დღე: ივლისი 31, 2024

უფლებადამცველი ორგანიზაციების ინფორმაციით, ვენესუელაში მიმდინარე საპროტესტო აქციების დროს, სულ მცირე 11 მშვიდობიანი მოქალაქე დაიღუპა, მათ შორის არასრულწლოვანებიც არიან. დაკავებულია 750 დემონსტრანტი, ქვეყნის თავდაცვის მინისტრმა კი საპროტესტო აქციებს „გადატრიალება“ უწოდა. ქვეყნის გენერალურმა პროკურორმა განაცხადა, რომ აქციის მონაწილეებთან შეტაკების შედეგად ჯარისკაცი გარდაიცვალა, ოპოზიციის ერთ-ერთმა ლიდერმა მარია კორინა მაჩადომ კი მოსახლეობას მოუწოდა, რომ პროტესტი მშვიდობიანი უნდა იყოს. საპრეზიდენტო არჩევნები ვენესუელაში 28 ივლისს ჩატარდა. 29 ივლისს კი ეროვნულმა საარჩევნო საბჭომ ნიკოლას მადურო არჩეულ პრეზიდენტად გამოაცხადა. ორშაბათს ვენესუელაში მასშტაბური საპროტესტო გამოსვლები დაიწყო. კარაკასში პოლიციასა და აქციის მონაწილეებს შორის შეტაკებები მოხდა.

ისრაელის თავდაცვითი ძალების სპიკერმა, დანიელ ჰაგარიმ განაცხადა, რომ ისრაელს არ სურს ომი, მაგრამ მზად არის ამისთვის. „8 ოქტომბერს, ტერორისტულმა ორგანიზაცია „ჰეზბოლამ“ დაიწყო ომი ისრაელის წინააღმდეგ და ამით შეუერთდა ტერორისტულ ორგანიზაცია „ჰამასს“. ჩვენ მტკიცედ ვიბრძვით. ისრაელს არ სურს ომი, მაგრამ ჩვენ კარგად ვართ მომზადებული ამისთვის“, – აღნიშნა დანიელ ჰაგარიმ. მანამდე ისრაელის თავდაცვით ძალებში დაადასტურეს, რომ „ჰეზბოლას“ მეთაური, ფუად შუკრი ბეირუთზე საჰაერო თავდასხმის შედეგად გაანადგურეს. ისრაელის არმიაში აღნიშნავენ, რომ შუკრი, ასევე ცნობილი როგორც ჰაჯ მოჰსინი „ჰეზბოლას“ მაღალი რანგის სამხედრო მეთაურია. ისრაელის თავდაცვით ძალებში ასევე განაცხადეს, რომ ფუად შუკრი პასუხისმგებელი იყო „ჰეზბოლას“ ყველაზე…

„ჰამასის“ პოლიტიკური ლიდერის, ისმაილ ჰანიეს მკვლელობას თურქეთის საგარეო საქმეთა სამინისტრო ეხმაურება. უწყებაში მომხდარი „თეირანში განხორციელებულ სამარცხვინო მკვლელობად“ შეაფასეს. ანკარაში ამბობენ, რომ „ეს თავდასხმა ასევე მიზნად ისახავს ღაზის ომის რეგიონის მასშტაბით გავრცელებას“. როგორც „ჰამასში“ დღეს განაცხადეს, ისრაელმა მათი პოლიტიკური ლიდერი ისმაილ ჰანიე თეირანში რეიდის დროს მოკლა. „ჰამასის“ წარმომადგენელმა, სამი აბუ ზუჰრიმ აღნიშნა, რომ ისინი ისრაელთან ღია ომში იმყოფებიან და მზად არიან, ნებისმიერი ფასი გადაიხადონ. „ჰამასის“ პოლიტიკური ლიდერი ისმაილ ჰანიე ბოლოს საჯაროდ გუშინ ირანის პრეზიდენტის, მასუდ ფეზეშქიანის ინაუგურაციაზე გამოჩნდა.

პალესტინის პრეზიდენტმა მაჰმუდ აბასმა „ჰამასის“ ლიდერის ისმაილ ჰანიეს მკვლელობას თეირანში „ლაჩრული აქტი და სახიფათო მოვლენა“ უწოდა. მან ასევე მოუწოდა პალესტინელებს, რომ გაერთიანდნენ, იყვნენ მოთმინებით და მტკიცე ისრაელის ოკუპაციის წინაშე. შეგახსენებთ, რომ „ჰამასის“ ლიდერი თეირანში გუშინ, გვიან ღამით მოკლეს. ის ირანის დედაქალაქში ქვეყნის ახალი პრეზიდენტის მასუდ პეზეშკიანის ინაუგურაციაზე იყო ჩასული.

