ევროკავშირის თავმჯდომარე ქვეყნის, ბელგიის მთავრობა ადასტურებს, რომ ევროკავშირის ელჩები რუსეთის წინააღმდეგ, საერთაშორისო სანქციების მე-14 პაკეტზე შეთანხმდნენ.
როგორც ოფიციალურ განცხადებაშია ნათქვამი, პაკეტი გულისხმობს ახალი ზომების მიღებას უკვე არსებული სანქციების გაძლიერების მიზნით, ასევე ხარვეზების აღმოფხვრას.
Reuters-ის ცნობით ახალი პაკეტი, სხვა საკითხებთან ერთად, ითვალისწინებს რუსული თხევადი გაზის გადაზიდვის აკრძალვას.
შეგახსენებთ, რუსეთის უკრაინაში შეჭრის შემდეგ, 2 წელიწადში ევროკავშირმა აგრესორი ქვეყნის წინააღმდეგ სანქციების 13 პაკეტი დაამტკიცა. ბოლო, მე-13 პაკეტი თებერვალში დამტკიცდა.
