თურქეთში დამანგრეველი მიწისძვრის შემდეგ დაწყებული გამოძიების ფარგლებში 184 ადამიანი უკვე დააკავეს, მათ შორის ერთ-ერთი ქალაქის მერიცაა.
ასევე, დაკავებულებს შორის არიან სამშენებლო კონტრაქტორები, კომპანიების მფლობელები და მენეჯერები.
თურქეთის იუსტიციის მინისტრის განცხადებით, გამოძიება 600-ზე მეტი პირის მიმართ მიმდინარეობს.
ბოლო მონაცემებით თურქეთსა და სირიაში მიწისძვრების შედეგად დაღუპულთა რიცხვმა 50 ათასს გადააჭარბა.
