დღე: ივლისი 9, 2024

„ეს ევროკავშირის გადაწყვეტილებაა, მაგრამ მათაც და ჩვენც ნათლად ვთქვით, რომ საქართველოს დემოკრატიულ უკუსვლას შედეგები მოჰყვებოდა“ – ამის შესახებ, აშშ-ის სახელმწიფო დეპარტამენტის პრესსპიკერმა, მეთიუ მილერმა ბრიფინგზე განაცხადა. მილერის განმარტებით, ევროკავშირის წარმომადგენლებმა ნათლად თქვეს, რომ  საქართველოს დემოკრატიულ უკუსვლას შედეგები მოჰყვებოდა. „რა თქმა უნდა, ეს ევროკავშირის მიერ მიღებული გადაწყვეტილებაა და ამაზე უფრო კომპეტენტურად კომენტარის გაკეთება მათ შეუძლიათ. თუმცა ვიცი, რომ მათ ნათლად თქვეს, ისევე როგორც ჩვენ ნათლად ვთქვით, როდესაც საქმე საქართველოსთან ჩვენს ურთიერთობებს ეხება, რომ საქართველოს დემოკრატიულ უკუსვლას შედეგები მოჰყვებოდა“ – განაცხადა მილერმა. საქართველოსთან აშშ-ის ურთიერთობების შესახებ ჟურნალისტის კითხვაზე მილერმა უპასუხა, რომ ვაშინგტონში თბილისთან…

„ჩვენი პოლიტიკა მიმართულია იმისკენ, რომ საქართველო იყოს თავისუფალი, დამოუკიდებელი, სუვერენული სახელმწიფო და არავის არ მიეცეს იმის შესაძლებლობა, რომ ჩვენი ქვეყანა, ჩვენი ხალხი გამოიყენოს თავისი ქვეყნის ინტერესების გასატარებლად, როგორც ეს, სამწუხაროდ, ხდება უკრაინაში“ – ამის შესახებ, დედაქალაქის მერმა კახა კალაძემ  განაცხადა მედიის შეკითხვის საპასუხოდ, რომელიც ევროკავშირის მხრიდან დახმარების შეჩერებას ეხებოდა. „არავის ვუსურვებდი იმ მდგომარეობაში ყოფნას, რომელშიც დღეს უკრაინა იმყოფება. არავის, ვინც არ უნდა იყოს, არ მიეცემა შესაძლებლობა, რომ საქართველოში მოაწყოს მეორე ფრონტი, ქვეყანა ჩაერთოს სანქციებში, ამან გამოიწვიოს ეკონომიკური კრიზისი და მძიმე მდგომარეობა“ – განაცხადა კახა კალაძემ. თბილისის მერი ევროპაში მიღებულ ბოლოდროინდელ…

„ხელისუფლება უზრუნველყოფს, ჯარმა მიიღოს ყველაფერი, რაც საჭიროა იმისთვის, რომ მოწოდების სიმაღლეზე ვიყოთ“ – თბილისის მერმა მედიასთან ისაუბრა საქართველოში ევროკავშირის ელჩის პაველ ჰერჩინსკის განაცხადების საპასუხოდ, რომლის მიხედვითაც ევროკავშირმა საქართველოს ჯარისთვის 30 მილიონი ევროს დახმარებაგაყინა. კახა კალაძის განცხადებით, აღნიშნული თანხა ჯარს ამოაცალეს. „ერთ შესწორებას შევიტან, კი არ გაუყინავთ, ჯარს ამოაცალეს თანხები და გიგაურს და ლომჯარიას მისცეს. ეს არის მათი დემოკრატია, მიდგომები. ჯარს, რომელმაც ყველაფერი გააკეთა იმისთვის, რომ სამშვიდობო მისიებში მიეღო მონაწილეობა თუნდაც ავღანეთში, აფრიკაში. მადლობებს ვიღებდით იმისთვის, რომ ჩვენი ჯარისკაცები სამშვიდობო მისიებში დიდი უმრავლესობით იყვნენ წარმოდგენილები, იმაზე მეტნი იყვნენ, ვიდრე ნატოს ქვეყნებიდანაც.…

