„პარი სენ-ჟერმენმა“ უარი განაცხადა დავალიანების გადახდაზე, რომელიც ფორვარდ კილიან მბაპეს მიმართ დაუგროვდა. თანხა 55 მილიონ ევროს შეადგენს.
ადრე ცნობილი გახდა, რომ საფრანგეთის პროფესიული საფეხბურთო ლიგის (LFP) იურიდიულმა კომიტეტმა დაავალდებულა პარიზული კლუბი ანგარიში გაასწოროს ფეხბურთელთან, მაგრამ როგორც გაზეთი L’Equipe წერს, კლუბი გააგრძელებს საქმის გარჩევას უმაღლეს ინსტანციებში.
პრესრელიზში „პარი სენ-ჟერმენი“ წერს, რომ საკუთარ ინტერესებს სასამართლოში დაიცავს. საქმეს განიხილავენ შრომითი კანონმდებლობის რანგში.
