თბილისში, ორბელიანის მოედანზე მოკლული ახალგაზრდა ბიჭი 21 წლის ნიკიტა აგიევია. მას სასიკვდილო ჭრილობა ცივი იარაღით მიაყენეს. იგი საავადმყოფოში მიყვანამდე სასწრაფოში გარდაიცვალა.
გავრცელებული ინფორმაციით, თავდასხმა ახალგაზრდა კაცზე ჯგუფურად მოხდა და დანაშაულის ფიგურანტი სავარაუდოდ 4 პირია. ასევე ვრცელდება ინფორმაცია, რომ მკვლელობას წინ დაპირისპირება უძღოდა. დასისხლიანებული მამაკაცი უგონო მდგომარეობაში ქუჩაში მოქალაქეებმა ნახეს. მისი გადარჩენა ვეღარ მოხერხდა.
შინაგან საქმეთა სამინისტრომ მომხდარზე გამოძიება სსსკ-ის 108 მუხლით დაიწყო.
