დღე: ივლისი 5, 2024

ისრაელი-ლიბანის საზღვარზე, ორმხრივი ცეცხლის პირობებში, საზღვრის ორივე მხარეს ძლიერი ხანძარია. ტერორისტულმა დაჯგუფება “ჰეზბოლამ” ლიბანიდან ისრაელის ჩრდილოეთის მიმართულებით ორასი რაკეტა გაუშვა. თავდასხმაზე საპასუხოდ, “ცახალმა” ლიბანის სამხრეთით მდებარე “ჰეზბოლას” სამხედრო ინფრასტრუქტურაზე შეტევა განახორციელა. ორმხრივი ცეცხლის პირობებში, ქვეყნების საზღვარზე არსებული ვითარება სრულმასშტაბიანი სამხედრო კონფლიქტის საფრთხეს ქმნის. დაპირისპირების ეს ეპიზოდი, უკანასკნელი ცხრა თვის განმავლობაში ყველაზე მასშტაბურია.  

უკრაინის პრეზიდენტმა, ვოლოდიმირ ზელენსკიმ დასავლელ პარტნიორებს საჰაერო თავდაცვის სისტემების მიწოდების შესახებ შეთანხმების შესრულებისთვის მადლობა გადაუხადა. “მადლობა გერმანიას პატრიოტი სისტემისთვის და აშშ-ს, რომ კიდევ ერთი ნაბიჯი გადაიდგა ჩვენი საჰაერო თავდაცვის გასაძლიერებლად. ჩვენ მიზნად დავისახეთ, გავაორმაგოთ ჩვენი საჰაერო სიძლიერე და დღეს არის ამის დასაწყისი. მადლობას ვუხდი გერმანიას “პატრიოტი სისტემის” მოწოდებისთვის, რომელიც უკვე უკრაინაშია. ასევე დიდი მადლობა შეერთებულ შტატებს, რომ კიდევ ერთი ნაბიჯი გადაიდგა ჩვენი საჰაერო თავდაცვის გასაძლიერებლად”, – აღნიშნა ზელენსკიმ. ინფორმსციისთვის,  გერმანიამ, რომელიც უკრაინისთვის სამხედრო დახმარების სიდიდით მეორე მიმწოდებელია, პარასკევს გამოაცხადა, რომ უკრაინას “პატრიოტ სისტემას” გაუგზავნიდა.

„სამწუხაროდ, დასავლეთში არიან ქვეყნები და ჯგუფები, რომლებიც გზას უხსნიან მესამე მსოფლიო ომს. იარაღის დილერებს ბაზარი სჭირდებათ, იარაღის დილერებისთვის ბაზარი დასავლეთია“ – ამის შესახებ, თურქეთის პრეზიდენტმა, რეჯეფ თაიფ ერდოღანმა განაცხადა. თურქეთის პრეზიდენტი ამბობს, რომ ანკარას სურვილია, ომი რუსეთსა და უკრაინას შორის საბოლოოდ დასრულდეს. „ჩვენი თეზისები, რომლებსაც წლების განმავლობაში ვახმოვანებთ: „მსოფლიო ხუთზე დიდია“ და „უფრო სამართლიანი მსოფლიო შესაძლებელია“ – არის კონკრეტული გადაწყვეტილებები, რომლებიც წამოვაყენეთ ამ ნეგატიური ატმოსფეროს გასაფანტად და დიდი ომის რისკის აღმოსაფხვრელად. ჩვენ რაც უნდა გავაკეთოთ, არის გლობალური სისტემის გადახედვა, უზრუნველყოფა, რომ ყველამ დაიცვას საერთაშორისო სამართალი დისკრიმინაციის გარეშე, ტერორიზმის აღმოფხვრა კოლექტიური…

“პრინციპი  არავითარი შეთანხმება უკრაინაზე უკრაინის გარეშე ურყევია”, – აღნიშნულია უკრაინის საგარეო საქმეთა სამინისტროს განცხადებაში. უწყება ორბანის მოსკოვში ვიზიტს ეხმაურება და აღნიშნული პრინციპის დაცვისკენ  ყველა სახელმწიფოს მოუწოდებს . ოფიციალური კიევი აცხადებს, რომ  “სამართლიანი მშვიდობის” აღსადგენად ერთადერთი რეალისტური გზა “მშვიდობის ფორმულაა”.

