„ნიუ იორკ თაიმსის” ინფორმაციით, რუსეთის სამხედრო მეთაურები უკრაინაში ბირთვული იარაღის გამოყენებას განიხილავდნენ. გამოცემა აღნიშნულ ინფორმაციას ამერიკელ მაღალჩინოსნებზე დაყრდნობით ავრცელებს.
გამოცემის ცნობით, რუსეთის სამხედრო მეთაურები აწარმოებდნენ დისკუსიას იმის შესახებ, თუ როდის და როგორ შეუძლია რუსეთს უკრაინაში ტაქტიკური იარაღის გამოყენება.
მათივე ინფორმაციით, რუსეთის პრეზიდენტი ვლადიმერ პუტინი აღნიშნულ დისკუსიებში არ მონაწილეობდა.
