ქობულეთში 18 წლის ახალგაზრდა, სანდრო ხალვაში გარდაიცვალა. ამის შესახებ ინფორმაციას შოთო სიხარულიძე ავრცელებს.
„გლოვობს ჩემი ქობულეთი, გარდაიცვალა 18 წლის სანდრო ხალვაში, ოქროს ბიჭი! შენთან რა უნდოდა სიკვდილს… ეს იყო შენი ბედი? იმდენი რამე მინდა ვუთხრა მის გამწარებულ ოჯახს, რომელმაც შვილი დაკარგა… ალბათ, არც დროა ამისი და არც ადგილი… უბრალოდ, ვფიქრობ, სანდრო ჩვეულებრივად მოვიდა დედამიწაზე გაგვივსო გულები სიყვარულით და წავიდა ზეცაში… და გადაინაცვლა მარადიულობაში… რამდენი ანგელოზი შეემატა ზეციურ სამყაროს? ნეტავ…. ეს არის ტრაგედია რომელსაც სახელს ვერ დაარქმევ… იმდენად ჩაჩუმებული იყო ქობულეთი (ხალა) რომ შეატყობდი რაღაც მომხდარაო, ახალგაზრდა სანდრო ხალვაში ანგელოზად გადაქცეულაო.. სად მიდიან ეს სიცოცხლით გაუმაძღარი ახალგაზრდები, ეს ანგელოზები, ალბათ იქ, სადაც არ არსებობს დრო, იქ, სადაც მარადიული სიცოცხლეა… იქ, სადაც ბევრი ჩვენიანია… გულში ჩაგიკრავენ მოგიშუშებენ შენს ნაიარევს… დედამიწაზე ამ ნაიარევს არცერთი წამალი არ შველის… ტკბილად იძინე…“ – წერს შოთო სიხარულიძე.
