაქ ნაირობიში მთავრობის მხარდამჭერ და მოწინააღმდეგე დემონსტრანტებს შორის შეტაკება მოხდა. პოლიციამ მომიტინგეების წინააღმდეგ ცრემლსადენი გაზი გამოიყენა. ქალაქში დაიხურა კომერციული დაწესებულებები, სახელმწიფო ინსტიტუტებთან, მათ შორის პარლამენტთან, გაძლიერებულია უსაფრთხოების ზომები. ანტისამთავრობო აქციის მონაწილეები ნაირობის აეროპორტისკენ მსვლელობას გეგმავენ. კენიის პოლიცია მათ მოუწოდებს, თავი შეიკავონ აკრძალულ ზონებში მისვლისგან, მათ შორის აეროპორტებში.დემონსტრანტები პრეზიდენტ ვილიამ რუტოს გადადგომას და რეფორმების ჩატარებას ითხოვენ, მათ შორის კორუფციის წინააღმდეგ. კენიაში დემონსტრაციები გადასახადების გაზრდის კანონპროექტის წინააღმდეგ ივნისში დაიწყო. მიუხედავად იმისა, რომ ივნისის ბოლოს პრეზიდენტმა უილიამ რუტომ კანონპროექტი უკან გაიწვია, საპროტესტო გამოსვლები მისი გადადგომის მოთხოვნით გაგრძელდა.

უკრაინის საგარეო საქმეთა მინისტრი დმიტრო კულება ჩინეთში ჩავიდა, სადაც მას საგარეო საქმეთა მინისტრთან, ვან ისთან მოლაპარაკებები აქვს დაგეგმილი. აღნიშნულთან დაკავშირებით ინფორმაციას კულება სოციალურ ქსელებში  ავრცელებს. „წინ ჩინელ კოლეგასთან, ვან ისთან ფართო, დეტალური, საგნობრივი მოლაპარაკებებია სამართლიანი მშვიდობისკენ გზების შესახებ. ჩვენ თავიდან უნდა ავიცილოთ სამშვიდობო გეგმების კონკურენცია. ძალიან მნიშვნელოვანია, რომ კიევი და პეკინი აწარმოებენ პირდაპირ დიალოგს და პოზიციების გაცვლას“, – აღნიშნავს კულება. კულებას განცხადებით, ეს უკრაინის საგარეო საქმეთა მინისტრის პირველი ორმხრივი ვიზიტია არა მხოლოდ უკრაინაში რუსეთის ფართომასშტაბური ომის დაწყებიდან, არამედ 2012 წლის შემდეგ. უკრაინელი დიპლომატის განცხადებით, ჩინელ კოლეგასთან ორმხრივ ურთიერთობებსაც განიხილავს. „დარწმუნებული…

„დასავლეთ სანაპიროზე ისრაელის თავდაცვის ძალების მიერ ჩატარებული რეიდის დროს 7 პალესტინელი დაიღუპა“- ინფორმაციას სააგენტო Reuters-ი ავრცელებს. ისრაელის თავდაცვის ძალებმა რეიდი ქალაქ ტულქარმში განახორციელეს, სადაც ისრაელელი ჯარისკაცები და პალესტინელი მებრძოლები ერთმანეთს ქუჩებში დაუპირისპირდნენ. პალესტინის ჯანდაცვის სამინისტროს ცნობით, დაპირისპირებას „ჰამასისა“ და „ფატაჰის“ მებრძოლები ემსხვერპლა. ასევე, სროლის შედეგად ერთი ქალი დაიღუპა.

