ისრაელის იერიშებს კონფლიქტის ზონაში დღეს 33 ადამიანი ემსხვერპლა. ღაზის ცენტრალურ ნაწილში მდებარე დევნილთა ბანაკებიდან ხალხი ევაკუაციას ცდილობს.
ჯანდაცვის მსოფლიო ორგანიზაციის ცნობით, ღაზის სექტორში ეპიდემიის საფრთხეა. პოლიომიელიტის გავრცელების საშიშროების გამო გაეროს ჯანდაცვის უწყება ცეცხლის შეწყვეტას ბავშვების ვაქცინაციის უზრუნველყოფისთვის ითხოვს.
ცეცხლის შეწყვეტის შესახებ ამერიკის, ყატარის და ეგვიპტის შუამავლობით რომში ჩატარებულმა სამშვიდობო მოლაპარაკებებმა შედეგის გარეშე ჩაიარა, ტერორისტული დაჯგუფება ,,ჰამასი” აცხადებს, რომ ბენიამინ ნეთანიაჰუმ სამშვიდობო წინადადებაში დამატებითი პუნქტები ჩაამატა.
