დღე: ივნისი 17, 2024

თბილისის მერიის მუნიციპალური სერვისების განვითარების სააგენტო, შინაგან საქმეთა სამინისტროსთან ერთად, ახორციელებს საპილოტე პროექტს, რომლის მიზანი კონკრეტულ ლოკაციებზე დამონტაჟებული დეტექტორების მეშვეობით, სატრანსპორტო საშუალებების ხმაურის დონის დადგენაა. ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა. როგორც მან აღნიშნა, საპილოტე პროექტის განხორციელებით, შესაძლებელი იქნება ხმაურის დონის რეგულაციის დამრღვევი სატრანსპორტო საშუალებების გამოვლენა და მათი მფლობელებისთვის შესაბამისი ჯარიმის დაკისრება. „აღნიშნული დეტექტორები უკვე დამონტაჟებულია ალექსანდრე ყაზბეგის გამზირზე, წინასწარ განსაზღვრულ ოთხ სხვადასხვა ლოკაციაზე. ამ დროისთვის მიმდინარეობს საპილოტე პროექტის ტესტირება. ტესტირების წარმატებით დასრულების შემდგომ, შესაძლებელი იქნება ხმაურის დონის რეგულაციის დამრღვევი სატრანსპორტო საშუალებების გამოვლენა და მათი მფლობელებისთვის…

საქართველოს ეროვნული საფეხბურთო ნაკრების სამივე შეხვედრის ნახვა მიხეილ მესხის სახელობის სტადიონზე, დიდ ეკრანებზე იქნება შესაძლებელი. ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე ისაუბრა. როგორც მან აღნიშნა, 18 ივნისს საქართველო-თურქეთის მატჩის სტადიონზე ყურებას მაყურებელი 20:00 საათიდან შეძლებს. „მთელი საქართველო სულმოუთქმელად ელოდება საქართველოს ნაკრების თამაშებს ევროპის 2024 წლის ჩემპიონატზე. რა თქმა უნდა, ყველას სურს იმ სიხარულის გაზიარება, რაც ჩვენმა ეროვნულმა ნაკრებმა გვაჩუქა. ძალიან ბევრი ადამიანი გაემგზავრა გერმანიაში საგულშემატკივროდ, თუმცა ბევრმა ეს ვერ მოახერხა და ეროვნულ ნაკრებს საქართველოდან უგულშემატკივრებს. ამიტომ მივიღეთ გადაწყვეტილება, ნაკრების ყველა თამაში მიხეილ მესხის სახელობის სტადიონზე ვაჩვენოთ. სამზადისი…

გურჯაანის ნატო ვაჩნაძის სახლ-მუზეუმში ნატოობის 120 წლისთავი მასშტაბურად აღინიშნა. ნატო ვაჩნაძის ფონდის საბჭოს ერთსულოვანი გადაწყვეტილებით “ნატო ვაჩნაძის პრემიის” გამარჯვებული წელს ქალბატონი მზექალა შანიძე გახდა. გამარჯვებულს გურჯაანის საბიბლიოთეკო და სამუზეუმო გაერთიანებისგან ფულადი ჯილდო გადაეცა. პრემიის მიზანია ქალთა ხმების გაძლიერება და ქალი პროფესიონალების დაფასება. სწორედ იმ ქალების, რომლებიც პოპულარიზაციას უწევენ სხვადასხვა დარგს, სფეროს, და თავად წარმოადგენენ ახალი თაობის სტიმულს, მხარს უჭერენ და გამბედაობას უნერგავენ ახალგაზრდა ქალებს, რომ გახდნენ დამოუკიდებელი პროფესიონალები. ნატო ვაჩნაძის 120 წლის იუბილე მისი შვილთაშვილის ნატალია ჯუღელის, გურჯაანის მუნიციპალიტეტის მერიის და ა(ა)იპ გურჯაანის საბიბლიოთეკო და სამუზეუმო გაერთიანების ორგანიზებით აღინიშნა. ღონისძიებას…

,,ტურიზმსა და ავიაციაში გვაქვს რეკორდული მაჩვენებლები”, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის სხდომაზე განაცხადა. როგორც მთავრობის მეთაურმა აღნიშნა, კვარტალურ ჭრილში დაფიქსირდა რეკორდული შემოსავლები ტურიზმიდან – 808 მილიონი დოლარი, რამაც პანდემიამდელ მაჩვენებელს 40 პროცენტით გადააჭარბა. „ეს არის რეკორდული მაჩვენებელი. ჩვენ ამ კვარტალში ვუმასპინძლეთ მილიონ 300 ათას საერთაშორისო მოგზაურს, რაც შარშანდელთან შედარებით არის 8-პროცენტიანი ზრდა. რაც შეეხება საერთაშორისო ტურისტებს, აქაც გვაქვს რეკორდული მაჩვენებელი – ჩვენს ქვეყანაში ერთი კვარტლის განმავლობაში ვუმასპინძლეთ 939 ათას ტურისტს“, – აღნიშნა პრემიერ-მინისტრმა. პრემიერმა ავიაციის სფეროში არსებულ მაჩვენებლებზეც ისაუბრა და აღნიშნა, რომ ზაფხულის სეზონზე შესრულდება 13 600…