კიევი კიშინეუსთან უკრაინის იმ მოქალაქეების დაბრუნების საკითხს განიხილავს, რომლებმაც სამხედრო სამსახურის თავის არიდების მიზნით უკრაინა უკანონოდ დატოვეს და მოლდოვაში რჩებიან. აღნიშნულთან დაკავშირებით, მოლდოვაში უკრაინის ელჩმა, მარკო შევჩენკომ განაცხადა. შევჩენკოს განცხადებით, კიევი კიშინეუსთან გარკვეულ დიალოგს აწარმოებს მოლდოვიდან გაწვევის ასაკის უკრაინელების დასაბრუნებლად. როგორც ელჩმა აღნიშნა, უკრიანიდან გაქცეულ პირთა გარკვეულ რაოდენობას მოლდოვაში თავშესაფარი აქვს მიღებული, ნაწილის ადგილსამყოფელი კი გაურკვეველია, ისინი ან მოლოდვის ტერიტორიაზე რჩებიან, ან სხვა ქვეყნებში არიან გადასული. მისი განცხადებით, ასეთი პირების ზუსტი რაოდენობა უცნობია.

აშშ-ის საიდუმლო სამსახურის დირექტორმა, კიმბერლი ჩიტლმა თანამდებობა დატოვა. კიმბერლი ჩიტლმა გადადგომის შესახებ განცხადება უკვე დაწერა. კიმბერლი ჩიტლი პოსტს 13 ივლისს ექსპრეზიდენტსა და ამჟამად პრეზიდენტობის კანდიდატ დონალდ ტრამპზე განხორციელებული თავდასხმის გამო ტოვებს. კიმბერლი ჩიტლი 22 ივლისს კონგრესის ზედამხედველობის კომიტეტში მოსმენაზე იყო დაბარებული. შესავალ სიტყვაში კიმბერლი ჩიტლმა აღნიშნა, რომ საიდუმლო სამსახურმა 13 ივლისს მარცხი განიცადა და სრულ პასუხისმგებლობას საკუთარ თავზე იღებდა, თუმცა თანამდებობიდან წასვლაზე უარს ამბობდა. კონგრესმენთა მხრიდან იყო მოწოდებები, კიმბერლი ჩიტლს თანამდებობა დაეტოვებინა. ინფორმაციისთვის, 13 ივლისს ქალაქ ბატლერში მხარდამჭერებთან შეხვედრისას აშშ-ის ყოფილ პრეზიდენტს, დონალდ ტრამპს ესროლეს. შედეგად ტრამპი დაიჭრა, თუმცა მის…

რუსეთის საგარეო საქმეთა სამინისტროს განცხადებით, „შავ სიაში“ მოხვდნენ უსაფრთხოების სფეროში მომუშავე ბრიტანული კერძო კომპანიების წარმომადგენლები, რომლებიც ჩართული არიან უკრაინელი სამხედროების მომზადებაში, სამხედრო სამრეწველო კომპლექსის საწარმოების ხელმძღვანელები, რომლებიც კიევს ეხმარებიან, ასევე ანტირუსული პოზიციის მქონე ექსპერტები და პუბლიცისტები. უწყების ცნობით, სასანქციო სიის გაფართოება ლონდონის აგრესიულ ქმედებებზე რეაგირების ფარგლებში მოხდა. რუსეთის სანქციების სიაში მოხვდა რამდენიმე თავდაცვითი კომპანიის ხელმძღვანელი, ასევე სტრატეგიული კვლევების საერთაშორისო ინსტიტუტის თანამშრომელი ნაიჯელ გულდ-დევისი და გამოცემა „დეილი ტელეგრაფის“ მიმომხილველი.

სამხრეთ სამეზობლოში ნატო-ს გენერალური მდივნის სპეციალური წარმომადგენელი ხავიერ კოლომინა იქნება. აღნიშნულთან დაკავშირებით ნატო-ს გენერალურმა მდივანმა, იენს სტოლტენბერგმა განაცხადა. ხავიერ კოლომინა გენერალური მდივნის თანაშემწის მოადგილეა პოლიტიკურ და უსაფრთხოების პოლიტიკის საკითხებში და მსახურობდა სამხრეთ კავკასიასა და ცენტრალურ აზიაში ნატო-ს გენერალური მდივნის სპეციალურ წარმომადგენლად. “ახლო აღმოსავლეთი, ჩრდილოეთ აფრიკა და საჰელის რეგიონები მნიშვნელოვანია ჩვენი ალიანსისთვის. ხავიერ კოლომინას ნატო-ს პარტნიორებთან ურთიერთობის დიდი გამოცდილება აქვს. მისი დანიშვნა კიდევ უფრო გააძლიერებს ნატოს მნიშვნელოვან მუშაობას სამხრეთში”, – განაცხადა ნატო-ს გენერალურმა მდივანმა, იენს სტოლტენბერგმა. განცხადების მიხედვით, კოლომინა იქნება პასუხისმგებელი სამხრეთში ნატოს ძალისხმევის კოორდინაციასა და ხილვადობის გაზრდაზე და გააძლიერებს პარტნიორებთან ჩართულობას.