„მკვდარი მკვდარს აეკიდაო, ისეა მაგათი საქმე“ – ასე უპასუხა თბილისის მერმა კახა კალაძემ რამდენიმე ოპოზიციური პარტიის გაერთიანებასთან დაკავშირებით დასმულ შეკითხვას. როგორც დედაქალაქის მერმა აღნიშნა, ოპოზიციის გადაწყვეტილებაში სიახლე არაფერია და ისინი საზოგადოებისთვის უკვე კარგად ნაცნობი სახეები არიან. „სიახლე არაფერია. მკვდარი მკვდარს აეკიდაო, ისეა მაგათი საქმე. როგორ შეიძლება, ნულპროცენტიანმა ორმა პარტიამ, გაერთიანების შემთხვევაში, რაიმე შედეგს მიაღწიოს? ჩვეულებრივი „ლუზერები“ არიან. 2012 წლიდან ვარ პოლიტიკაში და სრული პასუხისმგებლობით ვაცხადებ: ეს პოლიტიკური პარტიები იბრძოლებენ იმისთვის, რომ როგორმე საარჩევნო ბარიერი გადალახონ, თუმცა ყველას ამის შესაძლებლობა ნამდვილად არ აქვს“, – განაცხადა კახა კალაძემ. მისივე განმარტებით, საპარლამენტო არჩევნებზე…

„გვსურს გამოვეხმაუროთ სოციალურ ქსელებში გავრცელებულ ე.წ. ფეიქ ნიუსებს. კერძოდ, ბოლო დღეების განმავლობაში ყალბი „ექაუნთებისა“ და საიტების საშუალებით ვრცელდება დეზინფორმაცია  დედაქალაქის მერის, კახა კალაძის შესახებ“- ნათქვამია თბილისის მერიის მიერ გავრცელებულ განცხადებაში. მერიაში აცხადებენ, რომ საიტებზე განთავსებული ინფორმაცია ყალბია და შექმნილია, სავარაუდოდ, თაღლითური მიზნით. “საზოგადოებას მოვუწოდებთ, რომ არ შევიდნენ შეცდომაში, არ გადავიდნენ აღნიშნულ საიტებზე, რადგან ეს არის, სავარაუდოდ, თაღლითური მიზნით სარეკლამო დანიშნულებით შექმნილი საიტები. მსგავსი სახის საიტები მიმართულია მეტი ადამიანის მოზიდვისა და თაღლითურ სქემებში საზოგადოების ჩართვისკენ. სრული პასუხისმგებლობით ვაცხადებთ, რომ ინფორმაცია, რაც აღნიშნულ საიტებზეა მოცემული, სიმართლეს არ შეესაბამება. აქვე გთხოვთ, რომ თბილისის …

საქართველოს საგარეო საქმეთა მინისტრი, ილია დარჩიაშვილი, 8 ივლისს კიევში ბავშვთა საავადმყოფოს დანგრევის შედეგად მომხდარ ტრაგედიას სოციალურ ქსელ X-ზე ეხმაურება. მინისტრის შეფასებით, ბავშვთა საავადმყოფოზე თავდასხმა შემზარავია. “კიევის ბავშვთა საავადმყოფოზე თავდასხმა შემზარავია. დაუშვებელია მშვიდობიანი მოსახლეობის, განსაკუთრებით კი ბავშვების წინააღმდეგ მიმართული აგრესია და თავდასხმები. ჩვენ სოლიდარობას ვუცხადებთ უკრაინელ ხალხს” – წერს ილია დარჩიაშვილი X-ის პირად გვერდზე.

