პარიზში, ეთნიკურად ქურთ მომიტინგეებსა და პოლიციას შორის დაპირისპირებაა

საფრანგეთში პოლიციასა და ქურთების თემის წევრებს შორის შეტაკებები მოხდა. ქურთების თემის წარმომადგენლები სამართალდამცველებს მას შემდეგ დაუპირისპირდნენ, რაც პარიზის ცენტრში, საფრანგეთის რკინიგზის სამსახურის ყოფილმა თანამშრომელმა მათი თემის 3 წევრი სროლისას მოკლა. შემთხვევა გუშინ მოხდა.

Reuters -ის ცნობით, დემონსტრანტებმა პარიზში რამდენიმე მანქანა ამოატრიალეს. დედაქალაქში, რესპუბლიკის მოედნის ტერიტორიაზე, ხანძარიც გაჩნდა. დაპირისპირების შედეგად, დაშავებულია ათობით ადამიანი, ჩამტვრეულია მაღაზიისა და სავაჭრო ცენტრების ვიტრინები.

დემონსტრანტებმა ჭურვები ესროლეს პოლიციას, რომელმაც საპასუხოდ ცრემლსადენი გაზი გამოიყენა.

მსგავსი თემები