შვედეთში, ისრაელის საელჩოს წინ, ასაფეთქებელი მოწყობილობა აღმოაჩინეს. ნაპოვნია ხელყუმბარა, რომელიც უცნობმა პირმა საელჩოს ღობეზე გადააგდო.
პოლიციის ცნობით, სპეციალისტებმა მისი გაუვნებელყოფა შეძლეს. სხვა დეტალებს სამართალდამცველები არ ახმაურებენ. მომხდარის გამო, საელჩოს გარშემო ტერიტორია, 100 მეტრის რადიუსში, გარკვეული პერიოდი სპეციალური ჯებირებით იყო შემოსაზღვრული.