“აშშ-ს დედაქალაქში იმართება უმნიშვნელოვანესი სამიტი – ნატოს საიუბილეო 75-ე სამიტი. ძალიან მნიშვნელოვანია, რომ საქართველო სხვა პარტნიორ ქვეყნებთან ერთად მოწვეულია და მონაწილეობს ამ სამიტში, ეს არის გზავნილი, რომ საქართველო რეგიონში ალიანსის ძალიან ძლიერი მოკავშირეა” – ამის შესახებ, საგარეო უწყების ხელმძღვანელმა, ილია დარჩიაშვილმა აშშ – ს დედაქალაქში, საქართველოს ნატოს საიუბილეო სამიტში მონაწილეობის შეფასებისას განაცხადა. მისი განმარტებით ქართული მხარე აღნიშნულ ურთიერთობებს წლების განმავლობაში თანმიმდევრულად აშენებდა და მნიშვნელოვანია, რომ ეს პროცესი გაგრძელდეს. “ჩვენ, ევროპული და ევროატლანტიკური ინტეგრაცია ჩვენი ქვეყნის კონსტიტუციურ ნორმად ვაქციეთ, ის რომ საქართველოს აქვს ძალიან ცალსახა საგარეო პოლიტიკური ვექტორები, დასტურდება იმითაც, რომ…

“საქართველოსა და ევროკავშირის თანამშრომლობა დაფუძნებულია ასოცირების შეთანხმებაზე, აღებული  გვაქვს ვალდებულებები, რასაც თანმიმდევრულად, ლოგიკურად ვასრულებთ, შესაბამისად, ევროკავშირის მიერ სამხედრო დახმარების გაყინვასთან დაკავშირებით მიღებული გადაწყვეტილება გაუგებარია”- განაცხადა საქართველოს საგარეო საქმეთა მინისტრმა ილია დარჩიაშვილმა ვაშინგტონში, ჟურნალისტებთან საუბარში განაცხადა. საგარეო საქმეთა მინისტრის განმარტებით, უსაფრთხოების თვალსაზრისით არსებული გამოწვევები, მათ შორის ოკუპაცია არსად არ წასულა. საქართველოს კიდევ უფრო მეტად სჭირდება თავდაცვისუნარიანობის გაძლიერება იმისთვის, რომ უფრო მეტად შეძლოს საფრთხეებთან გამკლავება. “ზოგადად, მსგავსი ტიპის ფინანსური დახმარებები ემსახურებოდა და ემსახურება ჩვენი ქვეყნის თავდაცვისუნარიანობის გაძლიერებას და იმ შესაძლებლობების განვითარებას, რომლითაც ქვეყანამ უნდა შეძლოს საფრთხეების თავიდან აცილება. ჩვენთვის გაუგებარია მსგავსი ტიპის…

ფრაქცია „ქართული ოცნების“ თავმჯდომარის მოადგილე ბექა დავითულიანი „ნაციონალური მოძრაობისა“ და „სტრატეგია აღმაშენებლის“ მიერ ახალი პოლიტიკური პლატფორმის დაფუძნებას გამოეხმაურა. „ალბათ ფიქრობენ, რომ ცოტა მაინც ჩამოირეცხავენ იმ მძიმე მემკვიდრეობას, რაც აქვთ თუმცა ეს არაფერს შეცვლის. ბექა მქვია და ბეთქილი რომ დავირქვა, რა შეიცვლება ჩემში? – არაფერი“, – განაცხადა დავითულიანმა. „ნაციონალურმა მოძრაობამ“ და „სტრატეგია აღმაშენებელმა“ ახალი პოლიტიკური პლატფორმა „ერთიანობა საქართველოს გადარჩენისთვის“ დააფუძნეს. პარტიის ყრილობაზე, ასევე წარადგინეს ახალი სახეები. ყოფილ მმართველ ძალას შეუერთდნენ თამარ კორძაია, არმაზ ახვლედიანი, გია ჯაფარიძე, ლაშა ბაქრაძე.

