ისრაელის თავდაცვის ძალების ინფორმაციით, ლიბანიდან ისრაელის მიმართულებით 40-მდე რაკეტა გაუშვეს. ამავე ცნობით, უკანასკნელი ერთი საათის განმავლობაში ლიბანიდან გალილეისა და გოლანის მაღლობის მიმართულებით, ასევე გაუშვეს, 5 „საეჭვო საჰაერო ობიექტი“ რომელთაგან ისრაელის თავდაცვის სისტემამ 3 გაანადგურა.
ისრაელის სახანძრო-სამაშველო სამსახურის განცხადებით, ლიბანიდან განხორციელებული სარაკეტო იერიშის შედეგად, ისრაელის ჩრდილოეთ ნაწილში ხანძარი გაჩნდა.