არასრულწლოვანი ანა გაბეჩავა, რომლის დაბადების დღეზე დაწყებულ და ქუჩაში გაგრძელებულ კონფლიქტს 19 წლის გიორგი შაქარაშვილი ემსხვერპლა, შსს-ში დაკითხვაზე ისევ დაიბარეს.
გაბეჩავასთან ერთად შსს-ში იმყოფება დაბადების დღის დიჯეი და მისი მეგობარი კონსტანტინე ღიბრაძე. მათ, სამინისტროში შესვლისას მედიასთან კომენტარი არ გააკეთეს.
შეგახსენებთ, რომ როგორც გაბეჩავა, ისე ღიბრაძე შსს-ში არაერთხელ გამოიკითხა. იუბილარის ბოლო გამოკითხვა დაახლოებით 6 საათი გაგრძელდა.
რაც შეეხება საქმისთვის ბრალდებულ 17 პირს, პირველი სასამართლო სხდომა 31 მაისს გაიმართება.
