თუშეთში, სოფელ ომალოში, სახლის სარდაფში, 1 წლის წინ გარდაცვლილი ადამიანის ცხედარი იპოვეს.
არსებული ინფორმაციით, გარდაცვლილის სხეულს სახლის მფლობელმა იმ დროს მიაკვლია, როცა სარდაფს ათვალიერებდა. მანამდე ფართის მეპატრონე უცხო ქვეყანაში ცხოვრობდა და 2 წლის განმავლობაში ომალოში არ ყოფილა.
ადგილზე ექსპერტ-კრიმინალისტებმა იმუშავეს. ცხედარი ჭერზე თოკით იყო დაკიდებული.
ერთ-ერთი ვერსიით, არ არის გამორიცხული, რომ ცხედარი უცხოელ ტურისტს ეკუთვნოდეს. მომხდარზე დაწყებულია გამოძიება.