ჰელსინკის კომისიის 26 ივლისით დათარიღებულ წერილში, რომლის ადრესატიც აშშ-ის სახელმწიფო მდივნი, ენტონი ბლინკენია, ,,ქართული ოცნების” საპატიო თავმჯდომარის, ბიძინა ივანიშვილისა და მისი გარემოცვის წინააღმდეგ ინდივიდუალური ფინანსური სანქციების დაწესებაა მოთხოვნილი. წერილს ხელს აწერენ კონგრესმენები – ჯო უილსონი, სტივ კოენი, რიჩარდ ჰადსონი და მარკ ვეისი, ორპარტიული ლიდერები. ,,მიგვაჩნია, რომ შესაფერისი დროა, დაიწყოს საქართველოში არსებული კორუფციისა და მავნე გავლენის ძირითადი კვანძების მიმართ ინდივიდუალური ფინანსური სანქციების ნიველირების პროცესი, კონკრეტულად, ბიძინა ივანიშვილი და მისი ახლო წრე”, – აღნიშნულია წერილში. ორპარტიული წერილი გავრცელდა მას შემდეგ, რაც კონგრესში შეჩერდა კანონმდებლობა MEGOBARI Act, რომელიც მიზნად ისახავს ფინანსურის სანქციების დაწესებას…

„ჰამასის“ პოლიტიკური ლიდერის, ისმაილ ჰანიეს მკვლელობასთან დაკავშირებით, ისრაელს ოფიციალური განცხადება ჯერ არ გაუვრცელებია, თუმცა მომხდარს ისრაელის მემკვიდრეობის მინისტრი, ამიჩაი ელიაჰუ გამოეხმაურა. მან სოციალურ ქსელ ქსელში დაწერა, რომ ჰანიეს სიკვდილის შემდეგ „მსოფლიო უკეთესი ადგილი გახდა“. „ეს არის სამყაროს სიბინძურისგან გათავისუფლების სწორი გზა. აღარც მოჩვენებითი „მშვიდობა“/ჩაბარების შეთანხმებები, აღარც წყალობა მათთვის. რკინის ხელი, რომელიც მათ დარტყმას მიაყენებს, არის ის ხელი, რომელიც მშვიდობას და მცირე კომფორტს მოუტანს, გააძლიერებს ჩვენს უნარს, ვიცხოვროთ მშვიდობიანად მათთან, ვისაც მშვიდობა სურს“, – წერს მემკვიდრეობის მინისტრი.  

,,საქართველოს ხელისუფლებამ არასწორი გზა აირჩია, ამის გამოსწორების საშუალება სამართლიანი არჩევნების ჩატარებაა”, – ამის შესახებ აშშ-ის სახელმწიფო მდივნის თანაშემწე ევროპისა და ევრაზიის საკითხებში ჯეიმს ო’ბრაიენი აშშ-ის სენატის საგარეო ურთიერთობათა კომიტეტში განაცხადა, სადაც მიმდინარეობს მოსმენა ,,ევროპის მომავალი”. ,,ჩვენ ვხედავთ, რომ საქართველოში პარტიული ელიტები უარს ამბობენ ევროკავშირის გზაზე. ჩვენ ვიცით, რომ საქართველოს მოსახლეობა უჭერს მხარს ევროატლანტიკურ ინტეგრაციას და ამან აიძულა მთავრობა, რომ ჩაედოთ ეს პუნქტი კონსტიტუციაში. ამ ეტაპზე, ჩვენ უნდა ვიცოდეთ, რომ საქართველო და ქართველი ხალხი ითხოვს გაერთიანებას იმ კლუბებში, რომელშიც ჩვენ ვართ გაერთიანებული. მაგრამ უნდა იცოდნენ, რომ იმისთვის, რომ შეუერთდნენ ამ კლუბს,…

,,ჰამასის” პოლიტიკური ლიდერი, ისმაილ ჰანიე ირანის დედაქალაქ თეირანში მოკლეს. ინფორმაციას CNN-ი ირანის რევოლუციური გვარდიის კორპუსისა და ,,ჰამასის” განცხადებებზე დაყრდნობით ავრცელებს. ,,ჰამასის” განცხადების თანახმად, ჰანიე თეირანში მისი რეზიდენციის ,,დარბევის” დროს მოკლეს. დაჯგუფება მკვლელობაში ბრალს ისრაელს სდებს. ,,ჰამასის” პოლიტბიუროს წევრმა მუსა აბუ მარზუკმა თქვა, რომ ეს იყო ,,მშიშარა საქციელი”, რომელიც ,,უპასუხოდ არ დარჩება”. ირანის რევოლუციური გვარდიის კორპუსმა განაცხადა, რომ ,,ინციდენტის” მიზეზი დაუყოვნებლივ არ არის ნათელი, მაგრამ მიმდინარეობს ,,გამოძიება”. ჯგუფის ცნობით, ჰანიე დაიღუპა ირანის ახალი პრეზიდენტის მასუდ ფეზეშქიანის ინაუგურაციის ცერემონიაში მონაწილეობის შემდეგ, რომელმაც სამშაბათს ფიცი დადო. ისრაელს ჯერ საპასუხო განცხადება არ გაუვრცელებია.

საქართველოს პრემიერმინისტრი ირაკლი კობახიძე ირანის პრეზიდენტის ინაუგურაციას ,,ჰამასის” ლიდერთან ერთად დაესწრო. ფოტოს, სადაც კობახიძესთან და სხვა ლიდერებთან ერთად ,,ჰამასის” ლიდერი, ისმაილ ჰანიე ჩანს, მთავრობის ადმინისტრაცია ავრცელებს. ,,საქართველოს პრემიერ-მინისტრი ირაკლი კობახიძე, პირველ ვიცე-პრემიერთან, ეკონომიკისა და მდგრადი განვითარების მინისტრ ლევან დავითაშვილთან ერთად, ირანის ისლამური რესპუბლიკის პრეზიდენტის მასუდ ფეზეშქიანის ინაუგურაციას დაესწრო, რომელიც ირანის ისლამური რესპუბლიკის მეჯლისში გაიმართა. ირანის ახლად არჩეული პრეზიდენტის ფიცის დადების ცერემონიას 70 ქვეყნის მაღალი რანგის დელეგაცია ესწრებოდა”, – წერს მთავრობის ადმინისტრაცია.