„დიდი ოცეულის“ დეკლარაცია რუსეთისთვის გამარჯვება არ არის, – ამის შესახებ საფრანგეთის პრეზიდენტმა, ემანუელ მაკრონმა განაცხადა.
მისი თქმით, „დიდ ოცეულში“ სულაც არ არის ადგილი უკრაინის ომში დიპლომატიური პროგრესის მოლოდინისთვის. როგორც მაკრონმა აღნიშნა, „დიდი ოცეულის“ ლიდერების განცხადება შაბათ-კვირის შეხვედრაზე არ იყო რუსეთის დიპლომატიური გამარჯვება, რომელიც სამიტიდან იზოლირებული გამოვიდა.
„დიდი ოცეულის“ ეს შეხვედრა კიდევ ერთხელ ადასტურებს რუსეთის იზოლაციას. დღეს „დიდი ოცეულის“ წევრების აბსოლუტური უმრავლესობა გმობს უკრაინის ომს“, – განაცხადა მაკრონმა.