თვე: ივლისი 2024

„ბურთის გარეშე პირველად ვარ“- ამ სიტყვებით მიმართა თავისუფლების მოედანზე შეკრებილ ქომაგებს საქართველოს ეროვნული ნაკრების წევრმა ნიკა კვეკვესკირმა. კვეკვესკირი გულშემატკივრებს გუნდის წევრებს წარუდგენს. ფეხბურთელთა ნაწილი უკვე სცენაზეა.   თავისუფლების მოედანზე საზეიმო ღონისძოიება დაიწყო  

პრემიერ-მინისტრისა და პარლამენტის თავმჯდომარის წარდგინებით ღირსების ორდენზე წარდგენილნი იქნენ ნაკრების ის ფეხბურთელებიც, რომლებიც არ იყვნენ საკვალიფიკაციო მატჩების განაცხადში, მაგრამ ევროპის ჩემპიონატის განაცხადში მოხვდნენ. ინფორმაციას მთავრობის ადმინისტრაცია ავრცელებს. ამავე ცნობით, ეს ფეხბურთელები არიან: ჯიმი ტაბიძე, გაბრიელ სიგუა და საბა ლობჟანიძე. საქართველოს ნაკრების ღირსების ორდენით დაჯილდოების თაობაზე გადაწყვეტილება პრემიერ-მინისტრმა და პარლამენტის თავმჯდომარემ ერთობლივად მიიღეს. ნაკრებთან ერთად ღირსების ორდენით მთლიანად სამწვრთნელო შტაბი დაჯილდოვდება.

დამამძიმებელ გარემოებაში ჩადენილი აითაჯ შახმიროვას განზრახ მკვლელობის ფაქტზე ბრალდებულს უვადო თავისუფლების აღკვეთა განესაზღვრა. ინფორმაციას პროკურატურა ავრცელებს. ამავე ცნობით, მტკიცებულებების მიხედვით, 2023 წლის ზაფხულში, ბრალდებულმა 14 წლის აითაჯ შახმიროვა მსჯავრდებულმა  იძულებითი ქორწინების მიზნით მოიტაცა.  დაზარალებულს შეზღუდული ჰქონდა თავისუფალი გადაადგილების უფლება, აღნიშნულის მიუხედავად, არასრულწლოვანმა გაქცევა მოახერხა, თუმცა გოგონას ოჯახის წევრებმა იგი უკან დააბრუნეს. “6 ოქტომბერს, ბრალდებულმა,  14 წლის არასრულწლოვანს ცეცხლსასროლი იარაღიდან რამდენიმე ჭრილობა მიაყენა. მიღებული დაზიანებების შედეგად აითაჯ შახმიროვა ადგილზე გარდაიცვალა. დაკავებულს ბრალდება საქართველოს სისხლის სამართლის კოდექსის 109-ე მუხლის ,,ე’’ ,,თ’’ და ,,კ’’ ქვეპუნქტით (განზრახ მკვლელობა, ჩადენილი არასრულწლოვანი ოჯახის წევრის მიმართ გენდერის ნიშნით),…

სრულიად საქართველოს კათოლიკოს-პატრიარქი ეროვნულ ნაკრებს წარმატებებს ულოცავს. შესაბამის მიმართვას საპატრიარქო ავრცელებს. „საქართველოს ფეხბურთის  ეროვნულ ნაკრებს, მწვრთნელებს, სრულიად საქართველოს და უცხოეთში მყოფ თანამემამულეთ, გულითადად ვულოცავთ ევროპის ჩემპიონატზე ჩვენი ქვეყნის სახელით ღირსეულ გამოსვლას. ამ ფაქტმა, შეიძლება ითქვას,  მოიცვა მთელი ქვეყანა და ხალხს  განსაკუთრებული სიხარული მოანიჭა, უპირველეს ყოვლისა იმიტომ, რომ  მსოფლიოს წინაშე  ღირსეულად წარმოჩინდა საქართველო და სხვადასხვა ქვეყნის წარმომადგენლებიც პატივისცემით განეწყვნენ. გილოცავთ და გლოცავთ, ჩვენო საყვარელო ფეხბურთელებო. ღმერთმა დალოცოს თითოეული თქვენგანი. ღმერთმა მოგვმადლოს ერთობა და ქვეყნისთვის ფრიად მნიშვნელოვანი სხვა დიდი გამარჯვებები” – აღნიშნულია პატრიარქის წერილში.