,,როდესაც 2014 წელს ევროკავშირი ვერ პოულობდა ცენტრალური აფრიკის რესპუბლიკაში სამხედრო მისიისთვის მონაწილეობის მსურველებს, ქართული ოცნების ხელისუფლებამ, ევროკავშირის ეს მისია ჩაშლას გადაარჩინა”, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს. მისი თქმით, საქართველო ამ ურთულეს ოპერაციაში, ევროკავშირის არაწევრი ერთადერთი ქვეყანა იყო, სამხედრო კონტინგენტით კი მეორე ქვეყანა საფრანგეთის შემდეგ. ,,უნდა გვახსოვდეს, რომ როდესაც 2014 წელს ევროკავშირი თავის წევრ ქვეყნებში ვერ პოულობდა ცენტრალური აფრიკის რესპუბლიკაში სამხედრო მისიისთვის (EUFOR RCA) მონაწილეობის მსურველებს, საქართველომ (“ქართული ოცნების” ხელისუფლების გადაწყვეტილებით) 150 ჯარისკაცის გაგზავნით, ევროკავშირის ეს მისია, ჩაშლას გადაარჩინა. ჩვენ, ამ ურთულეს ოპერაციაში, ევროკავშირის არაწევრი…

,,გუშინ ჩემი „ხაბე“ ისევ დამიჩაგრეს, ამ ბიჭმა რა დააშავა ისეთი, რომ სცენაზეც არ აუშვეს, განახლებულ სიაშიც ვერ მოხვდა, „ხაბე“ გამაგრდი, გგულშემატკივრობ, ვაშაძეა ახალი სახე, ბოკუჩავა, თუ არმაზ დიდი, პარლამენტში რომ ლექციებს ატარებდა ხოლმე? ციფრი დაიტოვეს, სათაური შეცვალეს”, – ამის შესახებ „ქართული ოცნების“ წევრმა, ირაკლი ზარქუამ განაცხადა. „მათზე სერიოზულად როგორ უნდა ილაპარაკო, აგდებულად უნდა ილაპარაკო. ნეტა, ბელადმა იცის მის პარტიას სახელი რომ გადაარქვეს? თავისი პარტიის სახელწოდება რცხვენიათ და შეცვალეს. ახალ სახედ არმაზ ახვლედიანი და კორძაია უნდა შემოგვასაღონ. კორძაიას მიმართ მეგრული სოლიდარობა მაქვს და არ ვიცი, ამ გაუგებრობაში როგორ მოხვდა. ვინაა ახალი…

,,მეორე ფრონტის გახსნისა და გადატრიალების მოწყობის ბრალდება მომდინარეობდა არა „ქართული ოცნების“ მხრიდან, არამედ იმ განცხადებებიდან, რომლებიც დასავლეთში კეთდებოდა”, – განაცხადა საქართველოს პარლამენტის პირველმა ვიცე-სპიკერმა, გია ვოლსკიმ. მისი თქმით, ლოგიკური ეჭვი გაჩნდა, რომ ქვეყანა იმის გამო ისჯება, რომ საქართველო საომარ მოქმედებებში ჩართვასთან დაკავშირებით უკრაინის კატეგორიულ, რადიკალურ მოთხოვნას არ აჰყვა. „მეორე ფრონტის გახსნისა და გადატრიალების მოწყობის ბრალდებება ჩვენი არ იყო. მაგალითად, ჩვენ შევაფასეთ ესტონეთის პრემიერ-მინისტრისა და ევროკომისრის, კაია კალასის განცხადება, რომლის ქმარმაც ომის შემდეგ რუსეთთან ბიზნესის წარმოებით დიდი მოგება მიიღო. კალასმა განაცხადა, რომ უცხოელი საგარეო საქმეთა მინისტრების ანტისამთავრობო მიტინგში მონაწილეობა ძალიან კარგია,…

,,დასანანი და არამეგობრული ნაბიჯი პარტნიორის მხრიდან”, – ასე აფასებს ,,ქართული ოცნება” ევროკავშირის გადაწყვეტილებას, გაყინოს 30 მილიონი ევრო, რომლის გადმორიცხვაც, საქართველოს თავდაცვის სამინისტროსთვის იგეგმებოდა. პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე, ირაკლი ზარქუა ევროკავშირის ელჩთან დაკავშირებით ამბობს, რომ ის უპირველეს ყოვლისა, სახელმწიფოს მეგობარი უნდა იყოს. ,,მიუღებელია და ცუდია ბატონი ევროკავშირის ელჩის ეს განცხადება. მისი წინამორბედი, გრძელი კაცი რომ გვყავდა წარმომადგენელი, რამდენიმე წელი იმუშავა, არც ახსოვს ჩვენს მოსახლეობას და ვისაც ახსოვს, ძალიან ცუდად ახსოვს. თუმცა, ახსოვთ გიგაურებს, ლომჯარიებს მისთანებს ძალიან კარგად. მე ვისურვებდი, რომ თქვენც ასე არ დაამთავროთ თქვენი კარიერია.…

