თბილისის ინფექციური საავადმყოფოს დირექტორის, თენგიზ ცერცვაძის განცხადებით, კლინიკაში ამჟამად 46 პაციენტი იმყოფება, რომელთაგან 30 კორონავირუსითაა ინფიცირებული.
ცერცვაძის განმარტებით, ლუგარის ლაბორატორიიდან 12 პირის შემთხვევაში ანალიზის პასუხებს ელოდებიან.
„გარდა ამისა, შვიდი პაციენტი დადასტურებული კორონავირუსული ინფექციით წევს ქვეყნის სხვა კლინიკებში, რომლებიც განისაზღვრა, როგორც მიმღები ინფექციურ საავადმყოფოსთან ერთად ამ კორონავირუსის ინფექციების. ერთი იცით, რომ გაჯანმრთელებული გაეწერა. ანუ სულ ამ მომენტისთვის საქართველოში დაფიქსირებულია 38 დადასტურებული შემთხვევა“ ,- განაცხადა თენგიზ ცერცვაძემ.