თბილისის საქალაქო სასამართლომ ბლოგერი უჩა აბაშიძე და მისი მეუღლე, მარიამ იაშვილი პატიმრობაში დატოვა. აბაშიძის ადვოკატი შოთა თუთბერიძეს ამბობს, რომ მხარეებს შორის მტკიცებულებების გაცვლა არ მომხდარა. მისივე მტკიცებით, პროკურატურა დაცვის მხარეს მტკიცებულებათა მნიშვნელოვან ნაწილს არ აძლევს. “ასევე, საქმეში რამდენიმე მნიშვნელოვანი ხარვეზი გხვდება, მათ ჩხრეკის ოქმი, სავარაუდოდ, 2-3 დღის შემდეგ შეადგინეს ჩხრეკის ჩატარებიდან. ჩხრეკის ოქმში გამომძიებლად დაფიქსირებულია პირი, რომელიც მანამდე ამავე საქმეზე მოწმედ იყო გამოკითხული. მიგვაჩნია, რომ მტკიცებულებები დაუშვებელია, ის კანონით დადგენილი წესის დარღვევით არის მოპოვებული… მტკიცებულება, რომელიც საცხოვრებელი სახლის ჩხრეკისას არის ამოღებული, ამ სახლში არ იყო აღმოჩენილი. პროკურატურა ამტკიცებს, რომ უჩა…

საქართველოს ეროვნული ნაკრების წევრს, ბუდუ ზივზივაძეს სახლთან პატარა ქომაგები დღეს მთელი დღის განმავლობაში ელოდებოდნენ. ფეხბურთელი მათ რამდენიმე წუთის წინ შეხვდა და ავტოგრაფებიც დაარიგა. „ძალიან ბედნიერი ვარ, რომ ფეხბურთი ასე უყვართ, გულშემატკივრობენ საქართველოს ნაკრებს და ვიმედოვნებ, რომ ბევრი მათგანი ითამაშებს ფეხბურთს. ერთი წლის წინ, ალბათ წარმოუდგენელი იყო, რომ ვინმე ასე დამხვდებოდა კორპუსთან”- ამბობს ზივზივაძე.   “ინფორმაცია მაქვს, რომ დღეს გადმოგვცემენ ღირსების ორდენებს”- ბუდუ ზივზივაძე

სტიქიამ პრობლემები შექმნა წალენჯიხაში. არსებული ონფორმაციით, ძლიერი სეტყვისა და გრიგალის შედეგად დაზიანებულია რამდენიმე სახლი.

2025 წლიდან ტექინსპექტირების ცენტრების მონიტორინგი იგეგმება. „ტექინსპექტირების ცენტრების კავშირის“ აღმასრულებელი დირექტორის, გიორგი შიოლაშვილის განცხადებით, მონიტორინგი ვიდეომეთვალყურეობის კამერების მეშვეობით და ასევე, სპეციალური ჯგუფების ჩართულობით მოხდება. დარღვევის დაფიქსირების შემთხვევაში კი ცენტრებს ჯარიმები დაეკისრებათ. ჯარიმის ოდენობა დარღვევის სიმძიმიდან გამომდინარე განისაზღვრება. მისი თქმით, ეკონომიკის სამინისტროსთან მიდის მოლაპარაკება პირველადი ტექნიკური ინსპექტირების საფასურის გადახედვაზე. კერძოდ, საუბარია ინსპქეტრიბის 30 ლარით გაძვირებაზე, რაც სატრანსპორტო საშუალების შემოწმების 90 ლარამდე გაზრდას ითვალისწინებს. „ტექინსპექტირების ცენტრების კავშირის“ აღმასრულებელი დირექტორის ვარაუდით, საფასური 2025 წლიდან გაიზრდება. „2025 წლიდან იგეგმება, რომ განხორციელდეს ტექინსპექტირების ცენტრების მონიტორინგი. მონიტორინგს განახორციელებს სახმელეთო ტრანსპორტის სააგენტო. მონიტორინგი ითვალისწინებს როგორც ვიდეო მეთვალყურეობის…

14 წლის აითაჯ შახმაროვას მკვლელობაში ბრალდებულ ქმარს უვადო პატიმრობა შეეფარდა. აითაჯ შახმაროვა კახეთში, საგარეჯოს მუნიციპალიტეტის სოფელ ლამბალოში ცეცხლსასროლი იარაღით 6 ოქტომბერს მოკლეს. მკვლელობაში ბრალდებული 28 წლის ქმარი 10 ოქტომბერს დააკავეს. დანაშაულის შეუტყობინებლობისა და ქორწინების იძულების ბრალდებით კიდევ ოთხი ადამიანია დაკავებული: აითაჯ შახმაროვას დედა, ბიძა და მკვლელობაში ბრალდებულის ბიძა და ბიძაშვილი. ყველა მათგანს აღკვეთის ღონისძიების სახით პატიმრობა აქვს შეფარდებული.

ბოლნისში, სამხედრო ვერტმფრენის ჩამოვარდნის შედეგად დაღუპული პილოტი კახაბერ ზურაბაშვილია. ავიაკატასტროფა ქვემო ქართლში დღეს, ცოტა ხნის წინ მოხდა. ჩამოვარდა სუ-25. კატასტროფის შედეგად, ტრაგიკულად დაიღუპა თავდაცვის ძალების ავიაციისა და საჰაერო სარდლობის პილოტი, კახაბერ ზურაბაშვილი. ტრაგედიის ადგილზე, ამ წუთებში, საგამოძიებო მოქმედებები მიმდინარეობს.

