უკრაინაში 2024 წლის პირველ ექვს თვეში 87 655 ადამიანი დაიბადა, რაც სიკვდილიანობის მაჩვენებელზე სამჯერ ნაკლებია. ინფორმაცია უკრაინული გამოცემა unian.net-ის ტელეგრამ არხზეა გამოქვეყნებული.
როგორც გამოცემა უკრაინის იუსტიციის სამინისტროს მიერ მიწოდებულ ინფორმაციაზე დაყრდნობით წერს, დღეს ქვეყანაში ერთ ახალშობილზე სამი გარდაცვლილი მოდის, მაშინ, როცა კორონავირუსის პანდემიის დროს ეს მაჩვენებელი ერთი ორზე იყო.
UNIAN-ის ცნობით, 2024 წლის პირველი ექვსი თვის შობადობის მაჩვენებელი 9%-ით ნაკლებია ამავე პერიოდის 2023 წლის მონაცემებზე და 1,5 ჯერ ნაკლებია 2021 წლის მაჩვენებელზე.