,,მაიდანი არ გამოუვიდათ. ახლა არჩევნებზე ცდილობენ, რომ ჩარევით, ასეთი მანიპულაციით მიაღწიონ შედეგს”, – ასე შეაფასა ჟურნალისტებთან საუბრისას საპროცედურო საკითხთა და წესების საპარლამენტო კომიტეტის თავმჯდომარე ირაკლი ქადაგიშვილმა არასამთავრობო სექტორის მიერ ორგანიზებული ღონისძიება, რომელზეც ევროკავშირის რეკომენდაციების შესრულებასთან დაკავშირებით იმსჯელეს. „ეს რაღაც კონფერენციაც კიდევ ერთი რამის მაჩვენებელია, იმ ანა ნაცვლიშვილსა და არცერთ ოპოზიციონერს რეკომენდაციების შემუშავებაში მონაწილეობა საერთოდ არ მიუღიათ. რა იტყვის ის სასიკეთოს ქვეყანაზე“, – აღნიშნა მან. ევროსაბჭოს რეკომენდაციების შესრულებასთან დაკავშირებით არასამთავრობო სექტორის მიერ ორგანიზებულ ღონისძიებაზე პარლამენტის გარეშე მსჯელობენ. ღონისძიება ევროკავშირის ელჩმა გახსნა. მედიის წარმომადგენლებს მხოლოდ კადრების გადაღების საშუალება ჰქონდათ, რის შემდეგაც ჟურნალისტებმა…

ცოტა ხნის წინ, ცნობილი გახდა, რომ ,,ახალი”, ,,დროა” და ,,გირჩი-მეტი თავისუფლება” ახალ პოლიტიკურ ალიანსს ქმნიან. ,,დროას” ლიდერი, ელენე ხოშტარია ამბობს, რომ ქართული საზოგადოება რუსული საფრთხის წინაშე გაერთიანდა, იბრძოლა და მსოფლიოს აჩვენა, რომ საქართველო არ არის და არ იქნება რუსეთი. ,,მომავალი არჩევნები არის ჩვენი პასუხისმგებლობა, რომ საზოგადოებამ, რომელმაც იბრძოლა და მიაღწია წარმატებას, საზოგადოებას შევთავაზოთ არჩევანი. მე მესმის, რომ შეიძლება ყველას სიმპათია ყოველთვის ვერ იყოს დაკმაყოფილებული, მე მესმის განსხვავებების, ჩხუბის, მესმის ემოციების, მაგრამ ყველაზე მეტად მესმის და ვგრძნობ პასუხისმგებლობას, რომ ოპოზიციამ, ჩვენ საზოგადოებას უნდა შევთავაზოთ არჩევანი და ეს არჩევანი არის ერთობა”, –…

,,ახალი”, ,,დროა” და ,,გირჩი-მეტი თავისუფლება” ხანგრძლივი მოლაპარაკებების შემდეგ, ახალ პოლიტიკურ ალიანსს ქმნიან. განცხადებას პოლიტიკური ლიდერები ამ წუთებში აკეთებენ. ,,ვაცნობიერებთ ჩვენს პასუხისმგებლობას ჩვენი ქვეყნის, ჩვენი სამშობლოს ისტორიის და იმ  უმნიშვნელოვანესი მომენტის მიმართ, რომელიც დღეს უდგას საქართველოს, გადამწყვეტი მომენტისთვის, რომელიც განსაზღვრავს მის მომავალს და გამომდინარე აქედან, ვიღებთ გადაწყვეტილებას, რომ არჩევნებზე გამოვიდეთ ერთად”, – განაცხადა ,,ახალის” თანათავმჯდომარემ ნიკა გვარამიამ.