,,გადახედეთ ქვებს ისვრიან, დაახიეს ყველაფერი ადამიანებს, ფიზიკურად უსწორდებიან, ესენი არიან საჯარო მოხელეები და სუსის “ნასეტკები”- ამის შესახებ ”ნაციონალური მოძრაობის” თავმჯდომარემ, ლევან ხაბეიშვილმა განაცხადა.
საგარეჯოში, სადაც “ნაციონალური მოძრაობის” თავმჯდომარე და პარტიის წევრები მოსახლეობასთან შეხვედრას მართავენ, ცოტახნის წინ ვითარება უკიდურესად დაიძაბა.
,,თქვენ ახლა ხედავთ პაპუასებს, ქვებს ისვრიან. კონკრეტულ პენსიონერებთან ერთად ვართ რა თემაზე, რომ საბანკო ოლიგარქიით გაძარცვეს ეს ხალხი. 1600 ლარი აიღო სესხი 2018 წელს, 2023 წელია კიდევ იხდის და ჯამში 1600 ლარში უნდა გადაიხადოს 4500 ლარი. ამ თემაზე სასაუბროდ, რომ საბანკო ოლიგარქიით, რომ გაძარცვეს ეს ხალხი, რომ პენსიონერები შეჭამეს გამოხრეს, ამ თემაზე ვხვდებით საგარეჯოში. გადახედეთ ქვებს ისვრიან, დაახიეს ყველაფერი ადამიანებს, ფიზიკურად უსწორდებიან, ესენი არიან საჯარო მოხელეები და სუსის “ნასეტკები” პირდაპირი მნიშვნელობით. ჩამოსული ვარ შეხვედრაზე პენსიონერებთან, რომ გაძარცვეს პენსიონერები, ტყუილია?! რომ რუსმა ოლიგარქმა ეჭამა ეს ხალხი და შეხედეთ რა დღეში აგდებენ მოსახლეობას, ჩვენი ნაციონალური მოძრაობის წევრია. წარმოუდგენელი ვანდალიზმია და ამას აკეთებს ბიძინა ივანიშვილი, რუსი და “კაბეგეშნიკი” კობახიძე,” – განუცხადა ხაბეიშვილმა ტვ პირველს.