,,37 000 მასწავლებელს, რაც მასწავლებლების კონტიგენტის 70%-ია, ანაზღაურება გაეზრდება სულ მცირე 500 ლარით, მათ შორის, მასწავლებელთა გარკვეულ კატეგორიას შრომის ანაზღაურება გაეზრდება 800 ლარით”, – ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა. მთავრობის მეთაურის თქმით, მომდევნო 4 წლის განმავლობაში რეფორმები გაგრძელდება როგორც ზოგადი, ასევე უმაღლესი განათლების ყველა სფეროში. „ჯერ კიდევ შარშან დაანონსდა, რომ ამ წლის პირველი ივლისიდან ამოქმედდება მასწავლებლების შრომის ანაზღაურების ახალი სქემა და საშუალო ზრდა იქნება 500 ლარი. ჩვენს საჯარო სკოლებში სულ არის 52 000 მასწავლებელი, აქედან 37 000 მასწავლებელს, რაც მასწავლებლების კონტიგენტის 70%-ია, ანაზღაურება გაეზრდება სულ მცირე…

რეჟისორ ელენე მაცხონაშვილის თქმით, 14 ივლისს, საფრანგეთში, ლევილის ქართულ მამულში გაიმართება სპექტაკლი ,,ცის კარი”, რომელიც ორი წლის წინ დადგა. პროტესტის ნიშნად კი არ აპირებს საფრანგეთში წავიდეს. ,,ა.წ. 14 ივლისს, საფრანგეთში, ლევილის ქართულ მამულში გაიმართება (ოზურგეთის თეატრში, ორი წლის წინ ჩემ მიერ დადგმული) სპექტაკლი – ,,ცის კარი”. მე, ვამბობ უარს და ლოგიკურია, რომ არ მივდივარ. იმ კეკლუცობის ფუფუნება, “ქართული კულტურის პოპულარიზაცია” ან ,,მე ჩემს საქმეს ვაკეთებ” რომ ჰქვია, აღარ არის. მე და მთავრობის წევრები, ვინც ჩვენ წარსულს და ჩვენს შვილებს მომავალს გვართმევენ, ასევე ადამიანები, ვინც ძალადობას საჯაროდ არ გმობენ, ერთად აღარასდროს…

17-18 ივნისს საქართველოში მოსალოდნელია დროგამოშვებით წვიმა ელჭექით, ზოგან  ძლიერი, შესაძლებელია სეტყვა, ქარის გაძლიერება, ზღვაზე 3-4 ბალიანი შტორმული ღელვა. მოსალოდნელმა ნალექებმა საქართველოს მდინარეებზე შესაძლებელია წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო).

აქტივისტი დათუნა დანელია სოციალრ ქსელში ფოტოს ავრცელებს და წერს, რომ დღეს დილით თავს დაესხნენ მოქალაქე ლერი დარჯანიას. ახალგაზრდა კაცს, სავარაუდოდ, ცხვირი აქვს გატეხილი. ,,დღეს დილით 8 საათისთვის, ჩემს მეგობარს და თანამებრძოლს ლერი დარჯანიას დახვდნენ ოცნების “ტიტუშკები” დაახლოებით 7 კაცი და ფიზიკურად გაუსწორდნენ. პოლიტიკური ანგარიშსწორებები არ მთავრდება ქართული ოცნების მხრიდან… ლერი მოჭიდავეა იცოდნენ , 1 და 2 ქოცი “ტურა” ვერ მოერეოდა , ლერი კარგად იქნება, მაგრამ 26 ოქტომბერს ამაზე ყველა მკაცრ პასუხს მიიღებს!”, – წერს დათუნა დანელია.

ცაგერის მუნიციპალიტეტში სტიქიისგან მიყენებული ზარალის დათვლა გრძელდება. მერიაში შექმნილი სპეციალური კომისიის წევრები დაზარალებულ მოსახლეობას ხვდებიან და მათ საჭიროებებს ეცნობიან. შეგახსენებთ, რომ 16 ივნისს, დილით მოსულმა ძლიერმა წვიმამ, ქარმა და სეტყვამ ცაგერის 12 სოფელში მოსახლეობას საცხოვრებელი სახლები, ვენახები და სახნავ-სათესი სავარგულები დაუზიანა.