დონეცკის ოლქის დროებით ოკუპირებულ ქალაქ მარიუპოლში, რუსმა სამხედროებმა მათივე მეთაური, ,,მუდმივი მუქარისა და შეურაცხყოფისთვის” მოკლეს. ინფორმაციას უკრაინის გენშტაბი ავრცელებს.
მათი თქმით, კუპიანსკის მიმართულებით აღინიშნება წვევამდელების სამხედრო მომზადების უკიდურესად დაბალი ხარისხი. ისინი ძირითადად ასაკოვანი, ალკოჰოლ და ნარკოდამოკიდებული ადამიანები არიან.
,,რუსეთის საოკუპაციო ჯარების სამხედრო მოსამსახურეებს შორის არსებობს მოსაზრება, რომ ხელმძღვანელობა მათ საზარბაზნე ხორცად იყენებს და დანაკარგებსაც არ ითვლის.
ასევე არის ინფორმაცია, რომ ოკუპირებულ მარიუპოლში რუსმა სამხედროებმა, რომლებიც ყოფილ პატიმრებისგან შედგება, მოკლეს მათი მეთაური. მუდმივი მუქარისა და ბულინგის გამო”, – აცხადებენ უკრაინის შეიარაღებულ ძალებში.
