8 ახალი შემთხვევა გამოვლინდა, გამოჯანმრთელებულების რიცხვი კი 22-ით გაიზარდა, – ამის შესახებ ჟურნალისტებს ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა.
მისივე თქმით, ქვეყანაში კორონავირუსით ინფიცირების 931 შემთხვევა იყო და 8 ახალი დაემატა. ამდენად ამჟამად 939 დადასტურებული შემთვევაა.
რაც შეეხება გამოჯანმრთელებულებს, 795 იყო და 22-ით გაიზარდა. ამჟამად კოვიდინფიექციისგან 817 პაციენტია განკურნებული.
ამასთან, ინფიცირებული ახალი შემთხვევებიდან 6 სატვირთოს მძღოლია.
საერთო ჯამში ქვეყანაში კორონავირუსი 939 ადამიანს დაუდასტურდა, აქედან 817 უკვე გამოჯანმრთელდა, 15 ადამიანი კი გარდაიცვალა.
კარანტინის რეჟიმში 3 080 ადამიანი რჩება, სტაციონარში მეთვალყურეობის ქვეშ კი – 242.
