აფრიკის ორ ქვეყანაში, ტანზანიასა და ეკვატორულ გვინეაში მარბურგის ვირუსის აფეთქება დაფიქსირდა. ამის შესახებ ინფორმაციას France24 ავრცელებს.
გამოცემის ცნობით, ვირუსი ისეთივე სასიკვდილოა, როგორც ებოლას ციებ-ცხელება.
6 აპრილის მდგომარეობით, რვა დადასტურებული შემთხვევიდან ხუთი ადამიანი გარდაიცვალა, იტყობინება აშშ-ს დაავადებათა კონტროლის ცენტრი.
პირველი შემთხვევების გამოჩენის შემდეგ, ეკვატორულ გვინეაში მარბურგის 15 დადასტურებული შემთხვევა დაფიქსირდა. ქვეყნის ჯანდაცვის სამინისტროს ანგარიშის თანახმად, ამ პაციენტებიდან თერთმეტი გარდაიცვალა დაავადების სიმპტომების გამოვლენიდან რამდენიმე დღეში.