ქვემო ქართლში, ავიაკატასტროფის ადგილას პოლიცია და სამაშველო სამსახურია მობილიზებული. მიმდინარეობს საგამოძიებო მოქმედებები. შეგახსენებთ, რომ ცოტა ხნის წინ, ბოლნისის მუნიციპალიტეტის სოფელ დისველში, დაუსახლებელ ტერიტორიაზე, გეგმიური სამხედრო სწავლების დროს, სამხედრო ვერტმფრენი სუ-25 ჩამოვარდა. დაღუპულია თავდაცვის ძალების ავიაციისა და საჰაერო სარდლობის პილოტი, კახაბერ ზურაბაშვილი. შემთხვევის მიზეზების დადგენის მიზნით, თავდაცვის უწყების შესაბამისი სამსახურები დეტალურ გამოკვლევას აწარმოებენ.

თავდაცვის სამინისტრო ბოლნისის მუნიციპალიტეტში მომხდარ ავიაკატასტროფას ადასტურებს და ინფორმაციას ავრცელებს. დაღუპულია თავდაცვის ძალების ავიაციისა და საჰაერო სარდლობის პილოტი, კახაბერ ზურაბაშვილი: ,,მიმდინარე წლის 2 ივლისს, ერთ-ერთი გეგმიური სამხედრო სწავლების დროს, რომელშიც ჩართული იყო საავიაციო კომპონენტი, თავდაცვის ძალების კუთვნილმა ერთ-ერთმა საფრენმა აპარატმა განიცადა კატასტროფა. სუ-25 კატასტროფის შედეგად, ტრაგიკულად დაიღუპა თავდაცვის ძალების ავიაციისა და საჰაერო სარდლობის პილოტი, კახაბერ ზურაბაშვილი. აღნიშნული შემთხვევის მიზეზების დადგენის მიზნით, თავდაცვის უწყების შესაბამისი სამსახურები აწარმოებენ დეტალურ გამოკვლევას. თავდაცვის სამინისტრო მწუხარებას გამოთქვამს ტრაგიკული შემთხვევის გამო და უსამძიმრებს დაღუპული პილოტის ოჯახსა და ახლობლებს”, – აცხადებს თავდაცვა.

საქართველოს პრეზიდენტი დღეს სახალხო ზეიმს შეუერთდება და ფეხბურთის ეროვნული ნაკრების წევრებსა და ფეხბურთის ეროვნული ფედერაციის წარმომადგენლებს დააჯილდოებს. ინფორმაციას პრეზიდენტის ადმინისტრაცია ავრცელებს: ,,სახელმწიფო ჯილდოზე წარდგენილ ყველა პირს პრეზიდენტი ღირსების ორდენებსა და მედლებს გადასცემს ისტორიული სპორტული მიღწევის – 2024 წლის ევროპის საფეხბურთო ჩემპიონატის ფინალურ ეტაპზე გასვლისთვის, ქართული ფეხბურთის განვითარების სრულიად ახალ საფეხურზე აყვანისა და მისი პოპულარიზაციის საქმეში შეტანილი განსაკუთრებული პირადი წვლილისათვის”, – ნათქვამია ინფორმაციაში. 

ბოლნისის მუნიციპალიტეტში ვერტმფრენის ჩამოვარდნას მსხვერპლი მოყვა. როგორც ,,ინფო რუსთავს” სოფელში მერის წარმომადგენელმა ზურაბ შაინიძემ განუცხადა, დაღუპულია ერთი მფრინავი. შემთხვევა, რამდენიმე საათის წინ, სოფელ დისველთან მოხდა. შსს-ს ოფიციალური ინფორმაცია, ჯერჯერობით, არ გაუვრცელებია.

,,მთავრობის ადმინისტრაციის ინიციატივით გაიმართება ღონისძიება, სადაც გულშემატკივარს ექნება საშუალება, მადლობა გადაუხადოს ფეხბურთელებს”, – ამის შესახებ საქართველოს მთავრობის ადმინისტრაციის უფროსმა ლევან ჟორჟოლიანმა ჟურნალისტებს განუცხადა. მისი თქმით, 22:00 საათზე დაიწყება ღონისძიება, ყველა ფეხბურთელი იქნება სცენაზე, შესრულდება საქართველოს სახელმწიფო ჰიმნი და ღონისძიება დასრულდება გრანდიოზული ფოიერვერკით. „მინდა მადლობა გადავუხადო ჩვენი ნაკრების ფეხბურთელებს ამ უდიდესი დადებითი ემოციებისთვის და შესანიშნავი თამაშისთვის, რომელიც მათ ევროპის ჩემპიონატზე აჩვენეს. დებიუტანტი გუნდისთვის ეს იყო უპრეცედენტოდ დიდი წარმატება, რომელიც ისტორიაში არასდროს დაფიქსირებულა. შესაბამისად, მთავრობის ადმინისტრაციის ინიციატივით ვაორგანიზებთ ღონისძიებას, გულშემატკივარს ექნება საშუალება მადლობა გადაუხადოს ფეხბურთელებს. 21:00 საათიდან გულშემატკივარს ველოდებით თავისუფლების მოედანზე, ხოლო…