„ვიქტორ ორბანთან საკმაოდ პირდაპირი და საფუძვლიანი აზრთა გაცვლა იყო მიმდინარე საერთაშორისო საკითხებზე, მათ შორის უკრაინის კონფლიქტზე და ვისაუბრეთ მისი მოგვარების შესაძლო გზებზე“, – განაცხადა რუსეთის პრეზიდენტმა, ვლადიმერ პუტინმა უნგრეთის პრემიერ-მინისტრთან, ვიქტორ ორბანთან გამართული მოლაპარაკებების შემდეგ. როგორც რუსეთის პრეზიდენტიმა აღნიშნა, კიევის ხელისუფლება თავს უფლებას არ აძლევს, იფიქროს ცეცხლის შეწყვეტაზე, რადგან საომარი მდგომარეობის მოხსნის შემდეგ მათ მოუწევთ საპრეზიდენტო არჩევნების ჩატარება. პუტინის განცხადებით, ზავი ან პაუზა არ უნდა იქნეს გამოყენებული კიევის რეჟიმის გადაიარაღებისთვის, რადგან მოსკოვს კონფლიქტის სრული და საბოლოო დასრულება სურს. ვლადიმერ პუტინმა ორბანთან მოლაპარაკებებს დროული და სასარგებლო უწოდა და აღნიშნა, რომ მოსკოვი…

უნგრეთის პრემიერ-მინისტრმა, ვიქტორ ორბანმა რუსეთის პრეზიდენტთან, ვლადიმერ პუტინთან შეხვედრის შემდეგ განაცხადა, რომ გააგრძელებს მუშაობას რუსეთთან და უკრაინასთან მშვიდობის მისაღწევად. ორბანის განცხადებით, ვლადიმერ პუტინთან მოლაპარაკებები გამართა იმ დროს, როდესაც ევროპას მშვიდობა სჭირდება. „კიევში ვიყავი, ახლა მოსკოვში ვარ, გამოცდილებიდან მივხვდი, რომ პოზიციები ძალიან შორს არის ერთმანეთისგან. საჭიროა მრავალი ნაბიჯი, რომლებიც უნდა გადაიდგას ომის დასრულებასთან მიახლოების მიზნით, თუმცა ჩვენ გადავდგით ყველაზე მნიშვნელოვანი ნაბიჯი – დავამყარეთ კონტაქტი. გავაგრძელებ ამ მიმართულებით მუშაობას“, – აღნიშნა ვიქტორ ორბანმა. ინფორმაციისთვის, უნგრეთის პრემიერ-მინისტრი ვიქტორ ორბანი მოსკოვში დღეს ჩავიდა. მოსკოვში იმყოფება უნგრეთის საგარეო საქმეთა მინისტრი პიტერ სიიარტოც. „ვიქტორ ორბანი პუტინს სტუმრობს…

„ვიქტორ ორბანი პუტინს როგორც უნგრეთის პრემიერ-მინისტრი სტუმრობს, საგარეო პოლიტიკაში ევროპულ საბჭოს შარლ მიშელი წარმოადგენს“, – ასე ეხმაურება „ტვიტერის“ პირად გვერდზე გერმანიის კანცლერი, ოლაფ შოლცი ორბანის რუსეთში ვიზიტს. „ვიქტორ ორბანი პუტინს როგორც უნგრეთის პრემიერ-მინისტრი სტუმრობს. საგარეო პოლიტიკაში, ევროპულ საბჭოს შარლ მიშელი წარმოადგენს. ევროკავშირის პოზიცია ძალიან ნათელია: რუსეთის აგრესიულ ომს ვგმობთ. უკრაინას შეუძლია ჩვენი მხარდაჭერის იმედი ჰქონდეს“, – წერს შოლცი.