კრისტენ მიხალი, ესტონეთის ახალი პრემიერ-მინისტრი აცხადებს, რომ ყოველთვის უკრაინის მხარდამჭერი იქნება და მას ომში გამარჯვებამდე დაეხმარება. „მხარს დავუჭერთ უკრაინას ომში მის  გამარჯვებამდე. ჩვენ ამას გრძელვადიანად გავაკეთებთ. იმედი მაქვს, ჩვენი მოკავშირეებიც ანალოგიურად ფიქრობენ“, – განაცხადა ესტონეთის ახალმა პრემიერ-მინისტრმა. რაც შეეხება ქვეყნის ახალ მთავრობას, მისი შეფასებით, მტერს უგზავნიან გზავნილს, რომ ესტონეთი დაცულია. „ახალი მთავრობის მიზანია, ესტონელ ხალხს, ესტონურ ეკონომიკას, ჩვენს მოკავშირეებს უსაფრთხოების შეგრძნება მიანიჭოს და ჩვენს მტერს გაუგზავნოს გზავნილი, რომ ესტონეთი კარგად არის დაცული.  მჭიდროდ ვითანამშრომლებთ ნატო-ში მოკავშირეებთან და ასევე უკრაინასთან. ჩვენ მხარს დავუჭერთ უკრაინას ჩვენი მშპ-ს 0,25%-ით. წინა მთავრობიდან მომდინარე ეს…

„უკრაინისთვის იარაღის შესაძენად რუსული აქტივების გამოყენების შესახებ ევროკავშირის გადაწყვეტილების საპასუხოდ, რუსეთი სამართლებრივ ზომებს მიმართავს“-ამის შესახებ კრემლის პრესმდივანმა, დიმიტრი პესკოვმა განაცხადა. პესკოვი ამბობს, რომ  აღნიშნული გადაწყვეტილება არის საკუთრების უფლების ხელყოფა. „მოსკოვი შეიმუშავებს იმ პირების სამართლებრივი დევნის შესაძლებლობებს, ვისაც კავშირი აქვთ რუსული აქტივების გამოყენების შესახებ გადაწყვეტილებების მიღებასთან, რადგან ეს არის საერთაშორისო სამართლის პირდაპირი დარღვევა, ეს არის საკუთრების უფლების ხელყოფა“, – განაცხადა პესკოვმა. შეგახსენებთ, გუშინ ბრიუსელში გამართული ევროკავშირის საგარეო საქმეთა მინისტერიალის შემდგომ ევროკავშირის უმაღლესმა წარმომადგენელმა, ჯოზეფ ბორელმა განაცხადა, რომ აგვისტოში ევროკავშირი უკრაინას გადასცემს გაყინული რუსული აქტივების შემოსავლებიდან 1,4 მილიარდ ევროს ოდენობის პირველ ტრანშს.  …

უკრაინის უმაღლესმა რადამ ქვეყანაში საომარი მდგომარეობის და საყოველთაო მობილიზაციის კიდევ 90 დღით გახანგრძლივებას მხარი დაუჭირა. ინფორმაციას რადას დეპუტატი იაროსლავ ჟელეზნიაკი ავრცელებს. გადაწყვეტილებას პარლამენტის 339-მა წევრმა დაუჭირა მხარი. ამგვარად, საომარი მდგომარეობა და საყოველთაო მობილიზაცია უკრაინაში 9 ნოემბრამდე გახანგრძლივდა.