ოკუპირებულ აფხაზეთში, ბიჭვინთაში ადგილობრივმა ორი რუსი ტურისტი დაჭრა. apsny.press-ის ინფორმაციით, გუდაუთაში მცხოვრებმა დიმიტრი ფილიამ, ერთ-ერთ რესტორანში ჩხუბის შედეგ, რუსეთის ორ მოქალაქეს ცეცხლსასროლი იარაღიდან ცეცხლი გაუხსნა.
ერთ-ერთი მათგანი სამჯერ დაჭრა, მეორეს კი 6 ჭრილობა აქვს მიყენებული. დაჭრილი ტურისტები ოკუპირებული გაგრის საავადმყოფოში გადაიყვანეს.
ასხლეტილი ტყვიით კი ასევე დაიჭრა თავად ფილიაც, რომელიც წარსულში სხვადასხვა დანაშაულისთვის არაერთხელ არის ნასამართლევი.