,,ორბანი მოსკოვში ევროკავშირს ან მის პოზიციებს არანაირად არ წარმოადგენს”, – წერს ესტონეთის პრემიერმინისტრი კაია კალასი სოციალურ ქსელში და ორბანის მოსკოვში ვიზიტს ეხმაურება. ,,ვიქტორ ორბანი მოსკოვში ევროკავშირს ან მის პოზიციებს არანაირად არ წარმოადგენს. ის ევროკავშირში თავმჯდომარეობის პოზიციას დაბნეულობის დასათესად ბოროტად იყენებს. ევროკავშირი ერთიანია, მკაფიოდ დგას უკრაინასთან და რუსეთის აგრესიის წინააღმდეგ”, – წერს კალასი.

რიში სუნაკმა ბრიტანეთის პრემიერის თანამდებობა დატოვა. BBC-ის ინფორმაციით, რეზიდენციის წინ გამართულ ბრიფინგზე სუნაკმა კონსერვატიული პარტიის ვადამდელ არჩევნებში მარცხზე პასუხისმგებლობა აიღო. „ქვეყანას კი პირველ რიგში მინდა ვუთხრა – ბოდიში. ამ სამსახურს ყველაფერი მივეცი, მაგრამ თქვენ მკაფიო სიგნალი მოგვეცით, რომ გაერთიანებული სამეფოს მთავრობა უნდა შეიცვალოს და მხოლოდ თქვენს შეფასებას აქვს მნიშვნელობა. გავიგონე თქვენი ბრაზი, თქვენი იმედგაცრუება და ამ წაგებაზე პასუხისმგებლობას ვიღებ“, – განაცხადა სუნაკმა. მან ასევე აღნიშნა, რომ მალევე პარტიის ლიდერის თანამდებობასაც დატოვებს. სუნაკს პრემიერის თანამდებობაზე გამარჯვებული ლეიბორისტული პარტიის ლიდერი სერ კირ სტარმერი ჩაანაცვლებს.

ნატო-ს გენერალური მდივანი იენს სტოლტენბერგი იმედოვნებს, რომ უკრაინა თავდაცვის ალიანსს მომდევნო ათწლეულის განმავლობაში შეუერთდება. ამის შესახებ სტოლტენბერგმა სააგენტო DPA-სთან განაცხადა. მას მომდევნო ათი წლის განმავლობაში ალიანსის შესაძლო გაფართოების შესახებ დაუსვეს კითხვა. „დიდი იმედი მაქვს, რომ უკრაინა გახდება მოკავშირე“, – განაცხადა სტოლტენბერგმა. მისი თქმით, რაც უფრო ძლიერი იქნება მხარდაჭერა, მით უფრო მალე შეიძლება დასრულდეს ომი უკრაინაში. „ჩვენი მხარდაჭერა რაც უფრო ძლიერი იქნება, მით უფრო სწრაფად შეიძლება დასრულდეს ეს ომი. გრძელვადიან პერსპექტივაში რაც უფრო მეტ პასუხისმგებლობას ავიღებთ, მით უფრო მალე შეიძლება დასრულდეს ომი“, – განაცხადა სტოლტენბერგმა.

კრემლში უნგრეთის პრემიერმინისტრი, ვიქტორ ორბანი რუსეთის პრეზიდენტ, ვლადიმერ პუტინს ხვდება. პუტინმა აღნიშნა, რომ ორბანი მოსკოვში ჩასულია, როგორც ევროკავშირის საბჭოს თავმჯდომარე ქვეყანა. რუსული სამთავრობო მედიის ცნობით, მოლაპარაკებების ერთ-ერთი თემაა უკრაინა. „რა თქმა უნდა, მზად ვარ თქვენთან ერთად განვიხილო ნიუანსები ამ საკითხთან დაკავშირებით და იმედი მაქვს, რომ გამაცნობთ თქვენს პოზიციას, ევროპელი პარტნიორების პოზიციას”, – თქვა პუტინმა. როგორც პუტინმა აღნიშნა, მზადაა ორბანს მოსკოვის წინადადებების დეტალები წარუდგინოს. ორბანმა მადლობა გადაუხადა პუტინს მიღებისთვის. ,,მინდა გამოვიყენო ეს შესაძლებლობა თქვენთან ერთად არაერთი მნიშვნელოვანი საკითხის განსახილველად, მინდა ვიცოდე თქვენი პოზიცია ევროპისთვის მნიშვნელოვან საკითხებზე. ქვეყნების რაოდენობა, რომლებსაც შეუძლიათ კონფლიქტის…

