დღე: ივლისი 17, 2024

“საქართველოს პრემიერ-მინისტრს ევროპის პოლიტიკური გაერთიანების სამიტზე ექნება შესაძლებლობა, სხვა ლიდერებთან ერთად, მრგვალი მაგიდის ფორმატში იმსჯელოს იმ გამოწვევებზე, რომელიც აქვს ევროკავშირს და ასევე იმ შესაძლებლობებზე, რომელსაც ჩვენი ქვეყანა აძლევს ევროპულ ოჯახს”- ამის შესახებ, საგარეო საქმეთა მინისტრმა ილია დარჩიაშვილმა, პრემიერ-მინისტრის გაერთიანებულ სამეფოში ვიზიტთან დაკავშირებით განაცხადა. მისი განმარტებით, ევროპის პოლიტიკური გაერთიანების სამიტში 50-მდე ლიდერი მონაწილეობს და პრემიერ-მინისტრს ასევე ექნება კოლეგებთან კომუნიკაციის კარგი შესაძლებლობა. „18 ივლისს იწყება საქართველოს პრემიერ-მინისტრის სამუშაო ვიზიტი გაერთიანებულ სამეფოში, სადაც იმართება ევროპის პოლიტიკური გაერთიანების მორიგი სხდომა. აღნიშნული პლატფორმა იქნა შექმნილი პრეზიდენტ მაკრონის ინიციატივით და ეს არის დამატებითი პლატფორმა, შესაძლებლობა და…

პარტია „ლელო“, მოქალაქეთა პოლიტიკური გაერთიანება „ანა დოლიძე-ხალხისთვის“ და პოლიტიკური მოძრაობა „თავისუფლების მოედანი“ გაერთიანდნენ. როგორც სამი პოლიტიკური პარტიის გაერთიანების პრეზენტაციაზე „ლელოს“ ლიდერმა, მამუკა ხაზარაძემ განაცხადა, ევროპული არჩევანი არის ეროვნული არჩევანი, რისთვისაც საჭიროა ერთობა. „ასეთი ერთობით დავიწყებთ ჩვენს მოღვაწეობას. ყველა ჩვენგანს გვინდა ერთი რამ – ძლიერი საქართველო, ფეხზე დამდგარი, წელში გამართული, ეკონომიკურად ძლიერი ქვეყანა, გვინდა ჩვენი შვილებისთვის მშვიდობა, სტაბილური განვითარება, გვინდა ადგილი, სადაც საქართველოს მიეცემა თავისი ძვირფასი ტრადიციების, თავისი მომავლის ყველაზე კარგად წარმოჩენა. ეს ადგილი არის ევროპა. ჩვენ არ ვართ პატარა ერი, არც პატარა ქვეყანა ვართ. ჩვენ ვართ დიდი ტრადიციებისა და ისტორიის…

“ივანიშვილის “ოცნება”, რომელსაც პოზიტიური დღის წესრიგის შექმნა აღარ შეუძლია, წარმოსახვით მტერს დასდევს გლობალური ომის პარტიის სახით და საკუთარ მოქალაქეებს ომით აშინებს”, – წერს „საქართველოსთვის“ ლიდერი, გიორგი გახარია სოციალურ ქსელში. მისი განცხადებით, “ქართული ოცნება“ პარალელურად „აგრძელებს მოქალაქეების მოტყუებას, რომ თითქოს ევროკავშირი ივანიშვილის პირობებით მიგვიღებს“. “გლობალური ომის პარტიის ძიებაში კი საქართველოს ევროინტეგრაცია შეჩერებულია და აშშ საქართველოსთან სტრატეგიული პარტნიორობის გადახედვის პროცესშია. ოქტომბრის არჩევნები ქვეყნის ნორმალური განვითარების გზაზე დაბრუნების ერთადერთი გამოსავალია!”, – წერს გახარია.

საქართველოს მესამე პრეზიდენტი ბიძინა ივანიშვილის გუშინდელ გამოსვლას ეხმაურება და აცხადებს, რომ ეს იყო “რუსი ადამიანის რუსული მესიჯები”. “ივანიშვილის გუშინდელი გამოსვლა არ იყო ქართველის გამოჩენა. ეს კაცი არის სისხლით ხორცამდე რუსი და აჟღერებს რუსულ მესიჯებს.  ვისაც რამის დანახვა შეუძლია, ხედავს, რომ ის და მისი ბანდა წარმოადგენენ პირდაპირ და უზარმაზარ საფრთხეს თითოეული ქართველის უსაფრთხოებისთვის, კეთილდღეობისთვის და მომავლისთვის.  მათ ხელში საქართველოს დამოუკიდებელ სახელმწიფოებრიობას მომავალი არ უწერია. მათ არაფერი კარგის გაკეთება არ შეუძლიათ, მხოლოდ გაფუჭებას გააგრძელებენ დაჩქარებული ტემპით. კარგი ამბავი ისაა, რომ ქართველი ხალხი დიდი ხანია ყველაფერს მიხვდა. აზვირთებულია დიდი საარჩევნო ტალღა, რომელიც მაფიოზურ…

,,ქართული ოცნების” საპატიო თავმჯდომარის, ბიძინა ივანიშვილის სიტყვით გამოსვლას, საზოგადოებრივი პლატფორმის ,,საქართველოს ევროპული ორბიტის” აღმასრულებელი დირექტორი, ნინო ლომჯარია გამოეხმაურა. მისი თქმით, ივანიშვილის სიტყვით გამოსვლა ღიმილის მომგვრელი  იყო. ,,არ არის ალბათ ეს ყველაფერი სასაცილო, მაგრამ მაინც ღიმილის მომგვრელი იყო. საფრთხეები როგორ არ არის რეალური, საქართველოს ტერიტორიების 20% არის ოკუპირებული, მაგრამ იმის თქმა, რომ საქართველოსთვის საფრთხეს წარმოადგენს ევროპული ინტეგრაცია, კარგია, რომ ამერიკასთან ურთიერთობებს გადავხედეთ და სტრატეგიული პარტნიორობა გავაჩერეთ, იმიტომ, რომ ეს არის ჩვენი უსაფრთხოების გარანტი, ეს არის ტყუილი”, – განაცხადა ნინო ლომჯარიამ.

