“ბევრი ევროკავშირის წევრი ქვეყანა განიხილავს, რომ უნდა შეწყდეს თანამშრომლობა ჩვენს ხელისუფლებასთან“ – სალომე სამადაშვილი 

საქართველოს პარლამენტის წევრი სალომე სამადაშვილი ხელისუფლებას საერთაშორისო პარტნიორებთან ურთიერთობის მაქსიმალურად გაფუჭებაში ადანაშაულებს და აცხადებს, რომ საქართველოს ხელისუფლებასთან თანამშრომლობა ბევრს არ უნდა.

„დღეს, ბევრი ევროკავშირის წევრი ქვეყანა უკვე განიხილავ იმას, რომ უნდა შეწყდეს რეალურად თანამშრომლობა ჩვენს ხელისუფლებასთან იმიტომ, რომ ამას არსაით არ მიყავს ეს ქვეყანა“, – განაცხადა ფრაქცია „ლელო“ – პარტნიორობა საქართველოსთვის“ წევრმა, სალომე სამადაშვილმა პარლამენტის პლენარულ სხდომაზე.

მისი თქმით, აუცილებელია, რომ საგარეო საქმეთა მინისტრმა პარლამენტში დეპუტატების შეკითხვებს უპასუხოს.

„საგარეო საქმეთ მინისტრმა პარლამენტში პასუხი უნდა გასცეს შეკითხვებს, რომელიც უკავშირდება იმას, რომ დღეს საქართველომ მიაღწია ყველაზე დაბალ ნიშნულს  ჩვენს ურთიერთობებში დასავლეთთან, მაშინ როდესაც თქვენ ურცხვად ატყუებთ საქართველოს მოქალაქეებს, რომ ევროკავშირში განაცხადის შეტანას აპირებთ“, – აღნიშნა სალომე სამადაშვილმა.

მსგავსი თემები