უნგრეთის პრემიერის, ვიქტორ ორბანის მოსკოვში ჩასვლას ეხმაურება ევროკავშირის უმაღლესი წარმომადგენელი ჯოზეფ ბორელი. მისი თქმით, ეს ვიზიტი ,,ექსკლუზიურად, უნგრეთსა და რუსეთს შორის ორმხრივი ურთიერთობების ფარგლებში მიმდინარეობს”. როგორც ბორელმა აღნიშნა, პრემიერმინისტრ ორბანს არ მიუღია ევროკავშირის საბჭოსგან მოსკოვში ვიზიტის მანდატი. ,,უნგრეთი ახლა ევროკავშირის წევრი ქვეყანაა, რომელიც, როტაციული პრინციპით, 2024 წლის 31 დეკემბრამდე ევროკავშირის საბჭოს თავმჯდომარეა. ეს არ გულისხმობს კავშირის რაიმე გარე წარმომადგენლობას, ეს არის ევროსაბჭოს პრეზიდენტის პასუხისმგებლობა სახელმწიფოს ან მთავრობის მეთაურების დონეზე, და საგარეო საქმეთა და უსაფრთხოების პოლიტიკის ევროკავშირის უმაღლესი წარმომადგენლის მინისტრთა დონეზე. ევროკავშირის პოზიცია უკრაინის წინააღმდეგ რუსეთის აგრესიულ ომზე აისახება ევროპის საბჭოს…

უნგრეთის პრემიერმინისტრი, ვიქტორ ორბანი მოსკოვში ჩავიდა. არსებული ინფორმაციით, დაგეგმილია შეხვედრა რუსეთის პრეზიდენტ, ვლადიმერ პუტინთან. ორბანმა ვიზიტთან დაკავშირებით პოსტი სოციალურ ქსელში თავადაც გამოაქვეყნა აღწერით: ,,კიევის შემდეგ მოსკოვი. სამშვიდობო მისიის მეორე გაჩერება”. მანამდე მედიაში გავრცელდა ინფორმაცია, რომ ორბანი დღეს პუტინს შეხვდებოდა. Financial Times წყაროებზე დაყრდნობით წერს, რომ ორაბნი უკრაინასა და რუსეთს შორის შუამავლის როლის შესრულებას აპირებს. ამ კვირაში ორბანი კიევს ეწვია. ეს იყო მისი პირველი ვიზიტი უკრაინის დედაქალაქში 2012 წლის შემდეგ. მოგზაურობის დროს მან თქვა, რომ უკრაინის პრეზიდენტს ვლადიმერ ზელენსკის შესთავაზა განიხილოს ცეცხლის შეწყვეტა რუსეთთან სამშვიდობო მოლაპარაკებების დაჩქარების მიზნით. ევროპული საბჭოს პრეზიდენტმა…

უნგრეთის პრემიერ-მინისტრი ვიქტორ ორბანი მიიჩნევს, რომ ბრიუსელის კომფორტული სავარძლიდან მშვიდობა ვერ დამყარდება. მისი თქმით, მიუხედავად იმისა, რომ ევროკავშირის თავმჯდომარეობა არ იძლევა მანდატს ბრიუსელის სახელით მოლაპარაკებების საწარმოებლად, ის არ აპირებს ჯდომას და ომის სასწაულებრივად დასრულების დალოდებას. „შენ არ შეგიძლია ბრიუსელის კომფორტული სავარძლიდან მშვიდობის დამყარება. იმის გათვალისწინებითაც კი, რომ როტაციის პრინციპით განხორციელებული ევროკავშირის თავმჯდომარეობა არ გვანიჭებს მანდატს ევროკავშირის სახელით მოლაპარაკებების საწარმოებლად, ჩვენ არ შეგვიძლია ვისხდეთ და ველოდოთ, რომ ომი სასწაულებრივად დასრულდება. ჩვენ ვიმოქმედებთ როგორც მნიშვნელოვანი ბერკეტი, რომელიც მშვიდობისკენ პირველ ნაბიჯს გადადგამს. ამას ემსახურება ჩვენი სამშვიდობო მისია“, – დაწერა ორბანმა X-ზე. როგორც ცნობილია,…