უკრაინის პრეზიდენტმა საგარეო საქმეთა მინისტრ დმიტრო კულებას ჩინეთში ვიზიტზე ისაუბრა და აღნიშნა, რომ კულებას მიერ გამართული შეხვედრების შედეგად, ოფიციალური პეკინის მხრიდან არის სიგნალი, რომ ჩინეთი მხარს უჭერს უკრაინის ტერიტორიულ მთლიანობას და რომ ის რუსეთს შეიარაღებას არ მიაწვდის.
“უკრაინელი ოფიციალური პირის ვიზიტი ამ დონეზე, პირველი შემთხვევაა მრავალი წლის განმავლობაში. და ეს კარგია. არის მკაფიო სიგნალი იმისა, რომ ჩინეთი მხარს უჭერს უკრაინის ტერიტორიულ მთლიანობასა და სუვერენიტეტს. მან [კულებამ] ასევე დაადასტურა ის, რაც მითხრა ჩინეთის ლიდერმა სი ძინპინმა – რომ ჩინეთი არ მიაწვდის რუსეთს იარაღს, ველოდები მინისტრის დეტალურ ანგარიშს უკრაინაში დაბრუნების შემდეგ“, – აღნიშნა ზელენსკიმ.