თბილისის მერი, ,,ქართული ოცნება-დემოკრატიული საქართველოს” გენერალური მდივანი კახა კალაძე აცხადებს, რომ ,,ქართული ოცნება” არის ერთ-ერთი პოლიტიკური გუნდი, ვისაც ჩვენი ქვეყნის მოსახლეობის უმრავლესობის ძალიან დიდი მხარდაჭერა აქვს. ,,ქართული ოცნება” არის ერთ-ერთი პოლიტიკური გუნდი, ვისაც ჩვენი ქვეყნის მოსახლეობის უმრავლესობის ძალიან დიდი მხარდაჭერა აქვს. ეს ყველა მონაცემებით, მათი კვლევებითაც კარგად ჩანს. ჩვენ ვართ ის გუნდი, ვინც იცავს ქართულ ინტერესს, ატარებს ქართულ პოლიტიკას, იცავს ჩვენი ქვეყნის ინტერესს. საზოგადოება აკეთებს ანალიზს, თუ რა პროცესები მიდის ქვეყნის შიგნით, ვინ გვიტევს, საიდან მოდის ზეწოლა, შანტაჟი და მუქარები”, – აცხადებს კახა კალაძე.

პარტია „ხალხის ძალის“ წევრი ზურაბ ქადაგიძე საპარლამენტო არჩევნებში „ხალხის ძალისა“ და „ქართული ოცნების“ საერთო სიას ეხმიანება. ქადაგიძე წერს, რომ „ხალხის ძალისა“ და სახელისუფლებო გუნდის ერთობა მაღალი ლეგიტიმაციით გამარჯვების წინაპირობაა. სოციალურ ქსელში გამოქვეყნებულ პოსტში ის ბიძინა ივანიშვილის წვლილზეც საუბრობს. მისი თქმით, ბიძინა ივანიშვილის ფაქტორი, ერთობლივ ძალისხმევას უფრო გაზრდის და არჩევნებში გამარჯვების წინაპირობა იქნება. „26 ოქტომბერი საქართველოს ისტორიაში რეფერენდუმის სახით დაფიქსირდება, სადაც მხოლოდ ორი არჩევანია – სუვერენული საქართველო ეროვნული ინტერესებითა და დამოუკიდებელი განვითარების პერსპექტივით ან კიდევ, გლობალურ პოლიტ – კონიუნქტურას დაქვემდებარებული, უცხო ქვეყნებიდან კონტროლირებადი, ფაქტობრივი სახელმწიფო. პარტია “ხალხის ძალა” და “ქართული ოცნება” ერთიანი…

,,ტყუილია, ჩემს მეუღლესთან ერთად სად წავალ, თქვენი გასარჩევი არ არის”, – განაცხადა „სტრატეგია აღმაშენებლის“ ლიდერმა გიორგი ვაშაძემ კვიპროსში დავით კეზერაშვილთან შეხვედრის შესახებ გავრცელებულ ინფორმაციაზე. „ჩემს მეუღლესთან ერთად სად წავალ, თქვენი გასარჩევი არ არის. ვიყავი წასული ორი დღით ქვეყნიდან”, – განაცხადა გიორგი ვაშაძემ. კითხვაზე, დაბრუნდა თუ არა ის პეტრე ცისკარიშვილთან ერთად, ვაშაძემ განაცხადა, რომ ცისკარიშვილი რომელ რეისზე დაჯდება და სად დაჯდება, მისი საქმე არ არის. „ქრონიკის“ ინფორმაციით, ლარნაკაში დავით კეზერაშვილი ოპოზიციონერ ლიდერებს შეხვდა. არსებული ინფორმაციით, შეხვედრას „ნაციონალური მოძრაობის“ თავმჯდომარე თინა ბოკუჩავა, გენერალური მდივანი პეტრე ცისკარიშვილი, საარჩევნო შტაბის ხელმძღვანელი გიორგი ვაშაძე, აღმასრულებელი…

,,ოპოზიციაში არიან და ისეთი რესურსი არ გააჩნიათ, იგივე ძალადობა გააგრძელონ, რასაც ხელისუფლებაში ყოფნისას აკეთებდნენ, თუმცა იმ რესურსებით, რაც აქვთ, იმავეს აგრძელებენ – ბოროტებას, სიძულვილის თესვას, საზოგადოების გახლეჩის მცდელობას, ბულინგს, შეურაცხყოფას, დაშინებას. ეს არის მათი ყოველდღიურობა. მეორე მხარეს არის „ქართული ოცნება – დემოკრატიული საქართველო“, რომელიც იბრძვის და ზრუნავს იმისთვის, რომ ქვეყანაში მშვიდობა შეინარჩუნოს”, – ამის შესახებ თბილისის მერმა, „ქართული ოცნების“ გენერალურმა მდივანმა კახა კალაძემ განაცხადა. „ადამიანის უფლებები, სიტყვის და გამოხატვის თავისუფლება, ღირსება, ყველაფერი ფეხქვეშ იყო გათელილი. ამ რეალობაში გვიწევდა ცხოვრება და დღესაც იმავეს აგრძელებენ წინა ხელისუფლების წარმომადგენლები. შეიძლება ოპოზიციაში არიან და…