გერმანია საკუთარ მოქალაქეებს აუცილებლობის გარეშე ტურისტული მიზნით საქართველოში მოგზაურობასთან დაკავშირებით სიფრთხილისკენ მოუწოდებს.
გერმანიის საგარეო უწყების განცხადებაში ნათქვამია, რომ საქართველო პანდემიისგან ნაკლებად არის დაზარალებული, თუმცა სექტემბერში ინფიცირების შემთხვევებმა რეკორდულად იმატა. ყურადღება გამახვილებულია აჭარის რეგიონზე.
განცხადებაში გერმანიიდან საქართველოში მოგზაურობისთვის საჭირო პროცედურებისა და ქვეყანაში არსებული შეზღუდვების შესახებ ინფორმაციაა წარმოდგენილი.
