„ხვალვე უნდა იყოს გაყვანილი… შეიძლება სამუდამოდ ინვალიდი დარჩეს“ – სააკაშვილის მამა

პატიმრობაში მყოფი მიხეილ სააკაშვილის მამა აცხადებს, რომ მის შვილს გადაუდებელი ოპერაცია სჭირდება, რომელიც საქართველოში არ კეთდება. ნიკოლოზ სააკაშვილის თქმით, თუ საქართველოს მესამე პრეზიდენტს ანტიდოტური თერაპია არ ჩაუტარდა, შესაძლოა, ინვალიდად დარჩეს.

„ხვალვე უნდა იყოს გაყვანილი. ექიმი ვარ, ტოქსიკოლოგიაში ოდესღაც ნამუშევარი ვარ და ვიცი, რაც არის ნეფროპათია, რომელსაც იწვევს ტოქსინების შეყვანა. კარგად ვიცი რა ცვლილებები ხდება ღვიძლში. სასწრაფოდ უნდა გაკეთდეს ანტიდოტური თერაპია და ერთი ოპერაცია, რომელიც აქ არ კეთდება. ეს არის მხრის სახსრის პროთეზირება, კიდურებზე კეთდება, რომლის გარეშე შეიძლება სამუდამოდ ინვალიდად დარჩეს. ეს უკვე დაგვიანებულია, მაგრამ შეიძლება ამ დაგვიანების გამოსწორებაც“ – აცხადებს მიხეილ სააკაშვილის მამა.

მას იმედი აქვს, რომ ხელისუფლება კეთილ ნებას გამოიჩენს.

„ხელისუფლებისგან კეთილ ნებას ველოდები. ლაპარაკი არ არის, მოგწონს თუ არ მოგწონს, კაცი კვდება, მას სიცოცხლეს ვერ წაართმევ, მხოლოდ უფალი ართმევს. შენ რა უფლება გაქვს, რომ წაართვა და გასცე განკარგულება, რომ ეს არის „ფეიკი“. ვინც ამას ლაპარაკობს, თვითონ არიან „ფეიკები“ – აცხადებს მიხეილ სააკაშვილის მამა.

 

მსგავსი თემები