აშშ-ის კოლორადოს შტატის ქალაქ დენვერის სკოლაში 17 წლის მოსწავლემ სკოლის ორი თანამშრომელი ცეცხლსასროლი იარაღით დაჭრა, შემდეგ კი ადგილიდან მიიმალა.
მედიის ინფორმაციით, ერთი დაშავებულის მდგომარეობა კრიტიკულად მძიმეა, მეორესი კი – სტაბილური.
სავარაუდო დამნაშავე 17 წლის ოსტინ ლაილია, რომელიც მკვლელობის მცდელობის ბრალდებით იძებნებოდა. NYT-ის ცნობით, პოლიციამ ლაილის ავტომანქანა პარკში იპოვა, მოგვიანებით კი მისი ცხედარიც ნახეს.
